Ex 28:30 - Kaqchiquel Bible

³⁰ Chupan ri ti peqes ri nibe chuwa-ruk'u'x, chupan ri' xtiya-wi-el ri ka'i' taq abej Urim y Tumim,*f13* richin kan chunaqaj ri ránima ri Aarón yek'oje-wi, toq nok-apo chinuwech yin. Y keri' ri ti peqes ri richin ri nuq'atbel-tzij yin, kan jantape' k'a xkebe chunaqaj ri ránima ri Aarón.

Ex 28:30 ပူးပေါင်းရင်းမြစ်များ

Wuj Richin ri Esdras 2:63

Y ri aj-raqen pa ruwi' ri tinamit xubij chike chi man tikitej ri q'utun ch'aron kichin ri sacerdote, k'a xtik'o na ri nimalej sacerdote ri nik'uluben ri Urim y ri Tumim.

Wuj Richin ri Nehemías 7:65

Y ri aj-raqen pa ruwi' ri ruwach'ulew xkibij chike chi man nikitej ta chik ri kiq'utun ri sacerdote roma ri q'utun ri' kan ch'aron chike rije', keri' nikiben k'a toq xtik'oje' na jun nimalej sacerdote ri xtuk'utuj chire ri Dios wi qitzij chi rije' e sacerdote o ni.

Ex 28:29

Y keri' k'a, toq ri Aarón nok-apo chupan ri wachoch, ri kibi' ri e ruk'ajol kan ri Israel e beneq chikiwech ri taq abej chuwech ri ti peqes, chunaqaj ri ránima. Richin xtok jun natabel chuwe yin richin jantape'.

Wuj Richin ri Chojmirisabelri'il 8:8

Chirij ri' ri Moisés xuya' ri jun achi'el ti peqes chuwa-ruk'u'x ri Aarón y xeruya' ri Urim y ri Tumim*f1* chupan.

Wuj Richin ri Zacarías 6:13

Ja rija' ri xtipaban k'a ri wachoch y kan xtik'oje' k'a janila ruk'ojlemal. Kan xtitz'uye' k'a pa ruch'akat richin xtuq'et-tzij pa ruchojmilal. Chuqa' kan xtuben ri rusamaj ri sacerdote, y kan xtik'oje' k'a uxlanibel-k'u'x chikikojol.

Wuj Richin ri Q'axanri'il 27:21

Ri Josué kan jataqil k'a xtapon chuwech ri sacerdote Eleazar, y ri sacerdote xkiruk'ulubej k'a yin rik'in ri Urim y ri Tumim. Ja ri Josué k'a ri xtibin jampe' yebe y jampe' yepe e rachibilan ri ruwinaq. Kan chijun k'a tinamit xtuben ri xtubij rija' chike, xcha'.

2 Corintios 12:15

Roma ri' yin kan rik'in k'a janila kikoten xtinkusaj ri nubeyomel iwik'in rix, y chuqa' kan ninya' wi' yin roma kan janila ri wajowabal chiwe rix, stape' rix man kan ta yiniwajo' achi'el ri yixinwajo' yin.

2 Corintios 7:3

Ronojel ri xinbij chiwe man richin ta chi yich'olin chiwij. Roma rix kan jantape' ixk'o pa qánima, y man jun xtelesan ri ajowabel ri' qik'in. Ni ri kamik man xtitikir ta xtrelesaj, ni xabachike ri niqak'uluwachij chupan re k'aslen re'.

Deut 33:8

Rix ri tzobaj richin Leví; Ri Jehová, xuben chiwe chi xixok sacerdote. Chiri' pa Masá y pa Meribá ri Jehová xixrutejtobej rix, y rix kan xikuquba' ik'u'x rik'in rija'.

Hebreos 2:17

Roma ri' xok wineq achi'el roj, richin chi xuben achi'el jun nimalej sacerdote ri nijoyowan qawech. Kan jantape' wi nuben ri samaj ri' rik'in ri Dios y roma ri' nikuyutej ri qamak roj winaqi'.

Hebreos 4:15

Ri qanimalej sacerdote kan retaman ri niqana' toq man jun quchuq'a', roma toq xk'oje' re wawe' chuwech re ruwach'ulew, rija' xtejtobex rik'in ronojel ruwech mak, achi'el yojtejtobex roj; xaxe rija' man xmakun ta.

Hebreos 9:12

Toq ri Cristo xok ri akuchi kan janila loq'olej, xaxe jun bey xok ri chiri'. Y rija' man xusuj ta na ri kikik'el tzuntzun, ni ta kichin alaji' taq wákix. Kan ja ri rukik'el rija' ri xusuj chire ri Dios richin xkuyutej ri qamak, y rik'in ri' xuya' ri kolotajik ri richin jantape' chiqe.

Hebreos 9:24

Ri Cristo man xok ta apo chupan ri rachoch ri Dios ri banon koma winaqi', ri xa ruwachibel ri rachoch ri Dios ri k'o chila' chikaj. Rija' kan xok k'a chila' chikaj, y kan rik'in-apo ri Dios k'o-wi, richin nich'on pa qawi' roj.

Wuj Kichin ri To'onela' 1:1

Chirij ri rukamik ri Josué, ri e rijatzul kan ri Israel xkik'ulubej ri Jehová y xkik'utuj k'a chire achike xkeyakatej-el nabey richin nibekibana' oyowal kik'in ri aj-Canaán.

Wuj Kichin ri To'onela' 20:18

Ri ch'aqa' chik israelita xebe k'a q'anej pa rachoch ri Jehová richin xbekik'ulubej y xkibij chire: ¿Achike tzobaj ri xtik'o-el chiqawech richin nibekibana' oyowal kik'in ri aj-Benjamín?, xecha'. Y ri Jehová xubij chike chi ja ri tzobaj richin Judá ri xtik'o-el chikiwech.

Wuj Kichin ri To'onela' 20:23

roma rije' kan xejote' k'a q'anej pa rachoch ri Jehová ri jun q'ij kan y chijun q'ij xe'oq' chuwech k'a toq xok na pe ri aq'a'. Rije' xkik'utuj k'a chire ri Jehová wi utz yebe chik jun bey richin nibekibana' oyowal kik'in ri aj-Benjamín, ri e kach'alal. Y ri Jehová kan xubij k'a chi utz yeyakatej chik el chikij.

1 Sam 28:6

K'ari' xberuk'ulubej ri Jehová, jak'a man xk'ulubex ta ri ruch'abel; ni pa rachik', ni koma ri sacerdote, ni koma ri q'alajirisey ruch'abel ri Dios.