Ex 29:40 - Kaqchiquel Bible

⁴⁰ Ri chikop ri' toq nisuj, rachibilan ka'i' libra k'ej chayun, xolon rik'in jun litro aceite richin olivo. Y chuqa' xtiq'ej pa ruwi' ri' jun litro vino richin jun sipanik.

Ex 29:40 ပူးပေါင်းရင်းမြစ်များ

Wuj Richin ri Rutikeribel 35:14

jari' toq ri Jacob xupaba-q'anej jun abej richin retal akuchi xch'on-wi ri Dios rik'in y xuya' aceite y vino pa ruwi',

2 Rey 3:20

Ri ruka'n q'ij, toq nisuj ri kamelabel richin nimaq'a' pa Jerusalem, ¡Jari' toq xebek'ulun-pe ya' pa taq bey chiri' pan Edom, y ronojel ri taq'aj kojol juyu' kan xenoj chi ya'!

Ex 16:36

Ri aj-chikajil-wey ri xkiyek kan, nipajon k'a oxi' libra.

Ex 29:39

Ri jun karne'l xtiporoj ri nimaq'a' y ri jun chik xtiporoj toq xqaqa yan qa ri q'ij.

Ex 29:41

Y toq xtiqaq'ij-qa, xtisuj k'a ri jun chik karne'l y niben chire achi'el ri xisuj ri nimaq'a' y niya' ri k'ej y ri vino chirij. Y re' kan jare' ri sipanik poron y jubul ruxla' chinuwech yin Jehová.

Ex 30:24

kablajuj libra kasia. Y re' ke'awetaj rik'in ri etabel ri nikusex chupan ri wachoch yin. Y ronojel re' naxol rik'in oxi' litro rik'in nik'aj aceite richin olivo.

Wuj Richin ri Isaías 57:6

Rix xa ja ri taq abej e liq', e liq' ri ek'o chiri', ri niya' kiq'ij. Roma ri' chiri' niben-wi ri kamelabel, xa chikij rije' niq'ej-wi ri vino richin nisuj. Chuqa' nisuj ri jalajoj ruwech ixin chikiwech. ¿Man xtinya' ta kami ruk'ayewal pan iwi' roma re banobel re'?

Ez 20:28

Yin xenkusaj chupan ri ruwach'ulew ri xinya' chike, jak'a rije' toq xkitz'et jun juyu' o jun che' jebel ruxaq, kan chiri' k'a xkisuj-wi ri kikamelabal, chiri' k'a xkiya-wi ri kisipanik, chiri' k'a xkisuj-wi ri jebelej pom y chuqa' xkitix ri sipanik richin vino chikiwech ri wachibel. Y ronojel re' xa kan xuben chuwe richin xuyek janila woyowal.

Ez 4:11

Y chuqa' kan k'o hora richin naqum aya' y ri xtaqum xaxe k'a ka'i' taq qumbel q'ij-q'ij.

Ez 45:17

Y ri q'atoy-tzij ri' ja rija' ri nijachon ri chikopi' richin yeporox y ri k'atzinel ri nuk'uaj ri sipanik richin jalajoj ruwech ixin y ri vino ri nikusex pa nimaq'ij richin k'ak'a' ik', pa taq q'ij richin uxlanen y ri k'atzinel pa taq jalajoj ruwech nimaq'ij ri niban pa ruwach'ulew Israel. K'o chi nujech-apo ri kamelabel richin kuyubel-mak, ri sipanik richin jalajoj ruwech ixin, ri chikop ri niporox jumul y ri sipanik ri niq'alajirisan chi junan iwech wik'in. Y keri' nink'en chik iwech.

Ez 45:24

Rik'in chikijujunal ri wákix y chikijujunal ri karne'l, ri q'atoy-tzij k'o chi xtuya' chuqa' jun sipanik rik'in juwineq libra jalajoj ruwech ixin y oxi' litro rik'in nik'aj aceite richin olivo.

Ez 46:11

Y chupan ri ch'aqa' chik nimaq'ij k'o chi xtisuj-apo juwineq libra jalajoj ruwech ixin rik'in jun nima-alaj achij wákix, y chuqa' rik'in jun achij karne'l. Jak'a kik'in ri taq karne'l xtiya' ri janipe' ri nalex pan iwánima. Y rik'in chikijujunal ri wo'o' libra jalajoj ruwech ixin, k'o chi niya' jun litro aceite richin olivo.

Ez 46:14

Rik'in ri chikop ri', k'o chi nik'en-pe oxi' libra jalajoj ruwech ixin ri ke'en chik y jun litro aceite ri xtiya'ox chirij ri ke'en ri'. Re jun banobel re' kan k'o chi niban richin q'asen.

Ez 46:5

Y pa ruwi' chik ri achij karne'l ri', k'o chi nuk'en-pe juwineq libra jalajoj ruwech ixin. Y pa ruwi' ri waqi' taq karne'l xtuk'en-pe ri janipe' nrajo' rija'. Jak'a rik'in chikijujunal ri wo'o' libra jalajoj ruwech ixin, k'o chi nuya' jun litro aceite richin olivo.

Ez 46:7

Y rik'in ri wákix xtuk'en-pe juwineq libra jalajoj ruwech ixin, y k'o chi xtuk'en-pe juwineq libra rik'in ri achij karne'l. Jak'a kik'in ri waqi' karne'l xtuk'en-pe ri janipe' nrajo' rija'. Y rik'in chikijujunal ri wo'o' libra jalajoj ruwech ixin, k'o chi nuya' jun litro aceite richin olivo.

