Ex 29:41 - Kaqchiquel Bible

⁴¹ Y toq xtiqaq'ij-qa, xtisuj k'a ri jun chik karne'l y niben chire achi'el ri xisuj ri nimaq'a' y niya' ri k'ej y ri vino chirij. Y re' kan jare' ri sipanik poron y jubul ruxla' chinuwech yin Jehová.

Ex 29:41 ပူးပေါင်းရင်းမြစ်များ

Dn 9:21

Rokik yinajin chire ri ch'owen ri', jari' toq ri Gabriel, ri nutz'eton chik chupan ri achi'el achik', peteneq k'a pa kaq'iq' y xoqaqa wik'in, chupan ri ramaj toq nisuj ri kamelabel richin tiqaq'ij pa Jerusalem.

Wuj Richin Bix Chire ri Dios 141:2

Ri nuch'owen, kan nijubulin ta napon chawech achi'el ri jubulej pom. Ri nuq'a' ri nuyakon chawech, kan xtiqa' ta k'a chawech, achi'el ri kamelabel ri nisuj chawe tiqaq'ij.

2 Rey 16:15

K'ari' ri rey Acaz xuteq k'a el rubixik rik'in ri sacerdote Urías, y xubij-el chire chi pa ruwi' ri k'ak'a' porobel xtuporoj-wi ri chikop ri nisuj nimaq'a' y ri tiqaq'ij, chuqa' ri chikop ri nusuj ri rey, y ri nikisuj ri winaqi' y ri sipanik richin vino. Y ri kik' richin ri poron chikop nuchikaj pa ruwi' ri porobel. Jak'a ri porobel ri' kan k'o xaxe richin rija' richin nuk'ulubej ri achike nik'uluwachitej.

1 Rey 18:36

Toq xek'achoj chire ronojel re', jari' toq ri Elías ri q'alajirisey ruch'abel ri Dios xpa'e' chikiwech ri winaqi', xch'on, y xubij: Jehová Dios richin ri Abraham, ri Isaac y ri Jacob: Tak'utu' k'a awi' wakami chi kan ja rat ri at qa-Dios richin Israel, y chi yin in asamajel rat y chi yin xinben ronojel re', achi'el ri abin chuwe.

1 Rey 18:29

Xq'ax k'a ri nik'aj-q'ij y rije' chaq k'a janila yesik'in richin yech'on pa kibi' ri ki-dios, y keri' nikiben, k'a xapon na ri tiqaq'ij toq nisuj ri kamelabel chiri' pa rachoch ri Jehová, y man xk'ulubex ta pe ri kich'abel, kan man jun xch'on-pe kik'in, y ni man xe'ak'axex ta.

Ex 29:40

Ri chikop ri' toq nisuj, rachibilan ka'i' libra k'ej chayun, xolon rik'in jun litro aceite richin olivo. Y chuqa' xtiq'ej pa ruwi' ri' jun litro vino richin jun sipanik.

Ex 29:42

Kan kere' k'a xtikiben ri iwijatzul chi wiq chi tanaj, rije' xtikisuj k'a chuwe yin re kamelabel re', ri akuchi niban-wi oken chupan re wachoch. Y chiri' xtiqak'ul-wi-qi', rat Moisés y yin, richin chi yich'on awik'in.

Ex 12:6

Rix kan ke'iwilij k'a apo ri taq chikopi' ri', richin ri q'ij kajlajuj, richin re ik' re'. Toq niqaqa yan qa ri q'ij, jari' toq chi'iwonojel rix xke'ikamisaj ri taq chikopi' ri e icha'on.

2 Crón 2:3

Ri pa ruwach'ulew Tiro, k'o k'a jun rey rubini'an Hiram. Y ri Salomón k'o k'a ri xuteq rubixik chire, y kere' k'a xubij-el chire: Tabana' wik'in yin achi'el xaben rik'in ri David ri nata' toq xateq-pe k'iy tiox-che' chire richin xupaba-q'anej ri rachoch rija'.