Ex 3:18 - Kaqchiquel Bible

¹⁸ Wakami ri e tata'al richin ri Israel kan xtikinimaj k'a el ri atzij y xkixbe k'a rik'in ri rey richin Egipto y rat xtabebij chire: Ri Jehová ri qa-Dios roj ri oj israelita xuk'ut-ri' chiqawech y xch'on qik'in y roma ri' taya' k'a q'ij chiqe richin yojbe pa tz'iran ruwach'ulew richin nibeqasuju' kamelabel chire ri Jehová ri qa-Dios roj. Oxi' k'a q'ij xqojbiyin-el richin yojapon-el k'a chiri', xkacha' chire.

Ex 3:18 ပူးပေါင်းရင်းမြစ်များ

Ex 9:1

K'ari' ri Jehová Dios xubij chik chire ri Moisés: Katapon chik jun bey rik'in ri rey y tabij chire: Ri qa-Dios roj ri oj israelita nubij chi taya' q'ij chiqe richin yojbe, richin chi roj nibeqasamajij.

Ex 7:16

Kere' tabij chire ri rey: Ri Jehová ri qa-Dios roj israelita in rutaqon-pe richin nonbij chawe rat chi taya' q'ij chiqe richin nibeqasamajij ri qa-Dios ri chiri' pa tz'iran ruwach'ulew. Jak'a rat xa man awajowan ta awak'axan ri rutzij ri Dios.

Ex 10:3

K'ari' ri Moisés y ri Aarón xebe rik'in ri rey y xkibij chire: Ri Jehová ri qa-Dios roj israelita nubij: ¿K'a janipe' k'a xtaqasaj-awi' chinuwech? Taya' q'ij chire ri nutinamit richin nel-el wawe' richin chi yiberusamajij.

Ex 9:13

Ri Jehová xch'on chik k'a jun bey rik'in ri Moisés y xubij: Chua'q kayakatej nimaq'a' yan y kach'on k'a rik'in ri rey y tabij chire chi yin Jehová ri i-Dios rix israelita ninbij: Taya' q'ij chire ri nutinamit richin nel-el richin yirusamajij.

Wuj Richin Bix Chire ri Dios 110:3

Y ri chiri' toq rat xkabe pan oyowal, ri aj-labal xtikisuj-ki' richin xkebe chawij. Y rije' kan xtikitz'apej ruwech ri ruwach'ulew roma janila e k'iy, achi'el ri raxq'ab ri niqaqa toq k'a man ja ni niseqer-q'anej,

2 Crón 30:12

Chuqa' pa ruwach'ulew Judá, ri Dios kan xusiloj k'a ri kánima ri winaqi' richin tikibana' ri rubin kan rija' chire ri rey y ri e tata'al.

Wuj Richin ri Josúe 1:17

Roj chuqa' xkatqanimaj, achi'el xqanimaj rutzij ri Moisés pa ruwi' ronojel. Xaxe niqajo' chi ri Jehová ri qa-Dios kan ta xtik'oje' awik'in, achi'el xk'oje' rik'in ri Moisés.

Wuj Richin ri Q'axanri'il 17:4

Y k'ari' ri ch'ame'y ri' xke'ak'uaj-apo ri pa wachoch, chuwech-apo ri káxa richin ri nujikibel-tzij, ri akuchi nink'ut-wi-wi' chiwech.

Ex 30:6

Y xtiya' ri porobel ri' chupan ri wachoch, chuwech-apo ri tzieq ri tasbel, ri newan ri káxa ri richin ri nujikibel-tzij, ri akuchi xtink'ul-wi' iwik'in richin yich'on iwik'in.

Ex 25:22

Y chiri' k'a pa ruwi' ri tz'apebel, chiri' chikikojol ri e ka'i' querubín, chiri' xtink'ut-pe-wi' chawech. Ja ri chiri' ri xtiqak'ul-wi-qi' richin xtinbij ri k'atzinel richin nikiben ri awinaq.

Ex 19:1

Chirij re', ri israelita xe'el-pe pa Refidim; y chupan k'a ri q'ij toq xtz'aqet oxi' ik' chi ke'el-pe pan Egipto, chupan ri q'ij ri', jari' toq xe'apon pa ruwa-taq'aj ri k'o chunaqaj ri juyu' Sinaí. Y chiri' xek'oje-wi-qa chuwech-pe ri juyu'.

