Ex 3:15 - Kaqchiquel Bible

¹⁵ Chuqa' xubij chire ri Moisés: Kere' tabij chike ri awinaq: Jehová ri Dios kichin kan ri qati't-qamama', ri Abraham, ri Isaac, y ri Jacob, ja rija' ri in taqayon-pe iwik'in rix, xkacha' chike. Ja nubi' re' richin q'asen. Rik'in k'a re bi'aj re' xkinatex koma ri winaqi' chi wiq chi tanaj.

Ex 3:15 ပူးပေါင်းရင်းမြစ်များ

Wuj Richin ri Rutikeribel 24:12

Y xubij k'a ri samajel: Jehová Dios richin ri Abraham y wichin yin, tabana' utzil chi ronojel ri nutaqikil kan ta utz xtel chinuwech, y taya' joyowanik pa ruwi' ri wajaw.

1 Crón 16:16

Re jikibel-tzij re' ri xuben rik'in ri Abraham, re yo'ontzij re' ri xuben rik'in ri Isaac,

1 Crón 29:18

Ajaw Dios, ri qa-Dios y ri ki-Dios ri qati't-qamama' ri Abraham, ri Isaac y ri Israel, kan richin ta jantape' xtiqa' chawech ri xuya-apo ri atinamit chawe, y tabana' chike richin xtikijech ta chuqa' ri kánima chawe.

2 Crón 28:9

Y chiri' k'o k'a jun q'alajirisey ruch'abel ri Dios rubini'an Oded. Rija' xeberuk'ulu-el ri aj-labal ri xetzolin-pe pa Judá chiri' chuchi' ri Samaria, y xubij chike: Ri Jehová ri ki-Dios kan ri qati't-qamama' xpe royowal pa kiwi' ri aj-Judá, y roma ri' xerujech pan iq'a' rix. Jak'a rix xa kan rik'in janila iwoyowal xe'ikamisaj kan, y re banobel re' kan xapon-q'anej k'a chila' chikaj.

Wuj Richin Bix Chire ri Dios 102:12

Jak'a rat Jehová kan jantape' k'a atk'o tibe-q'ij tibe-seq. Ri utzilej atzijol kan jantape' k'a xtinatex koma ri chi wiq chi tanaj winaqi'.

Wuj Richin Bix Chire ri Dios 102:13

Ri q'ij richin najoyowaj chik ruwech ri Sión kan xapon k'a. Y kan xtz'aqet yan k'a ri q'ij ri abin-pe. Roma ri' kan xkayakatej k'a pe y xtajoyowaj chik ruwech.

Wuj Richin Bix Chire ri Dios 135:13

Nimalej Jehová, ri abi' rat kan richin q'asen. Ri natabel awichin rat, kan xtikinataj k'a ri chi wiq chi tanaj winaqi' ri xkepe.

Wuj Richin Bix Chire ri Dios 30:4

Tibixaj k'a rubi' ri Jehová, rix ri ix ch'aron chik. Tiya' k'a ruq'ij ri loq'olej rubi'.

Wuj Richin Bix Chire ri Dios 30:5

Ri royowal rija' kan xaxe k'a jun ti ramaj nuben. Jak'a ri rutzil xa kan man k'isel ta. Stape' k'o oq'ej ri chi'aq'a', toq niseqer-pe kan k'o chik ri kikoten.

Wuj Richin Bix Chire ri Dios 68:5

Ri Dios kan tata'aj k'a chike ri meba'i' y to'onel kichin ri malkani' Kan k'a chupan k'a ri rachoch yeruto-wi-pe.

Wuj Richin Bix Chire ri Dios 72:17

Ri rubi' ri rey xtik'oje' jantape'; ri utzilej rutzijol kan man xtik'is ta, achi'el ri q'ij man nik'is ta. Konojel tzobaj winaqi' richin re ruwach'ulew xtikik'ul urtisanik pa ruq'a' rija', konojel xtikibij chi rija' kan jebel ruwa-ruq'ij.

