Ex 29:20 - Kaqchiquel Bible

²⁰ Xtakamisaj k'a y xtachop juba' ri rukik'el y xtiya' chutza'n ri ruxikin ri Aarón ri k'o pa rijkiq'a', chirij ri nim rupan ruwi-ruq'a' y ri nim rupan ruwi-raqen ri k'o pa rijkiq'a'. Chuqa' keri' niben chike ri e ruk'ajol. Y juba' chire ri kik' xtachikaj k'a chi kaji' ruxikin ri porobel.

Ex 29:20 ပူးပေါင်းရင်းမြစ်များ

Wuj Richin ri Isaías 50:5

Jehová k'iytisanel richin ronojel, kan naben chuwe richin nijaqatej ri nuxikin, y yin kan man yiyakatej ta chawij, ni kan man nintzolij ta wi' chuwij.

1 Pedro 1:2

Ri Qatata' Dios xixrucha' k'a rix, y kan ja ri Loq'olej Espíritu ri xch'aron iwichin richin ninimaj rutzij ri Jesucristo, y nich'ajch'ojir ri ik'aslen rik'in ri rukik'el. Ri Dios xtuya' ta k'a janila utzil y uxlanen pan iwi'.

Hebreos 12:24

Ojk'o apo rik'in ri Jesús ri nisamajin ri k'ak'a' jikibel-tzij y rik'in ri rukik'el ri xbiyin ri xuch'ajch'ojirisaj ri qánima, roma ri rukik'el rija' más rejqalen chuwech ri rukik'el ri Abel.

Hebreos 10:22

Roma ri' qojjel k'a apo rik'in ri Dios, rik'in ch'ajch'oj qánima y kan kuqul-qak'u'x. Ch'ajch'ojirisan ta ri qánima chire ri etzelal, y ri qak'aslen ch'ajon ta chik rik'in ch'ajch'ojilej ya'.

Marcos 7:33

Ri Jesús xuch'er k'a el ri achin ri'. Xuju' ruwi-ruq'a' pa taq ruxikin, xchuban, y k'ari' xuneq ri raq'.

Wuj Richin ri Isaías 52:15

Y keri' k'a chuqa' kan e k'iy k'a tzobaj winaqi' richin ri ruwach'ulew ri xtikuyutej kimak. Ri e rey toq xtikitz'et, kan man jun xtikibij, roma xtikitz'et ri man jun bey bin chike, y xtiq'ax chikiwech ri man jun bey e kak'axan.

Wuj Richin ri Chojmirisabelri'il 16:19

Y xtuju' k'a qa jun chike ri ruwi-ruq'a' chupan ri kik' ri k'a k'o kan, y xtuchikaj k'a wuqu' mul chirij ri porobel, richin chi nujech chuwe yin. Y keri' xtich'ajch'ojir chire ri itzel taq kibanobal ri awinaq.

Wuj Richin ri Chojmirisabelri'il 14:16

y xeri' xtuju' jun chike ruwi-ruq'a' ri k'o pa rijkiq'a', chupan ri aceite ri k'o chupan ri jun chik ruq'a', y k'ari' xtuchikaj chinuwech yin. Wuqu' k'a bey ri k'o chi nuben kere'.

Wuj Richin ri Chojmirisabelri'il 14:14

Xeri', ri sacerdote nuk'uaj-el juba' rukik'el ri chikop, y jari' ri nuya' juba' chirij ri wineq ri nuch'ajch'ojirisaj-ri': nuya' juba' chutza'n-qa ri ruxikin, chuwi' ri nim ruwi-ruq'a' y chuqa' chuwi' ri nim ruwi-raqen ri ek'o pa rijkiq'a'.

Wuj Richin ri Chojmirisabelri'il 14:7

K'ari' ri sacerdote xtuchikaj wuqu' mul ri kik' ri xolon rik'in ya' chirij ri wineq ri xk'oje' ri itzel yabil chirij, richin nich'ajch'ojir. Xeri' xtibix chi ri wineq ch'ajch'oj chik, y xtisq'opex-el ri jun chik aj-xik' chikop richin xtibe pa juyu'.

Wuj Richin ri Chojmirisabelri'il 8:24

K'ari' xuben chi xejel-apo ri e ruk'ajol ri Aarón, chuqa' xuyala' juba' kik' pa taq rutza'n-qa ri kixikin ri k'o pa kijkiq'a' y chuqa' xuya' kik' chirij ri nim rupan ruwi-kiq'a' y ri nim rupan ruwi-kaqen ri ek'o pa kijkiq'a'. Y ri kik' ri xtotej kan xuchikaj chi kaji' ruxikin ri porobel.

Ex 29:19

Xeri' xtik'en chik k'a pe ri jun chik achij karne'l y ri Aarón y ri e ruk'ajol xtikiya' chik ri kiq'a' pa ruwi' rujolon ri karne'l ri'.

Ex 29:21

Y ri juba' chik kik' ri k'o pa ruwi' ri porobel xtaxol rik'in ri aceite richin cha'onri'il, y xtachikaj k'a pa ruwi' ri Aarón y chirij ri rutziaq chuqa'. Keri' chuqa' xtaben chike ri e ruk'ajol y chire ri kitziaq rije'. Richin keri' ri Aarón, ri e ruk'ajol y chuqa' ri kitziaq xkench'er chire ri nusamaj.

Wuj Richin ri Chojmirisabelri'il 8:23

Y ri Moisés xuqupij k'a ri ruqul ri achij karne'l ri' y xuchop-el juba' rukik'el ri chikop y xuya' chutza'n-qa ri ruxikin ri Aarón, ri ruxikin ri k'o pa rijkiq'a'. Y chuqa' xuya' juba' kik' chirij ri nim rupan ruwi-ruq'a' y ri nim rupan ruwi-raqen ri ek'o pa rijkiq'a'.

Wuj Richin ri Chojmirisabelri'il 14:17

Y rik'in ri juba' chik chire ri aceite ri man xk'is ta, ri k'o pa ruq'a' ri sacerdote, xtuyala' chik chirij ri akuchi xuyala-wi ri kik' chirij ri wineq ri nuch'ajch'ojirisaj-ri'.

Wuj Richin ri Chojmirisabelri'il 14:25

K'ari' ri sacerdote nuqupij ri ruqul ri chikop richin kamelabel richin ch'a'oj, y nuk'uaj-el juba' rukik'el ri chikop, y jari' ri nuya' juba' chirij ri wineq ri nuch'ajch'ojirisaj-ri': nuya' juba' chutza'n-qa ri ruxikin, chuwi' ri nim ruwi-ruq'a' y chuqa' chuwi' ri nim ruwi-raqen ri ek'o pa rijkiq'a'.

Wuj Richin ri Chojmirisabelri'il 14:28

Y rik'in ri juba' chik chire ri aceite ri man xk'is ta, ri k'o pa ruq'a' ri sacerdote, xtuyala' chik chirij ri akuchi xuyala-wi ri kik' chirij ri wineq ri nuch'ajch'ojirisaj-ri'.