Ex 4:31

Ri israelita xkinimaj k'a. Y toq xkak'axaj chi ri Jehová yeruk'uxla'aj y xutz'et ri kitijoj-poqonal, rije' kan xkiqasaj-qa-ki' k'a pan ulew y xkiya' ruq'ij ri Jehová.

Ex 4:24

Y ri Moisés xuchop k'a el bey, y toq xe'apon akuchi niban-wi waran, xek'oje-qa chiri'. Y ri Jehová xuk'ut chik ri' chuwech jun bey y xrajo' ta chi xukamisaj.

Ex 3:16

Kabiyin k'a y toq xkatapon, ke'amolo' ri nima'q taq achi'a' chikikojol ri awinaq y tabij chike: Ri Jehová ri ki-Dios ri qati't-qamama', ri Abraham, ri Isaac y ri Jacob, xuk'ut-ri' chinuwech y xubij chuwe chi rija' kan nutz'et k'a ronojel ri ruk'ayewal ri niban chiwe wawe' pan Egipto y roma ri' xpe chi'ito'ik.

Ex 3:12

Y ri Dios xubij chire: Kabiyin, roma yin kan xkik'oje' awik'in, y ja retal re' ninya' chawe chi kan ja yin ri yitaqon awichin, chi toq xke'awelesaj-pe pan Egipto, jari' toq rix xkinisamajij pa ruwi' re juyu' re', xcha' ri Dios chire.

Wuj Richin ri Rutikeribel 48:3

Xtzijon k'a rik'in ri José y xubij: Ri Dios ri k'o ronojel uchuq'a' pa ruq'a' xuk'ut-ri' chinuwech ri chiri' pa tinamit rubini'an Luz, ri k'o chiri' pa ruwach'ulew Canaán y xirurtisaj,

Wuj Richin ri Rutikeribel 17:1

Ri Abram k'o jumuch' belejlajuj rujuna' toq xuk'ut chik ri' jun bey ri Jehová chuwech, y xubij chire: Ja yin ri in Dios ri k'o Ronojel Uchuq'a' Pa Nuq'a'.*f14* Tak'uaj ri nubey y tabana' ri utz.

Wuj Richin ri Rutikeribel 15:1

Toq xbanatej yan ronojel re' ri Jehová xch'on rik'in ri Abram pa jun achi'el achik' y xubij chire: Man taxibij-awi' Abram, xa man jun xtak'uluwachij roma kan ja yin ri xkito'on awichin y ronojel ri xtaben k'o nim rajel ruk'exel xtak'ul, xcha' ri Dios.

Wuj Richin ri Rutikeribel 12:1

Ri Jehová kan kere' rubin chire ri Abram: Katel-el wawe'. Taya' kan re ruwach'ulew re', re awinaq y ri e aj pa rachoch ri atata' y xtink'ut chawech ri akuchi xkabe-wi.

Wuj Richin ri Jeremías 26:5

Chuqa' tinimaj ri kich'abel ri e q'alajirisey nuch'abel ri e nuya'on chi'ikojol, stape' k'a re wakami rix man iniman ta kitzij rije'.

Wuj Richin ri Jeremías 2:6

Rije' kan man xoqaqa ta k'a chikik'u'x akuchi ink'o-wi yin ri xinelesan-pe kichin pan Egipto y xenyuqej chupan ri tz'iran ruwach'ulew; jun ruwach'ulew nojineq rik'in nimalej taq siwan, ruwach'ulew akuchi maneq ya' y akuchi chi'anin yaken, jun ruwach'ulew akuchi man jun wineq niq'ax y ni man jun nik'oje' chiri'.

Wuj Richin ri Jeremías 2:2

Kabiyin pa tinamit Jerusalem y tabij chike ri winaqi' chi ja ch'abel re' ri ninbij yin chike: Noqaqa k'a chinuk'u'x chi ri pa rutikeribel, ri ite-itata' kan kiniman-wi nutzij, achi'el nuben jun ixjayilonel ri k'a juba' tik'ule', ri janila nrajo' ri rachijil. Ri ite-itata' kan xinkitzeqelibej pa tz'iran ruwach'ulew.

