Ex 29:4 - Kaqchiquel Bible

⁴ Y xke'ak'uaj-apo ri Aarón y ri e ruk'ajol, ri chiri' pa okibel chire ri wachoch richin ri molojri'il y chiri' chuqa' tabana' chike richin tikich'ajch'ojirisaj-ki'.

Ex 29:4 ပူးပေါင်းရင်းမြစ်များ

Ex 26:36

Richin ri pan okibel chire ri wachoch xtikiben k'a chuqa' jun peraj tzieq y re' xtiban rik'in ri betz' lino ri jebel rubatz'ixik, ri raxroj, ri q'eqq'oj-keq y keq nitzu'un. Y xkekitz'is k'a retz'aba'l ruwech ri peraj tzieq ri'.

Ex 29:3

Y ri jalajoj kibanik kaxlan-wey ri', xke'iya-el pa jun chakech richin chi xtik'uaj-apo k'a chinuwech yin. Junan k'a xtik'uaj-apo rik'in ri jun nima-alaj achij wákix y ri e ka'i' achija' karne'l.

Ex 40:12

Xeri' xke'awoyoj ri Aarón y ri e ruk'ajol ri pan okibel chire ri wachoch, ri richin molojri'il y xke'ach'ajch'ojirisaj rik'in ya'.

Ex 40:28

Xeri' xtzeqebex-q'anej ri peraj tzieq ri nik'oje' ri akuchi niban-wi oken chupan ri rachoch ri Dios.

Ex 40:32

Ronojel mul toq ye'ok-apo chupan ri rachoch ri Dios y toq yejel-apo rik'in ri porobel, kan k'o chi nikich'ej ri kiq'a' y ri kaqen; roma kan keri' rubin ri Jehová chire ri Moisés.

Ez 36:25

Kan xtinchikaj k'a ch'ajch'oj ya' pan iwi' richin xkixinch'ajch'ojirisaj chire ri imak. Y keri' xkixinkuy roma rix man ix ch'ajch'oj ta y roma xiya' kiq'ij ri wachibel.

Ez 42:14

Toq ri e sacerdote ye'ok-apo pa rachoch ri Dios richin nibekibana' ri rusamaj rija', man chik ye'el ta pe chuwa-jay roma kikusan kitziaq richin rusamaj ri Dios, roma ri tzieq ri' kan ch'aron. Y richin chi ye'el-el ri akuchi ek'o-wi ri winaqi' kan k'o chi nikikusaj jun chik kitziaq.

Wuj Richin ri Chojmirisabelri'il 14:8

Ri wineq ri nuch'ajch'ojirisaj-ri' k'o chi nuch'ej rutziaq, natin y xtujos-el ronojel ri rusumal, y k'ari' nich'ajch'ojir. Y k'ari' utz napon chik akuchi k'o-wi-qa ri tinamit, stape' man nok ta pa rachoch wuqu' q'ij.

Wuj Richin ri Q'axanri'il 8:9

K'ari' naben chike ri levita richin yejel-pe chuwech re wachoch, y ye'amol-pe chuqa' konojel ri ch'aqa' chik awinaq.

Efesios 5:26

Keri' xuben ri Cristo richin chi ri tzobaj ri' xe'ok loq'olej. Y re' xuben rik'in ri ruch'abel y ri qasan ya'.

Deut 23:11

Y k'a toq xtiqaq'ij na qa k'ari' natin, y k'ari' xtok-apo jun bey chik ri akuchi ixk'o-wi-qa.

Tito 3:5

rija' xojrukol k'a pe chupan ri qamak. Man roma ta yalan choj ri k'aslen qak'uan toq xojrukol-pe, xa kan roma xujoyowaj qawech. Roma ri rusamaj ri Loq'olej Espíritu, xuch'ej ri qánima, xojruch'ajch'ojirisaj y xuya' jun k'ak'a' k'aslen chiqe.

Hebreos 10:22

Roma ri' qojjel k'a apo rik'in ri Dios, rik'in ch'ajch'oj qánima y kan kuqul-qak'u'x. Ch'ajch'ojirisan ta ri qánima chire ri etzelal, y ri qak'aslen ch'ajon ta chik rik'in ch'ajch'ojilej ya'.

1 Pedro 3:21

Y ri ya' ri' jun retal richin ri qasan-ya' ri niqak'ul wakami, ri nikolon. Jak'a man richin ta nuch'ajch'ojirisaj ri qach'akul xa kan richin nuk'ut chi roj niqajo' niqaben ri utz chuwech ri Dios roma ri ruk'astajibal ri Jesucristo.