Ex 28:37 - Kaqchiquel Bible

³⁷ Xeri' re jun ti tz'ajtz'ik q'anapueq re' xtiya' chuwech jun ti ripirik tzieq, ri ti nim raqen, ri banon rik'in betz' raxroj. K'ari' xtixim-apo chuwech ri kuchubel-rujolon ri Aarón ri retal ri rusamaj. Nik'aj-ruwech k'a xtibe-wi ri ti tz'ajtz'ik q'anapueq ri'.

Ex 28:37 ပူးပေါင်းရင်းမြစ်များ

Ex 28:28

Ri ka'i' argolla ri ek'o pa taq rutza'n, ri pa xulan-qa chire ri ti peqes, xke'ixim rik'in ri ka'i' argolla ri e tz'ison chuwech ri efod pa ruwi' juba' ri ximibel-rupan. Ri ximibel ri xtikusaj jun raxroj betz' ri balon ruwech. Y keri' ri ti peqes nijitz'e' kan jebel y man xtisilon ta.

Ex 28:31

Xtiben chuqa' jun chik rutziaq, ri man kan ta janila nim raqen, ri nibe-qa chuxe' ri efod. Re tzieq re' raxroj nitzu'un niben chire.

Ex 28:36

Chuqa' tibana' jun ti tz'ajtz'ik q'anapueq, ri kan jebel ch'ajch'oj. Y chuwech ri' tibana-wi ri tzij ri nubij: RI KAN RICHIN RI JEHOVÁ.

Ex 28:38

Kan jantape' k'a xtik'oje' ri tz'ajtz'ik q'anapueq nik'aj-ruwech ri Aarón, toq xkerusuj kamelabel kichin ri winaqi' chinuwech yin Jehová. Kan jantape' xtuk'uaj ri tz'ajtz'ik q'anapueq ri nik'aj-ruwech, richin chi yin kan utz xkentz'et.

Ex 28:4

Jare' ri tzieq ri k'o chi nikiben: Ri ti peqes ri nuk'uaj chuwa-ruk'u'x, ri tzieq efod, ri ko'ol raqen rutziaq, ri nim raqen rutziaq ri tz'ison ruwech, jun kuchubel-rujolon retal ri rusamaj y ri ximibel-rupan. Je rije' k'a ri xkebanon re jalajoj kiwech tzieq re', richin ri Aarón, kichin ri e ruk'ajol, richin jari' ri xtikikusaj richin nikiben ri rusamaj jun sacerdote.

Ex 29:6

K'ari' xtaya' chuqa' ri kuchubel-rujolon ri Aarón, ri retal ri rusamaj. Xtaya' chuqa' el ri tz'ajtz'ik q'anapueq nik'aj-ruwech, chuwech ri kuchubel-rujolon ri nuk'ut chi kan wichin yin.

Wuj Richin ri Chojmirisabelri'il 8:9

Xeri' xuya' chuqa' ri kuchubel-rujolon retal ri rusamaj y chuwech ri' xuya' ri tz'ajtz'ik q'anapueq, kan achi'el ri rubin ri Jehová chire chi tubana'.

Wuj Richin ri Zacarías 3:5

Chirij ri' xinbij k'a chi tikiya' jun ch'ajch'oj kuchubel-rujolon. Y kan keri' xkiben. Y rokik xbanatej ronojel re', ri ángel richin ri Jehová pa'el k'a apo chiri'.