Ex 29:21 - Kaqchiquel Bible

²¹ Y ri juba' chik kik' ri k'o pa ruwi' ri porobel xtaxol rik'in ri aceite richin cha'onri'il, y xtachikaj k'a pa ruwi' ri Aarón y chirij ri rutziaq chuqa'. Keri' chuqa' xtaben chike ri e ruk'ajol y chire ri kitziaq rije'. Richin keri' ri Aarón, ri e ruk'ajol y chuqa' ri kitziaq xkench'er chire ri nusamaj.

Ex 29:21 ပူးပေါင်းရင်းမြစ်များ

Hebreos 9:22

Y chupan ri ruq'ijul ri pixa', jubama ronojel xch'ajch'ojirisex rik'in ri kik'. Kan qitzij chi wi man ta nibiyin kik', man ta nikuyutej ri mak.

Wuj Richin ri Chojmirisabelri'il 8:30

Xeri' xuchop juba' aceite richin cha'onri'il y xuxol rik'in juba' kik' ri k'o pa ruwi' ri porobel, y xuchikaj chirij ri Aarón y chirij ri rutziaq, chikij ri e ruk'ajol y chikij ri kitziaq. Keri' k'a xban chire ri Aarón y ri rutziaq, ri e ruk'ajol y ri kitziaq, toq xech'ar richin xe'ok pa rusamaj ri Dios.

Ex 29:7

Chirij ronojel re' rat xtabek'ama-pe ri aceite ri richin cha'onri'il y xtaqasaj pa ruwi' ri Aarón, richin nok nu-sacerdote.

Ex 29:1

Ja ruchojmilal re' ninya' kan chawe, ri ruk'amon richin naben kik'in ri Aarón y ri e ruk'ajol, toq xtikichop ri kisamaj richin sacerdote: Rat, xtabek'ama' k'a pe chikikojol ri q'ataj wákix jun nima-alaj achij wákix y e ka'i' achija' karne'l, ri kan e tz'aqet.

Hebreos 10:29

Y wi keri', ¿man nich'ob ta kami rix chi xa más ruk'ayewal niqaqa pa ruwi' ri wineq ri nuxolq'otij ri rubi' ri Ruk'ajol ri Dios, y nuben chi man jun rejqalen ri rukik'el ri xya'on rejqalen ri jikibel-tzij?, roma ja kik' ri' ri xch'ajch'ojirisan ri ruk'aslen. Chuqa' ri wineq ri nixolq'otin richin, kan nretzelaj chuqa' ri Loq'olej Espíritu ri niya'on utzil pa qawi'.

San Juan 17:19

Koma rije' yin kan ninch'er k'a wi' richin ri samaj, richin ta keri' chuqa' rije' kan tikich'ara-ki' chupan ri qitzij.

Wuj Richin Bix Chire ri Dios 133:2

Kan achi'el k'a ri jubulej aq'om ri niya'ox pa kiwi' ri sacerdote, ri kan nibiyin-qa chirij ri rusumal-kichi', nibiyin-qa y napon chuqul raqen ri kitziaq.

Wuj Richin ri Chojmirisabelri'il 14:29

Y ri juba' chik aceite ri xtotej kan pa ruq'a' ri sacerdote, nuya' pa rujolon ri nuch'ajch'ojirisaj-ri'. K'ari' ri sacerdote xtuben k'a chi xtink'en chik ruwech ri wineq.

Ex 29:20

Xtakamisaj k'a y xtachop juba' ri rukik'el y xtiya' chutza'n ri ruxikin ri Aarón ri k'o pa rijkiq'a', chirij ri nim rupan ruwi-ruq'a' y ri nim rupan ruwi-raqen ri k'o pa rijkiq'a'. Chuqa' keri' niben chike ri e ruk'ajol. Y juba' chire ri kik' xtachikaj k'a chi kaji' ruxikin ri porobel.

Ex 29:22

Xeri' xtamol ronojel ri ruq'anal ri achij karne'l ri', ri rujey ri jebel q'en, ri ruq'anal ri k'o chirij ri rixkolob y ri ruq'anal ri k'o chirij ri rusase', ri ka'i' rukinaq' rachibilan ri kiq'anal y chuqa' ri racheq ri k'o pa rijkiq'a'. Keri' rubanik xtaben chire roma re' jun kamelabel richin yeya'ox kan pa samaj.

Wuj Richin ri Chojmirisabelri'il 8:23

Y ri Moisés xuqupij k'a ri ruqul ri achij karne'l ri' y xuchop-el juba' rukik'el ri chikop y xuya' chutza'n-qa ri ruxikin ri Aarón, ri ruxikin ri k'o pa rijkiq'a'. Y chuqa' xuya' juba' kik' chirij ri nim rupan ruwi-ruq'a' y ri nim rupan ruwi-raqen ri ek'o pa rijkiq'a'.

Wuj Richin ri Chojmirisabelri'il 7:35

Ri ti'ij ri nel-pe chire ri kamelabel ri niporox, kan jari' ri xjach pa kiq'a' ri Aarón y ri e ruk'ajol, y re' xuchop chupan ri q'ij toq rije' xe'ok chupan ri samaj richin sacerdote.