Ex 28:21 - Kaqchiquel Bible

²¹ Y xtibe k'a kablajuj taq abej chuwech, jujun koma ri e kablajuj ruk'ajol kan ri Israel. Chikiwech chikijujunal ri taq abej xtiya' jujun bi'aj, ri kichin ri kablajuj tzobaj ri kibanon ri e rijatzul kan ri Israel. Ri kibi' ri xkebe chikiwech ri taq abej achi'el k'a rubanik ri sello.

Ex 28:21 ပူးပေါင်းရင်းမြစ်များ

1 Rey 18:31

Xrukusaj k'a kablajuj abej achi'el ri kajlabal ri tzobaj ri e ruk'ajol kan ri Jacob, ri chuqa' rubini'an Israel roma ri Jehová xujel ri rubi'.

Wuj Richin ri Achin Job 19:24

Kan jebel ta ri' chi ri tz'ibabel kan ja ta rik'in q'eqapueq, y chuwech jun wuj ri banon rik'in chajipueq tz'ibatel kan. Kan jebel ta ri' chi nitz'ibex kan chuwech jun abej, richin kan tetamex koma konojel.

Ex 24:4

Ri Moisés kan xutz'ibaj k'a ronojel ri xubij-pe ri Jehová chire. Y ri ruka'n q'ij xyakatej nimaq'a' yan y xupaba-q'anej jun porobel richin kamelabel, chuxe-apo ri juyu' ri'. Chuqa' xerupaba-q'anej kablajuj abej, kik'exewach ri kablajuj tzobaj kichin ri rijatzul kan ri Israel.

Ex 28:11

Y ri niya'on ri bi'aj chuwech ri abej ri', k'o chi jun achin ri kan jari' ri rusamaj. Y chikijujunal ri ka'i' abej ri' xtibe q'anapueq ri chi kichi'.

Ex 28:20

ri rukaj cholaj niya' jun berilo, jun ónike y jun jaspe. Ronojel taq abej re' xke'iya' q'anapueq chapbel kichin ri chi taq kichi'.

Ex 28:22

Ri ti peqes xke'iben k'a ruximibal rik'in q'anapueq ri jebel ch'ajch'oj y achi'el e balon kibanik xtiben chike.

Wuj Richin ri Zacarías 9:16

Chupan ri q'ij ri' yin Jehová kan xkixinkol, achi'el nuben jun yuq'unel kik'in ri taq rukarne'l. Y kan jebel k'a xtiben chupan ri iruwach'ulew, achi'el yeyok'olin ri jalajoj kiwech taq abej ri nibe chuwech jun corona.

San Lucas 22:30

richin keri' xkixwa' y xkixuk'ya' junan wik'in pa mesa, ri pa wajawaren. Y chiri' rix xkixok k'a q'atoy-tzij pa kiwi' ri kablajuj tzobaj richin ri tinamit Israel, xcha'.

Santiago 1:1

Yin Santiago, jun rusamajel ri Dios y ri ajaw Jesucristo, ninben-el re wuj re' chiwe rix ri ix nuwinaq judío ri ix talutajineq chuwech re ruwach'ulew, tik'ulu' k'a re rutzil-iwech re ninteq-el.

Apocalipsis 21:12

Re tinamit re' rusutin-rij chi tz'aq ri nej jotol chikaj. Ruk'uan k'a kablajuj okibel rik'in ri kibi' ri jujun chike ri kablajuj tzobaj ri e rijatzul kan ri Israel y pa ronojel okibel yechajin jujun ángel.