Ex 28:34 - Kaqchiquel Bible

³⁴ Nel chi tzij chi nitzeqeba' jun ti campana y k'ari' nibe jun ruwachibel granada, xeri' nitzeqeba' jun chik ti campana y nibe chik jun ruwachibel granada y keri' xtiben chire chijun ri ruchi' ri tzieq.

Ex 28:34 ပူးပေါင်းရင်းမြစ်များ

Colosenses 1:10

Keri' xtik'uaj jun k'aslen ri kan niqa' chuwech ri Dios y kan ta niwachin; niben ta ronojel ri utzilej taq banobel y niwetamaj ta más chirij ri Dios.

San Juan 15:16

Ri xcha'on iwichin rix, ja yin, y xa man ja ta rix ri xixcha'on wichin yin. Y yin xixincha' richin chi niwachin jebel ri ik'aslen. Y re' kan richin ta k'a jantape' richin keri' ri achike k'a ri xtik'utuj chire ri nata' pa nubi' yin, rija' kan xtuya-pe chiwe.

Wuj Richin ri Nimalej Bix 8:2

Y yatink'uaj ta el pa rachoch ri nte' richin rat nak'ut chinuwech ri ajowabel. Y yin ninya' ta vino chawe, y chuqa' ninya' ta chawe ruya'al granada.

Wuj Richin ri Nimalej Bix 6:11

Xibe pa nuqejoj akuchi ek'o-wi ri nogal pa taq'aj kojol juyu', richin xinbentz'eta' wi rex chik kibanon. Xinbentz'eta' wi kichapon yesijan-pe ri uva y wi yesijan chik ri granada.

Wuj Richin ri Nimalej Bix 6:7

Ri apalej keq niq'alajin-pe chupan ri a-velo; kan achi'el nik'ajta'q taq granada nitzu'un.

Wuj Richin ri Nimalej Bix 4:13

Ri ka'i' aq'a' kan e jubul-jubul roma ri ruxla' ri awaq'om: Kan achi'el kuxla' ri granada, y ri ch'aqa' chik jalajoj kiwech kotz'i'j, achi'el ri alhena, ri nardo,

Wuj Richin ri Nimalej Bix 4:3

Ri ti achi' kan keq-keq achi'el ri betz' keq. Y toq yach'on, kan jebel ok niq'alajin. Ri apalej kan keq yeq'alajin-pe chupan ri a-velo, kan achi'el nik'ajta'q taq granada.

Wuj Richin ri Nimalej Bix 2:3

Wajowanel yin, rat kan más at utz chikikojol ri ch'aqa' chik alaboni'. Kan at achi'el jun ruche'el manzana chikikojol ri che' ri ek'o pa k'echelaj. Kan chuxe' k'a ri amujal ninrayij yitz'uye-wi, y ri naben wik'in kan janila utz nina', kan achi'el toq nintej jun manzana.

Wuj Richin Bix Chire ri Dios 89:15

Jebel ruwa-kiq'ij ri nikiya' aq'ij rik'in bix, kan yebiyin k'a rik'in ri awutzil.

Ex 28:33

Y ri chuqul-qa raqen ri tzieq ri', chijun ri ruchi', niben retz'aba'l rik'in kiwachibel granada y ja ri betz' raxroj, q'eqq'oj-keq y keq yetzu'un, ri xtikusaj. Chikikojol re wachibel re', ri k'a ri chuchi-qa xke'itzeqeba' taq campana ri e banon rik'in q'anapueq.

Ex 28:35

Ja tzieq re' ri xtukusaj ri Aarón toq xtok-apo chupan ri janila loq'olej chire ri wachoch, richin chi nuben ri rusamaj. Y keri' kan xtak'axatej k'a ri kich'ich'al ri taq campana, toq nok-apo y toq nel-pe. Jeri' ri yeya'on rutzijol chi k'a k'es na.

Ex 39:22

Xuben chuqa' jun raxroj tzieq, ri man kan ta janila nim raqen, ri nibe chuxe' ri efod.

Ex 39:26

Nel chi tzij chi xtzeqe' jun ti campana y k'ari' xbe jun ruwachibel granada, xeri' xtzeqe' jun chik ti campana y xbe chik jun ruwachibel granada y keri' xuben chire chijun ri ruchi' ri tzieq. Re tzieq re' jare' ri nukusaj ri sacerdote toq nok-apo chuwech ri Jehová. Kan xuben k'a chire ronojel achi'el ri xubij ri Jehová chire ri Moisés.