Ex 3:14 - Kaqchiquel Bible

¹⁴ K'ari' ri Dios xubij chire ri Moisés: JA YIN RI' RI KAN JANTAPE' INK'O. Y xubij chuqa': Keri' xtabij chike ri awinaq: RI JANTAPE' INK'O, jari' ri in taqayon-pe iwik'in rix, xtabij, xcha' ri Dios chire ri Moisés.

Ex 3:14 ပူးပေါင်းရင်းမြစ်များ

Wuj Richin ri Achin Job 11:7

¿Yatikir kami nawetamaj rat ri achike ri qitzij rubanik ri Dios? ¿Yatikir kami rat yatapon rik'in ri ach'obonik k'a akuchi napon-wi ri ruchi' ri retamabal ri Dios, ri k'o ronojel uchuq'a' pa ruq'a'?

Wuj Richin Bix Chire ri Dios 68:4

Roma ri' kan tibixaj k'a rubi' ri Dios, kan tiya' k'a bix chire; tinimirisaj k'a rubi' ri nibiyaj pa ruwi' ri sutz'. Jehová jari' ri rubi'. ¡Kan kixkikot k'a chuwech rija'!

Wuj Richin Bix Chire ri Dios 90:2

Kan ja toq k'a man jani kebek'ulun-pe ri nima'q taq juyu', toq k'a man jani taben ri ruwach'ulew y ronojel ri k'o chuwech, kan jampe' ri q'ij peteneq, tibe-q'ij tibe-seq, kan xaxe wi rat ri at Dios.

Ex 15:3

Rat Jehová at nimalej aj-labal; Ja rat ri Jehová abi'.

Ex 23:21

Rix, kan tichajij k'a iwi' rik'in ri ibanobal chuwech rija' y tiwak'axaj ri rutzij. Man kixyakatej chirij, roma rija' maneq kuyubel-mak chuwech, roma kan pan nubi' yin beneq-wi.

Ex 3:13

Jak'a ri Moisés xubij chire ri Dios: Wi ta yin yinapon kik'in ri nuwinaq, y ninbij chike: Ri Dios ri kichin kan ri qati't-qamama' in rutaqon-pe iwik'in rix, xkicha' chike, wi rije' xtikik'utuj chuwe: ¿Achike rubi'?, xkecha' chuwe. ¿Achike k'a xtinbij yin chike?, xcha' ri Moisés chire ri Dios.

Ex 6:2

Ri Dios xch'on chik jun bey rik'in ri Moisés y xubij chire: JA YIN RI JEHOVÁ.

Ex 6:3

Jak'a yin ri' ri xink'ut-wi' chuwech ri Abraham, ri Isaac y ri Jacob, y xink'ut-wi' chikiwech achi'el RI DIOS RI NITIKIR NUBEN RONOJEL; y man jun bey xketamaj ta nuwech rik'in ri nubi' Jehová.

Wuj Richin ri Isaías 42:8

Yin Jehová; jare' ri nubi'. Man xtinya' ta ri nuruwaq'ijaj chike ch'aqa' chik dios, ni chike ri kiwachibel rije'.

Wuj Richin ri Isaías 44:6

Yin Jehová, ri in rey richin Israel, ri nikolon richin. Ja yin Jehová k'iytisanel richin ronojel. Ja yin ri xik'oje-pe nabey, y ja yin ri xkik'oje' pa ruk'isibel. Man jun chik Dios k'o achi'el yin, y xaxe yin ri in i-Dios.

San Mateo 18:20

Roma xabakuchi k'a ri kimolon-ki' ka'i-oxi', wi kan pa nubi' yin kimolon-wi-ki', kan ink'o k'a pa kinik'ajal, xcha' ri Jesús.

San Mateo 28:20

Y tik'utu' chikiwech chi tikitaqej ronojel ri nubin kan. Y yin kan q'ij-q'ij k'a xkik'oje' iwik'in; k'a toq re ruwach'ulew xtapon chupan ri ruk'isibel q'ij, xcha'. Kan keri' ta k'a.

San Juan 8:24

Kan roma ri' xinbij k'a chiwe chi chupan ri imak yixken-wi. Y wi xa man ninimaj ta chi ja yin ri' ri kan jantape' ink'o, kan xkixken na wi chupan ri imak, xcha'.

San Juan 8:28

Ri Jesús xubij chik: Ri q'ij toq xkinijotoba' chuwa ri cruz, yin ri xiqaqa-pe achi'el wineq chi'ikojol, k'a jari' k'a toq xtiwetamaj chi ja yin ri' ri kan jantape' ink'o. Y xtiwetamaj chuqa' chi ronojel ri ninben yin, xa man pa nuyonil ta. Xa kan achi'el ri rubin-pe ri nata' chuwe, kan keri' k'a chuqa' ninbij yin chiwe rix.

San Juan 8:58

Jak'a ri Jesús xubij chike ri achi'a' ri': Kan qitzij k'a ninbij chiwe chi toq k'a man jani nalex ri Abraham, yin kan ink'o-wi-pe, xcha'.

2 Corintios 1:20

Roma kan ronojel k'a ri rusujun ri Dios, kan rik'in k'a ri Cristo nibanatej-wi. Roma ri' kan pa rubi' k'a ri Jesucristo niqabij chi kan keri' wi toq niqaya' ruq'ij-ruk'ojlen ri Dios.

Hebreos 13:8

Ri Jesucristo man nujel ta ri'. Kan achi'el ri iwir, keri' wakami, y keri' chuqa' xtibe-q'ij xtibe-seq.

Apocalipsis 1:17

Toq yin xintz'et ri', achi'el jun kamineq xitzaq-qa chiraqen. Jak'a rija' xuya' ri rijkiq'a' pa nuwi' y xubij chuwe: Man taxibij-awi', roma ja yin ri in k'o pe pa nabey y ja yin in k'o pa ruk'isibel.

Apocalipsis 1:4

Yin Juan nintz'ibaj k'a el re wuj re' chiwe rix ri ix wuqu' molaj qach'alal ri ixk'o ri chiri' pa ruwach'ulew Asia. Ri Dios ri kan k'o-pe pa rutikeribel, re wakami y xtik'oje' re xtibe-apo, xtuya' k'a ri utzil y ri uxlanen chiwe ri nikiya' ri wuqu' utzilej taq espíritu ri ek'o-apo chuwech ri rutz'uyubal ri Dios.

Apocalipsis 1:8

Ja yin ri rutikeribel y ri ruk'isibel, nicha' ri qajaw ri k'o ronojel uchuq'a' pa ruq'a', ri kan k'o-pe pa rutikeribel, k'o chuqa' re wakami y kan xtipe chik.

Apocalipsis 4:8

Y ri kaji' ri k'o kik'aslen ox-ox k'a k'ulaj kixik' k'o y kan nojineq ri kij y ri chuxe' taq kixik' rik'in wachaj. Y man yetane' ta k'a qa chuya'ik ruq'ij ri Dios y chi paq'ij chi chaq'a' nikibij: Loq'olej, loq'olej, loq'olej ajaw. Ajaw Dios ri kan k'o ronojel uchuq'a' awik'in. Rat ri kan atk'o-pe pa rutikeribel, ri atk'o wakami y xkak'oje' chuqa' re xtibe-apo, yecha'.