Wuj Richin Bix Chire ri Dios 72:19

¡Kan tinimirisex k'a ri nimalej rubi' jantape'! Kan chijun ta ri ruwach'ulew xtinoj rik'in ri ruk'ojlemal, ¡Kan keri' ta k'a xtibanatej, ja' kan keri'!

Ex 15:2

Rat k'a Jehová ri quchuq'a' y ri qabix. Ja rat ri qakolonel. Rat ri qa-Dios ri k'o chi niqaya' aq'ij. Ri at ki-Dios ri qate-qatata' y roj niqanimirisaj ri abi'.

Ex 15:3

Rat Jehová at nimalej aj-labal; Ja rat ri Jehová abi'.

Ex 3:13

Jak'a ri Moisés xubij chire ri Dios: Wi ta yin yinapon kik'in ri nuwinaq, y ninbij chike: Ri Dios ri kichin kan ri qati't-qamama' in rutaqon-pe iwik'in rix, xkicha' chike, wi rije' xtikik'utuj chuwe: ¿Achike rubi'?, xkecha' chuwe. ¿Achike k'a xtinbij yin chike?, xcha' ri Moisés chire ri Dios.

Ex 3:6

Y chuqa' xubij chire: Ja yin ri ru-Dios ri atata', ri ru-Dios ri Abraham, ri ru-Dios ri Isaac, y ri ru-Dios ri Jacob, xcha' chire. Toq xrak'axaj keri', ri Moisés xrewaj rupalej, roma xuxibij-ri' richin nutzu' ruwech ri Dios.

Ex 4:1

K'ari' ri Moisés xch'on y xubij chire ri Dios: Ri nuwinaq xa man xkinkinimaj ta y man xtikak'axaj ta ri nuch'abel. Rije' xa xtikibij: Ri Jehová maneq xuk'ut-ri' chawech rat, xkecha' chuwe, xcha' ri Moisés chire ri Dios.

Ex 4:5

Rik'in k'a re xtaben chikiwech, kan xtikinimaj chi yin Jehová Dios kan xink'ut-wi' chawech. Yin ri Dios ri kichin ri awati't-amama', ri Abraham, ri Isaac y ri Jacob, xcha' ri Dios chire.

Ex 6:2

Ri Dios xch'on chik jun bey rik'in ri Moisés y xubij chire: JA YIN RI JEHOVÁ.

Wuj Richin Etamabel-Tzij 18:10

Kan achi'el ri Kowilej Torre, keri' chuqa' ri rubi' ri Jehová, roma ri' ri wineq choj ruk'aslen nukuquba' ruk'u'x rik'in y napon chiri' richin nuto-ri'.

Wuj Richin ri Isaías 26:8

Chuqa' roj kan qakuquban qak'u'x awik'in, rik'in ri choj bey ri aya'on chiqe. Y ri rurayibel ri qánima chi kan xaxe rat ri yatqach'ob.

Wuj Richin ri Isaías 42:8

Yin Jehová; jare' ri nubi'. Man xtinya' ta ri nuruwaq'ijaj chike ch'aqa' chik dios, ni chike ri kiwachibel rije'.

Wuj Richin ri Isaías 63:12

Ri Dios xuteq-pe ri nimalej ruchuq'a' richin xuyuqej chiruq'a' ri Moisés, ri xbanon chi xch'aratej ri palou ri', richin xnimirisex rubi' ri Jehová tibe-q'ij tibe-seq,

Wuj Richin ri Isaías 9:6

Roma kan xtiya'ox-pe jun ak'ual richin xto'alex-qa, alk'ualaxel ri kan xtiya'ox-pe chiqe. Xtiya'ox-pe q'atbel-tzij pa ruq'a'. Y kan xtubini'aj k'a: Ri jebelej pixabanel, Ri Dios ri k'o ronojel uchuq'a' rik'in, Tata'aj richin q'asen, Tata'al ri xtuk'en-pe uxlanibel-k'u'x.

Wuj Richin ri Jeremías 33:2

Yin ri xibanon re ruwach'ulew y ri xijikiban richin; ri nubi' ja ri Jehová. Y ninbij:

Dn 2:23

Nu-Dios yin, ri ki-Dios chuqa' ri nte-nata', yimatioxin awik'in y ninya' aq'ij. Kan xaya' k'a chuwe ri etamabel y nojibel. Xak'ut k'a chinuwech ri xqak'utuj chawe, roma kan xaq'alajirisaj k'a chiqawech ri nrajo' nretamaj ri rey, xcha' ri Daniel.

