Ex 29:27 - Kaqchiquel Bible

²⁷ Y rat kan xtach'er k'a kan ri ruwa-ruk'u'x y ri racheq ri karne'l, ri richin pa rajxokon, ri xsilox y xyak chikaj chinuwech yin, chupan re q'ij re' toq ri Aarón y ri e ruk'ajol xek'oje' kan chupan ri samaj.

Ex 29:27 ပူးပေါင်းရင်းမြစ်များ

Wuj Richin ri Q'axanri'il 18:11

Chuqa' ri sipanik ri xtok awichin rat, ja ri ch'aqa' chik sipanik ri nikiya' ri awinaq: Ri sipanik ri niyak chikaj y ri nisilox chinuwech. Re' kan awichin-wi rat y kichin ri awalk'ual ri k'a ek'o na awik'in. Konojel k'a ri ek'o pan awachoch ri kan e ch'ajch'oj, utz chuqa' nikitej. Re' kan kere' k'a xtuben-apo richin jantape'.

Wuj Richin ri Chojmirisabelri'il 10:15

K'o chi xke'ik'en-pe ri tzan-racheq y ri ruwa-ruk'u'x ri chikop toq niporoj ri q'en, richin jun sipanik chuwech ri Dios. Re' kan xtok awichin rat y kichin ri awalk'ual. Y jare' ri pixa' ri ruya'on ri Dios, xcha'.

Deut 18:3

Toq xtisuj ri iwawej richin kamelabel, ri sacerdote k'o chi xtikik'ul ri rij ruwi', ri rukaxtate'*f4* y ri rupan.

Hebreos 7:28

Ri pixa' xeruya' sacerdote ri man jantape' ta yetikir nikiben ri utz. Chirij ri' ri Dios xuya' jun chik sacerdote y kan xuben rik'in jun ya'on-tzij, y xubij chi ja ri Jesús nok nimalej sacerdote ri nitikir nuben ri utz richin jantape'.

Wuj Richin ri Q'axanri'il 6:20

K'ari' ri wineq ri' nuya' chik chire ri sacerdote y ri sacerdote nusiloj chinuwech yin. Y ronojel ri sipanik ri' nok richin ri sacerdote y chuqa' ri ruwa-ruk'u'x y ri ra' ri chikop ri nuyek chikaj chinuwech yin. K'ari' ri wineq ri' kan utz chik nuqum vino.

Wuj Richin ri Chojmirisabelri'il 9:21

Y ri Aarón xeruli'ej k'a ri peraj ruwa taq kik'u'x ri chikopi' y ri ka' ri chikopi' ri k'o pa kijkiq'a' y k'ari' xuyakala-q'anej chuwech ri Jehová richin chi nusuj chire, y chirij re' ri ti'ij nok kan kichin ri sacerdote. Kan xuben k'a achi'el ri rubin ri Moisés.

Wuj Richin ri Chojmirisabelri'il 7:37

Kere' ri kibanik ri kichojmilal ri kamelabel ri yeporox chijun ri taq chikopi', ri sipanik richin jalajoj ruwech ixin, ri kamelabel richin nikuyutej mak, ri kamelabel roma jun ch'a'oj, ri sipanik richin nikijech-ki' pa rusamaj ri Dios y ri sipanik richin nuq'alajirisaj chi junamatajineq-ruwech rik'in.

Ex 29:26

Chirij re', rat xtak'en k'a ri ruwa-ruk'u'x ri ti achij karne'l, ri kamelabel richin ri Aarón roma nok kan pa samaj. Xtasiloj k'a chinuwech yin, kan achi'el jun sipanik ri keri' rubanik. Y re ti'ij re' xtasuj awoma rat.

Ex 29:28

Ri ruwa-ruk'u'x y ri racheq ri karne'l, ri richin pa rajxokon, richin ri kamelabel ri nikisuj ri winaqi' israelita, kan k'o k'a chi nich'ar kan. Kan xtok k'a kan jun pixa' ri richin jantape'. Kan kere' k'a xtiban toq k'o jun kamelabel richin nijunamatej-ruwech ri wineq wik'in yin Jehová. Sipanik ri niyak-q'anej chikaj chinuwech yin.

Wuj Richin ri Chojmirisabelri'il 7:30

Y rija' xtuk'en-pe pa ruq'a' ri ruq'anal y ri ti'ij richin ri ruwa-ruk'u'x ri chikop richin xtusuj chinuwech. Y re sipanik re' kan xtusiloj pa ruq'a' achi'el niban chire ri ch'aqa' chik kamelabel ri nisilox chinuwech.

1 Sam 9:24

K'ari' ri nibanon ri q'utun xuk'en-el ri racheq ri chikop ri ruyakon kan y xuya-apo chuwech ri Saúl. Y ri Samuel xubij chire: Jare' ri q'utun ri ch'aron kan awichin rat richin natej wakami y kan roma ri' e woyon re winaqi' re', xcha'. Chupan k'a ri q'ij ri' ri Saúl kan xwa' rik'in ri Samuel.