Ex 29:38 - Kaqchiquel Bible

³⁸ Jare' ri sipanik ri xtisuj ronojel q'ij: Xtik'en pe ri ka'i' alaji' taq karne'l ri jujun kijuna', kan kere' xtiben richin jantape'.

Ex 29:38 ပူးပေါင်းရင်းမြစ်များ

1 Crón 16:40

Y ri sacerdote ri' xkisuj k'a kamelabel chuwech ri Jehová pa ruwi' ri porobel; keri' nikiben ri nimaq'a', y keri' chuqa' nikiben ri tiqaq'ij, kan achi'el ri tz'ibatajineq kan chupan ri pixa' ri xuya' kan ri Jehová.

Dn 12:11

Xtuben k'a 1,290 q'ij chi man xtisuj ta chik ri kamelabel ri yesuj q'ij-q'ij, xa xtisuj k'a ri kamelabel ri kan nrixowaj ri Dios.

2 Crón 31:3

Chirij re' ri rey kan xeruya' k'a apo chikopi' ri yek'atzin richin ri sipanik ri yeporox chijun ri pa taq nimaq'a' y ri tiqaq'ij, chuqa' ri q'ij richin uxlanenri'il, ri nimaq'ij richin ri k'ak'a' ik', y ronojel ri nimaq'ij ri e rubin ri Dios chupan ri pixa'.

2 Crón 13:11

Rije' nikisuj k'a ri kamelabel ri niporox chijun chuwech ri Jehová ronojel nimaq'a' y tiqaq'ij. Chuqa' nikiporoj k'a ri jubulej pom; nikiya' k'a ri kaxlan-wey chuwech ri mesa ri kan ch'ajch'oj. Y ronojel tiqaq'ij nikitzij ri lámpara ri k'o pa ruwi' ri candelabro ri banon rik'in q'anapueq. Roj kan qataqen k'a ri rupixa' ri Jehová ri qa-Dios, jak'a rix xa kan imalin kan.

2 Crón 2:4

Wakami yin ninwajo' ninpaba-q'anej jun rachoch ri Jehová ri nu-Dios richin ninjech pa rusamaj, akuchi xtinbenporoj-wi ri jubulej pom chuwech, akuchi xtinuk'-wi pa cholaj ri kaxlan-wey, y richin ninsuj ri kamelabel ri niporox chijun ronojel nimaq'a' y tiqaq'ij, chuqa' chupan ri q'ij richin uxlanen, y toq yenimaq'ijux ri k'ak'a' taq ik' y ri ch'aqa' chik nimaq'ij toq niya'ox ruq'ij ri Jehová ri qa-Dios. Ronojel re' kan k'o chi xtiqataqej richin q'asen, qonojel roj ri oj aj-Israel.

Dn 9:27

Chirij re' ri aj-raqen kan xtujikiba' k'a rutzij kik'in ri ruwinaq ri Dios chupan ri rutikeribel ri wuqu' chik juna'. Jak'a toq xq'ax yan oxi' juna' rik'in nik'aj, kan xtupaba' k'a rusujik ri kamelabel y ri jalajoj ruwech sipanik. Chirij k'ari', rija' xtiberubana' jun banobel ri kan nrixowaj ri Dios, keri' k'a xtuben k'a toq xtitz'aqet ri wuqu' juna' ri', toq ri Dios xtuya' ri rutojbalil-mak pa ruwi'.

Wuj Richin ri Esdras 3:3

Stape' kixibin-ki' chikiwech ri winaqi' ri ek'o chikinaqaj, rije' xkiben chik q'anej jun bey ri porobel pa ruwi' ri ruch'okolibal ri k'o kan. Y xkichop chik nikiporoj chikop pa ruwi' ri porobel ronojel nimaq'a' y tiqaq'ij, richin nikiya' ruq'ij ri Jehová.

1 Pedro 1:19

xa kan rik'in ri rukik'el ri Cristo. Y rija' kan achi'el ri karne'l ri yesuj richin kamelabel, ri kan e tz'aqet y jebel e ch'ajch'oj.

Hebreos 7:27

Rija' man achi'el ta k'a ri nimalej taq sacerdote ri e riy-rumam kan ri Leví. Roma rije' ronojel q'ij k'o chi yekisuj chikopi' chire ri Dios roma ri kimak y roma chuqa' ri kimak ri kiwinaq. Jak'a ri Jesús man nik'atzin ta chi k'iy bey k'o ta ri nusuj chire ri Dios. Rija' xa jun bey ri k'o chi xken chuwech ri cruz.

San Juan 1:29

Pa ruka'n q'ij, ri Juan xutz'et chi choj peteneq ri Jesús k'a rik'in rija', y jari' toq xubij chike ri winaqi' ri ek'o chiri': Jare' xoqaqa ri achin ri taqon-pe roma ri Dios richin nrelesaj ri kimak konojel ri winaqi', achi'el toq nisuj jun karne'l pa ruwi' ri porobel.