Os 12:5

Jak'a ri Jehová kan ja wi rija' ri Dios k'iytisanel richin ronojel, Jehová jari' ri rubi'.

Os 12:6

Rix nuwinaq israelita kan titzolej k'a pe ik'u'x rik'in ri qa-Dios Kan tibana' k'a ri qitzij y ri choj. Kan jantape' k'a tikuquba' ik'u'x rik'in ri qa-Dios.

Wuj Richin ri Miqueas 4:5

Stape' ri ch'aqa' chik winaqi' xkebiyin pa rubi' ri ki-dios, man rik'in ri' roj kan xqojbiyin pa rubi' ri Jehová ri qa-Dios, richin q'asen y tibe-q'ij tibe-seq.

Wuj Richin ri Malaquías 3:6

Ri Dios nubij: Roma yin man jun bey yijalatej ta, roma ri' man ix k'isineq ta qa chuwech re ruwach'ulew. Kan pa kiq'ijul kan ri iwati't-imama' ich'aron kan iwi' chire ri nupixa', y man itaqen ta. Wakami k'a ninbij chiwe chi titzolej-pe ik'u'x wik'in, y yin xkitzolej chik iwik'in. Jak'a rix xa nibij: ¿Achike k'a rubanik chi yojtzolej awik'in?, yixcha'.

San Mateo 22:32

Roma nubij: Jak'a yin ri in Dios ri xkiya' ruq'ij ri Abraham, ri Isaac y ri Jacob, nicha'. Y kan qetaman chuqa' chi ri Dios xaxe ki-Dios ri k'o kik'aslen, y xa man kichin ta ri kaminaqi', xcha' ri Jesús.

Hechos 3:13

Ri qatata' Dios kan xuben k'a chire ri Jesús, ri ruk'ajol, chi k'o ruq'ij-ruk'ojlen. Y re Dios re' chuqa' ki-Dios ri qati't-qamama' Abraham, ri Isaac, y ri Jacob. Jak'a rix man xiwajo' ta xinimaj chi ri Jesús ja ri ruk'ajol ri Dios. Xa xiya' pa ruq'a' ri q'atoy-tzij Pilato. Toq rija' kan rubin chik chi nukol-el, rix man xiwajo' ta.

Hechos 7:32

Ja yin ri Dios ri xkinimaj ri awati't-amama'. Ja yin k'a ri ki-Dios ri Abraham, ri Isaac y ri Jacob, xcha'. Y ri Moisés man k'a xtikir ta chik xtzu'un-apo, xa nibaybot k'a roma xibinri'il.

Deut 1:11

Ri Jehová ri qa-Dios, ri kichin kan ri qati't-qamama', xtuben ta chiqe chi yojk'iyer pa 1,000 más chuwech ri ojk'o wakami, y kan ta xqojrurtisaj achi'el ri rusujun kan.

Deut 1:35

Man jun achin chire re itzel sol winaqi' re' ri xtitz'eton ta ri utzilej ruwach'ulew ri nusujun kan chike ri iwati't-imama'.

Deut 4:1

Wakami k'a rix nuwinaq, tiwak'axaj k'a ronojel ri nubij ri pixa' re nink'ut chiwech. Kan titaqej k'a, richin xtiwichinaj y richin xkixk'ase' chupan ri ruwach'ulew ri xtuya' chiwe ri Jehová, ri ki-Dios chuqa' ri qati't-qamama'.

Hebreos 11:16

Jak'a koyoben jun ruwach'ulew ri más utz, ri' ja ri chila' chikaj, y roma ri' ri Dios man nik'ix ta nubij chi ja rija' ri ki-Dios; y kan runaban chik ri kitinamit.

Hebreos 13:8

Ri Jesucristo man nujel ta ri'. Kan achi'el ri iwir, keri' wakami, y keri' chuqa' xtibe-q'ij xtibe-seq.