Ex 28:36 - Kaqchiquel Bible

³⁶ Chuqa' tibana' jun ti tz'ajtz'ik q'anapueq, ri kan jebel ch'ajch'oj. Y chuwech ri' tibana-wi ri tzij ri nubij: RI KAN RICHIN RI JEHOVÁ.

Ex 28:36 ပူးပေါင်းရင်းမြစ်များ

Wuj Richin ri Zacarías 14:20

Chupan k'a ri ruq'ijul ri', kan k'o k'a ri xtibetz'ibex chikiwech ri taq klun ri nitzeqe' chikiqul ri kiej, y kere' nubij: Kan Ch'aron Chire ri Jehová. Y chuqa' xtitz'ibex chuwech ri bojo'y ri nikusex chupan ri rachoch ri Dios, y chuqa' chikiwech ri nima'q taq leq ri ye'ukusex chuwech ri porobel.

Wuj Richin ri Chojmirisabelri'il 8:9

Xeri' xuya' chuqa' ri kuchubel-rujolon retal ri rusamaj y chuwech ri' xuya' ri tz'ajtz'ik q'anapueq, kan achi'el ri rubin ri Jehová chire chi tubana'.

Ex 39:30

Chuqa' xuben jun ti tz'ajtz'ik q'anapueq, ri kan jebel ch'ajch'oj. Y chuwech ri' xuben-wi ri tzij ri nubij: RI KAN RICHIN RI JEHOVÁ.

Apocalipsis 21:27

Jak'a ronojel ri xa tz'il, kan man jun bey xtok-apo chupan. Ni man jun chuqa' wineq ri xa nuya' ruq'ij jun chik dios, ni chuqa' ri e tz'ukuy taq tzij, ri xke'ok-apo ri chiri', xaxe ri tz'ibatel kibi' chupan ri wuj richin k'aslen, ri ruwuj ri Karne'l.

1 Pedro 2:9

Jak'a rix kan ix jun tinamit ri kan ix cha'on roma rija', roma ja rija' ri xelesan-pe iwichin chupan ri q'equ'm y xixruya' chupan ri saqil. Xuben chi xixok ru-sacerdote, jun loq'olej rutinamit y xixok ruwinaq richin chi nitzijoj ri meyel taq rubanobal.

Hebreos 12:14

Titija' iq'ij chi nik'oje' uxlanibel-k'u'x chi'ikojol kik'in konojel winaqi', y tik'uaj jun k'aslen ri kan loq'olej. Roma wi man keri' ta, man xkixtikir ta xtitz'et ruwech ri Dios.

Hebreos 7:26

Y kan ruk'amon-wi chi ri Jesús xok qanimalej sacerdote, roma rija' kan loq'olej-wi. Man jun bey xuben ta jun mak. Man jun etzelal k'o pa ruk'aslen y man junan ta kik'in ri aj-maki', y kan ya'on-wi ruq'ij chila' chikaj.

Ez 43:12

Jak'a pixa' re' ri k'o janila rejqalen. Chijun ri ulew ri akuchi k'o-wi ri wachoch, re pa ruwi' re juyu' re', kan xtich'ar chuwe yin.

Wuj Richin Bix Chire ri Dios 93:5

Nimalej Jehová, ri apixa' rat kan jari' k'a ri choj. Ri ruch'ajch'ojil kan jari' ri ruk'amon chire ri awachoch. Kan keri' k'a nimalej Jehová, tibe-q'ij tibe-seq.

Wuj Richin ri Chojmirisabelri'il 19:2

tubij chike ri winaqi': Kan tich'ajch'ojirisaj k'a iwi' richin niben ri utz chire ri ik'aslen roma yin Jehová ri i-Dios kan in loq'olej-wi.

Wuj Richin ri Chojmirisabelri'il 10:3

Xeri' ri Moisés xubij chire ri Aarón: Ri Jehová kan ch'owineq chik k'a kan chirij achi'el re xbanatej re wakami, kan rubin chik k'a: Ri kan yejel k'a pe wik'in richin yinkisamajij, kan qitzij wi chi niq'alajin ri nuq'ij-nuk'ojlen chupan ri kik'aslen, y xtitz'et koma konojel winaqi' chi kan man jun chik ri achi'el ta yin; keri' rubin ri Dios, xcha' ri Moisés. Y ri Aarón kan man jun k'a ch'abel ri xubij.

Ex 28:11

Y ri niya'on ri bi'aj chuwech ri abej ri', k'o chi jun achin ri kan jari' ri rusamaj. Y chikijujunal ri ka'i' abej ri' xtibe q'anapueq ri chi kichi'.

Ex 28:9

Tabij k'a chi tiban ka'i' taq tz'alem abej ónike, richin chi chikiwech ri' xtiban-wi kibi' ri e ruk'ajol ri Israel.

Ex 28:35

Ja tzieq re' ri xtukusaj ri Aarón toq xtok-apo chupan ri janila loq'olej chire ri wachoch, richin chi nuben ri rusamaj. Y keri' kan xtak'axatej k'a ri kich'ich'al ri taq campana, toq nok-apo y toq nel-pe. Jeri' ri yeya'on rutzijol chi k'a k'es na.

Ex 28:37

Xeri' re jun ti tz'ajtz'ik q'anapueq re' xtiya' chuwech jun ti ripirik tzieq, ri ti nim raqen, ri banon rik'in betz' raxroj. K'ari' xtixim-apo chuwech ri kuchubel-rujolon ri Aarón ri retal ri rusamaj. Nik'aj-ruwech k'a xtibe-wi ri ti tz'ajtz'ik q'anapueq ri'.

Ex 29:6

K'ari' xtaya' chuqa' ri kuchubel-rujolon ri Aarón, ri retal ri rusamaj. Xtaya' chuqa' el ri tz'ajtz'ik q'anapueq nik'aj-ruwech, chuwech ri kuchubel-rujolon ri nuk'ut chi kan wichin yin.

Ex 39:31

Xeri' re tz'ajtz'ik q'anapueq re' xya'ox chuwech jun ti ripirik tzieq, ri ti nim raqen, ri banon rik'in betz' raxroj richin xxim-apo chuwech ri kuchubel-rujolon ri Aarón, retal ri rusamaj, achi'el ri xubij ri Jehová chire ri Moisés.

Wuj Richin ri Isaías 23:18

Jak'a ronojel ri xtikich'ek chirij ri kik'ayij, xtikijech-apo chire ri Jehová. Man xtikiyek ta qa chupan ri kiyakonabal. Xa kan xtitalux k'a chike konojel ri yesamajin richin ri Jehová, richin xtikiloq' pa ruk'iyal ri kiway y jebelej taq tzieq.

Ex 19:6

Chuqa' kan xkixok jun ajawaren kichin sacerdote richin yinisamajij y rix kan xkixok xaxe wichin yin, xkacha' chike, xcha' ri Jehová chire ri Moisés.

Ex 39:27

Xuben chuqa' ri nim raqen rutziaq ri Aarón y ri kitziaq ri e ruk'ajol, kan junan k'a xuben chike y xukem rik'in ri betz' lino jijoj ruwech. Re tzieq re' kan janila k'a jebel rukemik.

1 Crón 23:13

Ri e ka'i' ruk'ajol ri Amram ja ri Aarón y ri Moisés. Ri Aarón xcha'ox richin nusuj ri sipanik ri yejach chire ri Dios, y richin nuporoj pom chuwech ri Jehová. Kan nusamajij, y kan pa rubi' ri Dios nuya' urtisanik. Ronojel re' ja re' ri samaj ri k'o chi nikiben ri Aarón y ri e rijatzul richin q'asen.