Dn 9:21

Rokik yinajin chire ri ch'owen ri', jari' toq ri Gabriel, ri nutz'eton chik chupan ri achi'el achik', peteneq k'a pa kaq'iq' y xoqaqa wik'in, chupan ri ramaj toq nisuj ri kamelabel richin tiqaq'ij pa Jerusalem.

Wuj Richin ri Rutikeribel 22:7

Y toq e beneq, xch'on-apo ri Isaac chire ri rutata' y xubij: Nata', xcha'. Y ri Abraham xubij: ¿Achike nawajo', nuk'ajol?, xcha'. Y ri Isaac xubij chire: Ri racheq-q'aq' qak'uan, y ri si' chuqa'. ¿Y akuchi k'a k'o-wi ri chikop ri nabeporoj richin ri kamelabel ri niporox jumul?, xcha'.

Ex 40:29

Y chuwech ri okibel xuya-apo ri porobel richin niporox chikop. Y pa ruwi' ri' xusuj jun kamelabel ri niporox chijun ri chikop y jun sipanik richin jalajoj ruwech ixin. Y ronojel k'a re' xban chire achi'el rubin ri Jehová chire ri Moisés.

Wuj Richin ri Chojmirisabelri'il 3:5

K'ari' ri e sacerdote ri e rijatzul ri Aarón xtikiporoj ronojel re' pa ruwi' ri porobel richin jun sipanik poron; y re' kan nijubulin chinuwech yin.

Wuj Richin ri Chojmirisabelri'il 6:9

tubij chire ri Aarón y chike ri e rijatzul chi jare' ri ruchojmilal re kamelabel: Ri chikop richin kamelabel ri niporox jumul k'o chi nik'oje' kan jun aq'a' pa ruwi' ri porobel, y tikitz'eta' richin man nichup-qa ri q'aq' chuxe'.

Wuj Richin ri Q'axanri'il 29:6

K'o chi nisuj ri sipanik ri' rachibilan ri sipanik ri nisuj ronojel ik' y ri sipanik ri nisuj q'ij-q'ij e rachibilan ri sipanik richin jalajoj ruwech ixin y ri vino. Ronojel re sipanik re' richin yeporox y kan nijubulin chinuwech.

2 Crón 8:13

chupan ri jalajoj ruwech taq nimaq'ij, achi'el ri rubin kan ri Moisés; ri q'ij richin uxlanen, ri q'ij toq nalex ri k'ak'a' ik' y ri oxi' nimaq'ij ri yeban pa jun juna': Ri nimaq'ij richin ri kaxlan-wey ri maneq ch'amilej-q'or rik'in, ri nimaq'ij richin Pentecostés*f4* y ri nimaq'ij richin ri taq jay banon rik'in tzieq.

Wuj Richin ri Esdras 3:5

Y man xaxe ta k'a keri', xa kan jantape' xkiporoj ri chikop ri richin q'ij-q'ij, ri nimaq'ij richin toq nalex ri ik' y ri ch'aqa' chik nimaq'ij toq nikiya' ruq'ij ri Jehová. Y chirij k'a ronojel re' xkisuj kamelabel rik'in ronojel kánima.

Wuj Richin ri Chojmirisabelri'il 9:17

Y rija' xuk'uaj chuqa' apo ri sipanik richin k'ej ri banon rik'in jalajoj ruwech ixin: Xuchop jun moq' chire ri sipanik y xuchikikej pa ruwi' ri porobel richin xuk'et. Re sipanik re' xuya' pa ruwi' ri chikop ri kamelabel ri niporox ri nimaq'a' richin chi chiri' xk'at-wi.

2 Crón 2:3

Ri pa ruwach'ulew Tiro, k'o k'a jun rey rubini'an Hiram. Y ri Salomón k'o k'a ri xuteq rubixik chire, y kere' k'a xubij-el chire: Tabana' wik'in yin achi'el xaben rik'in ri David ri nata' toq xateq-pe k'iy tiox-che' chire richin xupaba-q'anej ri rachoch rija'.

2 Crón 29:7

Xa xekichup kan ri lámpara y man xkiporoj ta chik pom. Xa xkitz'apej k'a kan ri ruchi' ri jay. Keri' chuqa' xkitanaba' rusujik ri chikopi' ri yeporox pa ruwi' re porobel re k'o wawe' chuwa-jay.

Ez 46:13

Kan ronojel k'a q'ij ri nimaq'a' yan, xtisuj jun alaj karne'l ri k'o jun rujuna' ri kan tz'aqet. Y re' kan xtiporox jumul chinuwech.

Ez 46:15

Keri' ri alaj karne'l, ri sipanik richin jalajoj ruwech ixin y ri sipanik richin aceite richin yeporox jumul k'o chi yesuj chinuwech ronojel nimaq'a'.