Ex 28:4 - Kaqchiquel Bible

⁴ Jare' ri tzieq ri k'o chi nikiben: Ri ti peqes ri nuk'uaj chuwa-ruk'u'x, ri tzieq efod, ri ko'ol raqen rutziaq, ri nim raqen rutziaq ri tz'ison ruwech, jun kuchubel-rujolon retal ri rusamaj y ri ximibel-rupan. Je rije' k'a ri xkebanon re jalajoj kiwech tzieq re', richin ri Aarón, kichin ri e ruk'ajol, richin jari' ri xtikikusaj richin nikiben ri rusamaj jun sacerdote.

Ex 28:4 ပူးပေါင်းရင်းမြစ်များ

Apocalipsis 9:17

Y chupan k'a ri achi'el achik' ri xinben, xentz'et ri kiej y ri e ch'okol chirij kikusan tobel ruwa-kik'u'x ri keq nitzu'un achi'el q'aq', q'en achi'el ri chuwilej-abej y raxroj achi'el ri kaj yetzu'un. Y ri kijolon ri kiej ri' achi'el kijolon ri koj, y ri pa kichi' kan nel q'aq', sib y chuwilej-abej.

Efesios 6:14

Roma ri', kow k'a kixpa'e'.*f7* Tikusaj ri qitzijri'il richin nito-iwi', achi'el nikusaj ri ximibel ipan. Tikusaj ri ruchojmilal achi'el nikusaj ri tobel ruwa-ik'u'x.

1 Tesalonicenses 5:8

Jak'a roj ri oj richin ri saqil, tiqana' jebel ri achike yeqabanala'. Kan tiqakuquba' qak'u'x rik'in ri Jesucristo, y qojajowan, achi'el nuben jun aj-labal ri nukusaj ri rutobal ruwa-ruk'u'x. Chuqa' k'o chi niqaq'et-qi' rik'in ri qach'obonik, achi'el ri aj-labal ri nukusaj rutobal rujolon.*f3*

Wuj Richin ri Isaías 59:17

Ri Dios xukusaj ri ruchojmilal y ri ruchuq'a' achi'el nikusex ri kamisabel richin yerukol ri choj kik'aslen y nuya' rutojbalil pa kiwi' ri man utz ta kik'aslen.

Wuj Richin ri Isaías 11:5

Roma ronojel xtuben pa ruchojmilal, man jun bey xtitzaq pa jun pajk'ibel; y roma kan jantape' xtuben ri nubij, xtitikir xtuk'achojirisaj ri rusamaj.

2 Sam 6:14

Y rija' rukusan k'a el jun rutziaq ri banon rik'in lino. Y janila k'a kikoten k'o rik'in y roma ri' kan nitzopiyaj rik'in ronojel ruchuq'a' chuwech ri Jehová.

1 Sam 30:7

K'ari' xubij chire ri sacerdote Abiatar ruk'ajol kan ri Ahimélec chi tuk'ama-pe ri tzieq ri nibix efod chire, richin nuk'utuj chire ri Dios. Y ri Abiatar kan xuk'en k'a pe ri tzieq ri' chire ri David.

1 Sam 23:6

Ri Abiatar xberila' ri David pa Queilá, ruk'uan-el jun tzieq richin sacerdote richin nuk'ulubej ri Jehová.

1 Sam 22:18

K'ari' ri rey xubij chire ri Doeg: ¡Ke'akamisaj rat!, xcha'. Y rija' xerukamisaj e jumuch' wo'o' sacerdote.

1 Sam 2:18

Ri ti ala' Samuel nuben k'a rusamaj ri Jehová y rukusan jun tzieq banon rik'in lino, retal ri rusamaj.

Ex 39:28

Keri' chuqa' xuben ri kuchubel-rujolon ri Aarón, retal ri rusamaj y ri retz'aba'l xuben chuqa' rik'in ri lino jijoj ruwech, y ri rupan kitziaq chuqa' xuben rik'in lino batz'in jijoj ruwech.

Ex 25:7

chuqa' utz nikik'en-pe ri jebelej taq abej ónike y ch'aqa' chik kiwech jebelej taq abej richin xtiya'ox chuwech ri tzieq efod*f10* ri banon rik'in lino y richin xtiya' chuwech ri ti peqes ri xtuk'uaj chuwa-ruk'u'x ri nimalej sacerdote.

Ex 29:6

K'ari' xtaya' chuqa' ri kuchubel-rujolon ri Aarón, ri retal ri rusamaj. Xtaya' chuqa' el ri tz'ajtz'ik q'anapueq nik'aj-ruwech, chuwech ri kuchubel-rujolon ri nuk'ut chi kan wichin yin.

Os 3:4

Keri' chuqa' ri tinamit Israel, kan k'iy k'a q'ij xkek'oje' chi maneq ki-rey. Man xkek'oje' ta chik k'a tata'al chikikojol, Man xtikisuj ta chik kamelabel q'ij-q'ij, ni ri paban taq abej, ni ri efod, ni ri ch'aqa' chik ki-dios man xkek'oje' ta chik kik'in.