Ex 28:35 - Kaqchiquel Bible

³⁵ Ja tzieq re' ri xtukusaj ri Aarón toq xtok-apo chupan ri janila loq'olej chire ri wachoch, richin chi nuben ri rusamaj. Y keri' kan xtak'axatej k'a ri kich'ich'al ri taq campana, toq nok-apo y toq nel-pe. Jeri' ri yeya'on rutzijol chi k'a k'es na.

Ex 28:35 ပူးပေါင်းရင်းမြစ်များ

Hebreos 9:12

Toq ri Cristo xok ri akuchi kan janila loq'olej, xaxe jun bey xok ri chiri'. Y rija' man xusuj ta na ri kikik'el tzuntzun, ni ta kichin alaji' taq wákix. Kan ja ri rukik'el rija' ri xusuj chire ri Dios richin xkuyutej ri qamak, y rik'in ri' xuya' ri kolotajik ri richin jantape' chiqe.

Wuj Richin ri Chojmirisabelri'il 16:2

Y ri Jehová kere' k'a ri xubij chire: Tabij chire ri Aarón, ri animal, chi man xabachike ta ramaj nok-apo chirij ri tzieq ri tasbel rupan ri wachoch, ni chuwech-apo ri tz'apebel ruwi' ri káxa, richin chi man niken ta, roma yin kan chiri' chupan jun mokol sutz' ninbenk'utu-wi'.

Ex 28:34

Nel chi tzij chi nitzeqeba' jun ti campana y k'ari' nibe jun ruwachibel granada, xeri' nitzeqeba' jun chik ti campana y nibe chik jun ruwachibel granada y keri' xtiben chire chijun ri ruchi' ri tzieq.

Ex 28:36

Chuqa' tibana' jun ti tz'ajtz'ik q'anapueq, ri kan jebel ch'ajch'oj. Y chuwech ri' tibana-wi ri tzij ri nubij: RI KAN RICHIN RI JEHOVÁ.