Ex 29:36 - Kaqchiquel Bible

³⁶ Y ronojel k'a q'ij chire ri wuqu' q'ij ri' xtasuj jun alaj achij wákix richin kuyubel-mak pa ruwi' ri porobel. Ronojel mul toq xtasuj ri kamelabel, k'o chi nach'ajch'ojirisaj na ri porobel. Y k'ari' xtaya' aceite pa ruwi' y keri' ri porobel kan xtajech k'a pa nusamaj.

Ex 29:36 ပူးပေါင်းရင်းမြစ်များ

Hebreos 10:11

Ri sacerdote beneq-ruwech yesamej. Q'ij-q'ij yekisuj chikopi' roma kimak ri winaqi'. Jak'a xa man nitikir ta nrelesaj-el jumul ri mak.

Ex 30:26

Y jare' ri xtakusaj richin chi xtaqasaj aceite pa ruwi' ri wachoch richin molojri'il, pa ruwi' ri káxa ri k'o ri nujikibel-tzij chupan,

Ez 43:27

Keri' xtiben chi wuqu' q'ij y ri ruwaqxaq q'ij, ri sacerdote xtikichop nikisuj ri chikop richin niporox jumul y ri kamelabel richin niq'alajirisan chi junan iwech wik'in. K'ari' xkixink'awomaj chik pe y kan xkixqa' chinuwech. Yin Jehová ri yibin, xcha' chuwe.

Ez 43:25

Ronojel k'a q'ij chi wuqu' q'ij k'o chi nasuj chinuwech jun achij tzuntzun richin jun kamelabel richin kuyubel-mak. Chuqa' xtasuj jun nima-alaj achij wákix y jun achij karne'l y konojel re' k'o chi e tz'aqet.

Wuj Richin ri Q'axanri'il 7:1

Toq ri Moisés xtane' chubanik ri rachoch ri Dios ri xban rik'in tzieq, xuchikaj juba' aceite chirij richin xujech pa ruq'a' ri Dios. Keri' chuqa' xuya' aceite pa ruwi' ri porobel y chuqa' pa ruwi' ronojel ri samajibel richin ri jay ri'.

Wuj Richin ri Chojmirisabelri'il 16:27

Y ri ti'ij, ri kitz'umal y ri kipan ri wákix y ri tzuntzun, ri xukusex ri kikik'el richin ri kuyubel-mak, k'o chi nuk'uex k'a chirij-el ri akuchi ek'o-wi-qa ri winaqi' y chiri' niporox-wi richin xukusex akuchi k'o-wi ri káxa, richin chi nink'en chik kiwech.

Ez 43:20

Xeri' xtak'en-el juba' ri rukik'el ri wákix ri' y xtachikaj chikij ri kaji' uk'a' ri pa taq ruxikin ri ti che' ri rusutin ri ruchi' ri porobel y k'ari' xtachikaj chirij ronojel. Y keri' xtich'ajch'ojir ri porobel chire ri mak, richin xtijach chuwe.