Os 9:4

Chiri' kan man xtisuj ta k'a ri vino richin sipanik chire ri Jehová. Ri kamelabel ri xtisuj chuwech kan man xtuk'awomaj ta. Ri iway xa kan tz'ilobitajineq k'a achi'el ri wey ri nitij ri akuchi k'o-wi jun kamineq. Ri wey ri' xa kan xaxe k'a iwichin rix, re' kan man xtik'uaj ta k'a pa rachoch ri Jehová.

Joel 1:13

Tikusaj itziaq richin bis rix sacerdote; tiraqa' ichi' roma bis rix ri ix richin ri qa-Dios. Kixbison chi junaq'a' rix ri yixsamej rik'in ri porobel, roma pa rachoch ri qa-Dios maneq chik sipanik napon; achi'el ri vino y ri jalajoj ruwech ixin.

Joel 1:9

Chuqa' ke'oq' ri sacerdote richin ri Jehová, roma man jun chik sipanik napon pa rachoch ri Dios. Maneq chik sipanik richin jalajoj ruwech ixin, ni ta ri vino.

Joel 2:14

Rik'in juba' rija' xa nutzolij-ri' chirij, y xtuya' kan urtisanik pa qawi'; richin keri' xtik'oje' chik ri vino y ri jalajoj ruwech ixin richin niqaya-apo ri sipanik chire rija'.

Wuj Richin ri Chojmirisabelri'il 23:13

Chuqa' k'o chi nik'en-pe k'ej chayun ri más jebel, ri más juba' kaji' libra, y ri xolon aceite rik'in, richin niporox chinuwech. Y re sipanik re', jun sipanik poron richin janila nijubulin chinuwech yin. Y rik'in ri sipanik ri' nik'en-pe jun litro vino.

Wuj Richin ri Chojmirisabelri'il 6:13

Ri q'aq' richin ri porobel k'o chi kan jantape' nik'at y man jun bey tichup.

Wuj Richin ri Q'axanri'il 15:24

Y wi kan qitzij chi rix imestan ri pixa' ri' y kan chi'iwonojel rix man iwetaman ta chi mak ri xiben, kan k'o k'a chi nisuj jun nima-alaj achij wákix richin jun sipanik ri niporox chijun. Y re' kan xtijubulin k'a chinuwech. Y kan k'atzinel chi rik'in ri sipanik ri', niya' ri sipanik richin k'ej y ri vino achi'el nubij chupan ri ruchojmilal. Chuqa' k'o chi nisuj jun achij tzuntzun richin nikuyutej ri imak.

Wuj Richin ri Q'axanri'il 15:7

Chuqa' nisuj más juba' jun litro vino, richin jun sipanik. Y re' jun sipanik ri kan nijubulin chinuwech yin.

Wuj Richin ri Q'axanri'il 28:10

Jare' ri sipanik ri yeporox chijun ri yesuj ri q'ij richin uxlanenri'il, rachibilan chuqa' ri sipanik ri nisuj q'ij-q'ij.

Wuj Richin ri Q'axanri'il 28:24

Keri' niben chi wuqu' q'ij chire ri nimaq'ij, richin nijubulin chinuwech ri sipanik ri yeporox chijun. Y ronojel ri sipanik ri' kachibilan ri chikopi' ri ye'isuj q'ij-q'ij ronojel nimaq'a' kachibilan ri vino.

Wuj Richin ri Q'axanri'il 28:5

Y re' junan yesuj rik'in ri sipanik richin ri jalajoj ruwech ixin. K'o chi xtikisuj chuwe, ka'i' libra k'ej chayun xolon rik'in jun litro aceite richin olivo ri kan jebel ch'ajch'oj.

Wuj Richin ri Q'axanri'il 29:16

Chuqa' nisuj-apo jun achij tzuntzun richin nikuyutej imak, rachibilan ri sipanik ri niporox chijun q'ij-q'ij, ri jalajoj ruwech ixin y ri vino.

Wuj Richin ri Q'axanri'il 4:16

Jak'a ri aceite kichin ri candil, ri jubulej pom y ri sipanik richin trigo ri jantape' nisuj chuwe y chuqa' ri aceite ri nik'atzin richin nicha'ox jun nusamajel o jun samajel richin pa wachoch yin; ri' nik'oje' pa ruq'a' ri Eleazar ri ruk'ajol ri nimalej sacerdote Aarón, xcha' ri Jehová.

Deut 32:38

¿Akuchi kami ek'o-wi ri i-dios ri nibij chi utz nikiseq ri ruq'anal ri chikop richin ri ikamelabal? ¿Akuchi kami ek'o-wi ri i-dios ri chuqa' nibij chi nikiqum ri isipanik richin vino? ¡Keyakatej k'a richin yixkito' y yixkikol!, xticha' ri Jehová.

Filipenses 2:17

Ri kuqubabel-ik'u'x y ri isamaj kan achi'el jun sipanik ri niya-apo chire ri Dios. Y rik'in juba' k'o ta chi xtibiyin nukik'el achi'el nitix ri kik' pa ruwi' ri sipanik ri'. Wi ta keri' nibanatej, yin roma ri' xkikikot, y xkikikot chuqa' iwik'in rix.