Ex 29:22 - Kaqchiquel Bible

²² Xeri' xtamol ronojel ri ruq'anal ri achij karne'l ri', ri rujey ri jebel q'en, ri ruq'anal ri k'o chirij ri rixkolob y ri ruq'anal ri k'o chirij ri rusase', ri ka'i' rukinaq' rachibilan ri kiq'anal y chuqa' ri racheq ri k'o pa rijkiq'a'. Keri' rubanik xtaben chire roma re' jun kamelabel richin yeya'ox kan pa samaj.

Ex 29:22 ပူးပေါင်းရင်းမြစ်များ

Ex 29:13

Ronojel k'a ri ruq'anal ri k'o chirij ri rixkolob, ri k'o chirij ri rusase', ri k'o chikij ri rukinaq', xtaporoj k'a pa ruwi' ri porobel.

Wuj Richin ri Q'axanri'il 18:18

Jak'a ri kich'akul ri chikopi' ri' ri yesilox chinuwech yin, nok k'a awichin rat, achi'el ri ruwa-ruk'u'x y ri ra' ri k'o pa kijkiq'a' ri chikopi' ri' ri yesuj chuwe yin, kan ye'ok chuqa' awichin rat.

Wuj Richin ri Chojmirisabelri'il 10:14

Jak'a ri peraj ruwa-ruk'u'x y ri tzan-racheq ri chikop ri niyak chikaj toq nisuj chire ri Jehová, utz natej rat, y chuqa' ri e awalk'ual. Kan titija' xabakuchi xaxe wi ch'ajch'oj. Y re' nok kan iwichin, roma jare' ri ye'el kan chire ri kamelabel ri yesuj chuwech ri Jehová richin nuq'alajirisaj chi junan kiwech rik'in ri Dios.

Wuj Richin ri Chojmirisabelri'il 9:21

Y ri Aarón xeruli'ej k'a ri peraj ruwa taq kik'u'x ri chikopi' y ri ka' ri chikopi' ri k'o pa kijkiq'a' y k'ari' xuyakala-q'anej chuwech ri Jehová richin chi nusuj chire, y chirij re' ri ti'ij nok kan kichin ri sacerdote. Kan xuben k'a achi'el ri rubin ri Moisés.

Wuj Richin ri Chojmirisabelri'il 9:19

y chuqa' xkiq'axaj-apo ri ruq'anal ri wákix y ri richin ri karne'l richin niporox: ri q'en ri k'o chirij ri kixkolob, ri kikinaq', ri q'en ri k'o chirij ri kisase' y ri q'en ri k'o chirij ri kijey.

Wuj Richin ri Chojmirisabelri'il 7:3

Y ronojel k'a ri ruq'anal ri chikop xtisuj chuwe yin: Ri rujey, y ronojel ri q'en ri k'o chirij ri rupan,

Wuj Richin ri Chojmirisabelri'il 3:9

Ri rajaw ri chikop richin ri sipanik richin nijunamatej-ruwech wik'in, k'o chi nusuj chinuwech jun sipanik ri niporox: Nusuj ri chijun ri ruq'anal, chijun ri rujey ri qupin-pe chunaqaj ri che'el-rij, ri q'en ri k'o chirij ri rixkolob y chuqa' ri k'o chirij ri rupan,

Ex 29:21

Y ri juba' chik kik' ri k'o pa ruwi' ri porobel xtaxol rik'in ri aceite richin cha'onri'il, y xtachikaj k'a pa ruwi' ri Aarón y chirij ri rutziaq chuqa'. Keri' chuqa' xtaben chike ri e ruk'ajol y chire ri kitziaq rije'. Richin keri' ri Aarón, ri e ruk'ajol y chuqa' ri kitziaq xkench'er chire ri nusamaj.

Ex 29:23

Chuqa' xtak'en-el chupan ri ti chakech ri aya'on chik chinuwech yin, jun kaxlan-wey, jun setesik kaxlan-wey ri wotz'otz' ri xolon aceite rik'in y jun kaxlan-wey ri yuquyik y tz'ajin, ri kan man ya'on ta ch'amilej-q'or kik'in.

Wuj Richin ri Chojmirisabelri'il 7:37

Kere' ri kibanik ri kichojmilal ri kamelabel ri yeporox chijun ri taq chikopi', ri sipanik richin jalajoj ruwech ixin, ri kamelabel richin nikuyutej mak, ri kamelabel roma jun ch'a'oj, ri sipanik richin nikijech-ki' pa rusamaj ri Dios y ri sipanik richin nuq'alajirisaj chi junamatajineq-ruwech rik'in.

Wuj Richin ri Chojmirisabelri'il 14:12

K'ari' ri sacerdote nuk'en-pe jun chike ri achija' karne'l richin kamelabel richin nikuyutej rumak roma jun ch'a'oj, junan rik'in ri aceite; xtuyakala-q'anej richin jun sipanik yakon chinuwech.

1 Sam 9:24

K'ari' ri nibanon ri q'utun xuk'en-el ri racheq ri chikop ri ruyakon kan y xuya-apo chuwech ri Saúl. Y ri Samuel xubij chire: Jare' ri q'utun ri ch'aron kan awichin rat richin natej wakami y kan roma ri' e woyon re winaqi' re', xcha'. Chupan k'a ri q'ij ri' ri Saúl kan xwa' rik'in ri Samuel.