Ex 28:39 - Kaqchiquel Bible

³⁹ Xtikem k'a jun nim raqen rutziaq ri Aarón rik'in betz' lino; rik'in chuqa' ri betz' ri' xtiben jun kuchubel-rujolon, retal rusamaj; y xtiben chuqa' jun ximibel-rupan rik'in retz'aba'l ruwech y kan jebejoj ok rutz'isik xtiben chire.

Ex 28:39 ပူးပေါင်းရင်းမြစ်များ

Wuj Richin Bix Chire ri Dios 45:14

Y rik'in ri rutziaq ri' nuk'uex-apo rik'in ri rey, e rachibilan ri xtani' ri e tzeqetel-el chirij rija'.

Ex 26:36

Richin ri pan okibel chire ri wachoch xtikiben k'a chuqa' jun peraj tzieq y re' xtiban rik'in ri betz' lino ri jebel rubatz'ixik, ri raxroj, ri q'eqq'oj-keq y keq nitzu'un. Y xkekitz'is k'a retz'aba'l ruwech ri peraj tzieq ri'.

Ex 28:4

Jare' ri tzieq ri k'o chi nikiben: Ri ti peqes ri nuk'uaj chuwa-ruk'u'x, ri tzieq efod, ri ko'ol raqen rutziaq, ri nim raqen rutziaq ri tz'ison ruwech, jun kuchubel-rujolon retal ri rusamaj y ri ximibel-rupan. Je rije' k'a ri xkebanon re jalajoj kiwech tzieq re', richin ri Aarón, kichin ri e ruk'ajol, richin jari' ri xtikikusaj richin nikiben ri rusamaj jun sacerdote.

Ex 29:5

Y k'ari' xtabek'ama-pe ri tzieq ri banon chik richin chi jari' ri xtukusaj ri Aarón. Kan ja rat k'a ri xkajalo-el richin, nabey xtaya' chirij ri tzieq ri más nim raqen, chirij ri' xtaya-qa ri jun chik ko'ol raqen tzieq, xeri' xtaya' ri efod y k'a chuwech ri' xtatzeqeba-wi-el ri ti peqes, ri nuk'uaj chuwa-ruk'u'x. Y k'ari' k'a xtaxim-el ri ximibel-rupan ri efod.

Ex 29:6

K'ari' xtaya' chuqa' ri kuchubel-rujolon ri Aarón, ri retal ri rusamaj. Xtaya' chuqa' el ri tz'ajtz'ik q'anapueq nik'aj-ruwech, chuwech ri kuchubel-rujolon ri nuk'ut chi kan wichin yin.

Ex 29:8

K'ari' xke'awoyoj ri e ruk'ajol ri Aarón y xtaya' ri nim raqen tzieq chikij.

Ex 39:27

Xuben chuqa' ri nim raqen rutziaq ri Aarón y ri kitziaq ri e ruk'ajol, kan junan k'a xuben chike y xukem rik'in ri betz' lino jijoj ruwech. Re tzieq re' kan janila k'a jebel rukemik.

Wuj Richin ri Chojmirisabelri'il 6:10

Y ri nimaq'a' ri sacerdote k'o chi nukusaj-el ri rutziaq y chuqa' ri rupan rutziaq ri e banon rik'in lino, y k'ari' xtujok-el ri ruchajul ri chikop y xtumol chiri' chunaqaj ri porobel.

Wuj Richin ri Chojmirisabelri'il 16:4

Ri nabey, ri k'o k'a chi nuben ri Aarón, ja ri natin, y k'ari' nukusaj ri rutziaq ri kan ch'aron richin pa nusamaj, ri e banon rik'in lino: Ri rupan rutziaq, ri nim raqen rutziaq, ri ximibel-rupan y ri kuchubel-rujolon retal ri rusamaj.

Ex 27:16

Ri ruchi' ri akuchi xtiban-wi-apo oken ri chuwa-jay, chiri' k'a xtikitzeqeba' jun peraj tzieq, ri wo'o' jaj rik'in ka'i' q'a'aj raqen, ri banon rik'in betz' lino ri jebel rubatz'ixik, ri raxroj, ri q'eqq'oj-keq y ri keq yetzu'un y kan jebejoj ok rutz'isik ri retz'aba'l ri xtiban chire. Chuqa' xtikiben kaji' xata't y kaji' ruch'okolibal richin nitzeqebex re tzieq re'.