Wuj Richin ri Isaías 64:5

Rat kan ye'ak'ul chi utzil ri kan rik'in kikoten nikiben ri ruchojmilal, y ri noqaqa chikik'u'x ri bey ri ak'utun kan rat chikiwech. Rat kan janila awoyowal roma xojmakun roj; kan ojer chik ri' qaya'on q'axo'n chawe.

Ex 30:36

Juba' k'a chire ri jalajoj kiwech q'ayis xtijok' jebel y xtik'uaj pa wachoch richin tiya' chuwech ri káxa ri k'o ri nujikibel-tzij chupan, ri chiri' ri akuchi nink'ut-wi' chiwech. Re pom re' kan janila k'a rejqalen xtok chiwech rix, roma kan xtich'er richin nukusex pa nusamaj yin.

Wuj Richin ri Rutikeribel 14:13

Y k'o k'a jun achin ri xukol-el-ri' chupan ri oyowal y xberuya' rutzijol chire ri Abram ri rijatzul kan ri Éber. Y ri Abram k'o k'a chiri' akuchi k'o-wi ri li'aj paten-che' richin ri Mamré ri rijatzul ri Hamor. Y ri Mamré kach'alal ri Escol y ri Aner. Y re achi'a' re' kan junan k'a kiwech rik'in ri Abram.

Ex 4:1

K'ari' ri Moisés xch'on y xubij chire ri Dios: Ri nuwinaq xa man xkinkinimaj ta y man xtikak'axaj ta ri nuch'abel. Rije' xa xtikibij: Ri Jehová maneq xuk'ut-ri' chawech rat, xkecha' chuwe, xcha' ri Moisés chire ri Dios.

Ex 5:1

Y k'ari' ri Moisés y ri Aarón xe'apon chuwech ri rey y xkibij chire: Ri Jehová ri Dios richin ri Israel, kere' ri rubin-pe: Taya' q'ij chire ri nutinamit richin niberubana' jun nimaq'ij chuwe yin ri pa tz'iran ruwach'ulew, chayineq-pe, xecha' rije'.

Ex 5:3

Y rije' xkibij: Ri Dios ri richin ri tinamit Israel xuk'ut-ri' chiqawech; roma ri' nik'atzin chi roj yojbiyin oxi' q'ij k'a pa tz'iran ruwach'ulew y chiri' nibeqasuju' kamelabel chuwech ri Jehová ri qa-Dios. Roma wi man xtiqaben ta re', rik'in juba' xqojrukamisaj rik'in jun nimalej yabil, o yojken chi espada, xecha' chire.

Ex 8:1

Jari' toq ri Jehová xch'on chik jun bey rik'in ri Moisés y xubij chire: Katapon chik jun bey chuwech ri rey y tabij chire chi yin kere' ninbij: Taya' q'ij chire ri nutinamit richin nibe y yirusamajij.

Ex 8:20

Ri Jehová xch'on chik jun bey rik'in ri Moisés y xubij chire: Ri rey nibe pa raqen-ya' ri chua'q nimaq'a'. Roma ri' rat kan kayakatej k'a nimaq'a' yan, richin yach'on rik'in y tabij chire chi yin Jehová ninbij: Taya' q'ij chire ri nutinamit richin nel-el richin yirusamajij.

Ex 17:5

Y ri Jehová xubij chire ri Moisés: Katik'o-el chikiwech ri awinaq y ke'ak'uaj-el awik'in rat ri achi'a' ri k'o kiq'ij ri ek'o pa kiwi' rije'. Chuqa' tak'uaj-el ri ach'ame'y ri achoq ik'in xaneq-wi ri raqen-ya' Nilo y kabiyin.

Ex 4:23

Xinbij yan chawe richin taya' q'ij chire ri nuk'ajol richin nel-el, richin chi niberuya' nuq'ij y wi rat man naya' ta el q'ij chire, rija' xtukamisaj ri nabey ak'ajol. Kere' rubin-pe ri Dios, xkacha' chire ri rey, xcha' ri Dios.

Ex 8:23

Yin kan xtinya' k'a rukojol rik'in ri nutinamit yin y ri atinamit rat; y re nimalej nubanobal richin retal, ja yan ri chua'q xtibanatej, xkacha' chire ri rey, xcha' ri Dios.