Ex 29:28 - Kaqchiquel Bible

²⁸ Ri ruwa-ruk'u'x y ri racheq ri karne'l, ri richin pa rajxokon, richin ri kamelabel ri nikisuj ri winaqi' israelita, kan k'o k'a chi nich'ar kan. Kan xtok k'a kan jun pixa' ri richin jantape'. Kan kere' k'a xtiban toq k'o jun kamelabel richin nijunamatej-ruwech ri wineq wik'in yin Jehová. Sipanik ri niyak-q'anej chikaj chinuwech yin.

Ex 29:28 ပူးပေါင်းရင်းမြစ်များ

Deut 18:3

Toq xtisuj ri iwawej richin kamelabel, ri sacerdote k'o chi xtikik'ul ri rij ruwi', ri rukaxtate'*f4* y ri rupan.

Wuj Richin ri Q'axanri'il 31:41

K'ari' ri Moisés xujech re sipanik re' chire ri Jehová, y kan xjach pa ruq'a' ri Eleazar, achi'el rubin kan ri Jehová chire.

Wuj Richin ri Q'axanri'il 31:29

Re juba' re' xtaya' chire ri sacerdote Eleazar, kan achi'el xa ta chuwe yin naya-wi.

Wuj Richin ri Q'axanri'il 18:29

Rix levita k'o k'a chi nik'en-pe chuwe yin Jehová, ri kan jebel-jebel chire ri nik'ul rix, jari' ri nich'er richin chi niya' chuwe yin.

Wuj Richin ri Q'axanri'il 18:24

Roma ri' yin kan xinbij-wi chike rije' chi pa ruk'exel ulew yin ninya' chike ronojel ri numol-ri' ri jun chire ri lajuj ri nikiya' chuwe yin ri awinaq achi'el jun sipanik, xcha' ri Dios chire ri Aarón.

Wuj Richin ri Chojmirisabelri'il 3:1

Y chuqa' xubij ri Jehová: Wi ta ri sipanik kan richin ta nijunamatej ruwech ri wineq wik'in, y wi nuk'en ta pe jun chike ri wákix, ixoq o achij, k'o chi kan tz'aqet richin nusuj chinuwech yin Jehová.

Ex 29:27

Y rat kan xtach'er k'a kan ri ruwa-ruk'u'x y ri racheq ri karne'l, ri richin pa rajxokon, ri xsilox y xyak chikaj chinuwech yin, chupan re q'ij re' toq ri Aarón y ri e ruk'ajol xek'oje' kan chupan ri samaj.

Ex 29:29

Ri tzieq ri nukusaj ri Aarón toq yirusamajij, xtok k'a kan kichin ri e rijatzul, ri xke'ok nimalej taq sacerdote. Toq rije' xkecha'ox y xke'ok kan pa samaj.

Ex 28:2

Xtikiben k'a rutziaq ri animal Aarón, richin chi jari' ri nukusaj toq yirusamajij. Ri tzieq ri' k'o chi nuben chire ri Aarón chi kan k'o ruq'ij y kan ruk'amon richin nukusaj.

Wuj Richin ri Q'axanri'il 5:9

Ronojel ri sipanik ri nikijech ri awinaq chire ri sacerdote, kan xtok richin rija'.

Wuj Richin ri Q'axanri'il 5:10

Keri' ronojel ri xtijach chuwe yin, nuk'uex rik'in ri sacerdote y kan xtok richin rija', xcha' ri Jehová.

Wuj Richin ri Q'axanri'il 6:20

K'ari' ri wineq ri' nuya' chik chire ri sacerdote y ri sacerdote nusiloj chinuwech yin. Y ronojel ri sipanik ri' nok richin ri sacerdote y chuqa' ri ruwa-ruk'u'x y ri ra' ri chikop ri nuyek chikaj chinuwech yin. K'ari' ri wineq ri' kan utz chik nuqum vino.

Wuj Richin ri Q'axanri'il 15:21

Y re' k'o chi niben jantape' y keri' chuqa' ri iwijatzul.

Wuj Richin ri Q'axanri'il 18:8

Xeri' ri Jehová xubij chuqa' chire ri Aarón: Yin kan nuya'on pan aq'a' ronojel ruwech sipanik ri nikijech chuwe ri awinaq israelita. Y re' kan nuya'on chawe rat y chike ri ak'ajol richin chi rik'in re' niq'axabej-iwi'. Y re' kan kere' xtuben-apo richin jantape'.

Wuj Richin ri Q'axanri'il 20:28

Y toq xe'apon el, ri Moisés xrelesaj k'a ri tzieq richin sacerdote chirij ri Aarón y xuya' chirij ri Eleazar, ri ruk'ajol. Chiri' k'a xken-wi kan ri Aarón, y k'ari' ri Moisés y ri Eleazar xeqaqa-pe.