Ex 29:34 - Kaqchiquel Bible

³⁴ Wi man nikik'is ta ri ti'ij y ri kaxlan-wey chupan ri q'ij ri', toq xtiseqer-pe kan xtiporoj y man jun chik titijo roma re' xajan richin nitij roma jun chik wineq.

Ex 29:34 ပူးပေါင်းရင်းမြစ်များ

Wuj Richin ri Chojmirisabelri'il 8:32

K'ari' k'o chi nikiporoj ri ti'ij y ri kaxlan-wey wi ta k'o nitotej kan.

Ex 12:10

Y nik'is k'a ronojel y man jun niya' kan richin ruka'n q'ij ri nimaq'a'. Y wi k'o ri man nik'is ta rutijik, kan tiporoj k'a kan jumul pa q'aq'.

Wuj Richin ri Chojmirisabelri'il 10:16

K'ari' ri Moisés xuk'utuj achike kibanon chire ri achij tzuntzun ri richin kamelabel richin kuyubel-mak, y xretamaj k'a chi xa xporox yan ronojel y roma ri' janila k'a xyakatej royowal chikij ri Eleazar y ri Itamar y xubij k'a chike:

Ex 29:28

Ri ruwa-ruk'u'x y ri racheq ri karne'l, ri richin pa rajxokon, richin ri kamelabel ri nikisuj ri winaqi' israelita, kan k'o k'a chi nich'ar kan. Kan xtok k'a kan jun pixa' ri richin jantape'. Kan kere' k'a xtiban toq k'o jun kamelabel richin nijunamatej-ruwech ri wineq wik'in yin Jehová. Sipanik ri niyak-q'anej chikaj chinuwech yin.

Ex 29:26

Chirij re', rat xtak'en k'a ri ruwa-ruk'u'x ri ti achij karne'l, ri kamelabel richin ri Aarón roma nok kan pa samaj. Xtasiloj k'a chinuwech yin, kan achi'el jun sipanik ri keri' rubanik. Y re ti'ij re' xtasuj awoma rat.

Ex 29:22

Xeri' xtamol ronojel ri ruq'anal ri achij karne'l ri', ri rujey ri jebel q'en, ri ruq'anal ri k'o chirij ri rixkolob y ri ruq'anal ri k'o chirij ri rusase', ri ka'i' rukinaq' rachibilan ri kiq'anal y chuqa' ri racheq ri k'o pa rijkiq'a'. Keri' rubanik xtaben chire roma re' jun kamelabel richin yeya'ox kan pa samaj.

Ex 16:19

Y ri Moisés xubij chike chi man jun ri tiyako kan juba' richin ruka'n q'ij.

Ex 23:18

Toq nisuj k'a ri kik' richin jun kamelabel, man tisuj junan rik'in ri kaxlan-wey ri ruk'uan ch'amilej-q'or. Chuqa' ri ruq'anal ri chikop ri richin ri kamelabel, man tiyek kan k'a richin ri ruka'n q'ij.

Ex 34:25

Toq nisuj k'a ri kik' richin jun kamelabel, man titun-pe junan rik'in xabachike ri ruk'uan ch'amilej-q'or. Chuqa' toq niben ri natabel richin ri solbelri'il chiri' pan Egipto, ri ti'ij richin ri kamelabel, wi xa man nik'is ta, man tiyek kan richin ri ruka'n q'ij.