Ex 28:18 - Kaqchiquel Bible

¹⁸ ri ruka'n cholaj niya' jun turqueza, jun zafiro y jun jade;

Ex 28:18 ပူးပေါင်းရင်းမြစ်များ

Wuj Richin ri Achin Job 28:16

Ri na'oj janila rejqalen y stape' nawajo' natoj rik'in q'anapueq ri nipe pan Ofir, man nuq'i' ta ri rajel, chuqa' stape' nawajo' naya' cornalina o zafiro chuwech, kan man nuq'i' ta chuqa' ri rejqalen.

Wuj Richin ri Achin Job 28:6

Ri relik taq abej kan ek'o k'a zafiro chupan, y chupan ri ulew kan k'o k'a q'anapueq.

Ex 24:10

Y rije' xkitz'et k'a ri Dios richin ri Israel ri chiri' y ri akuchi pa'el-wi rija' jun k'a nimalej ripirik abej rubini'an zafiro, niyok'olin y ch'ajch'oj-ch'ajch'oj nitzu'un ri ruwi', kan achi'el ri kaj toq ch'ajch'oj-ch'ajch'oj ri ruwech.

Ex 28:17

Ri chuwech xtiya' k'a jebelej taq abej y kaji' cholaj niben chire. Ri nabey cholaj niya' jun rubí, jun topacio y jun esmeralda;

Ex 28:19

ri rox cholaj niya' jun jacinto, jun ágata y jun amatista;

Ex 39:11

ri ruka'n cholaj xuya' jun turqueza, jun safiro y jun jade;

Wuj Richin ri Nimalej Bix 5:14

Ri ruq'a' kan e achi'el ch'ich', y q'enq'oj yetzu'un roma e wiqon rik'in q'anapueq y jebelej taq abej. Ri ruch'akul kan seq-seq achi'el ri marfíl, ri e wiqon rik'in jalajoj ruwech abej.

Wuj Richin ri Jeremías 17:1

Ri Dios xuya' ri rutzijol chuwe richin ninya' chike ri winaqi' aj-Judá: Ri iwánima nuk'ut ri imak achi'el ri e tz'iban chuwech jun abej rik'in jun q'eqapueq o jun chik abej o pa ruwi' ri achi'el taq uk'a' ri ek'o pa rutza'n ri taq ruxikin ri porobel.

Ez 1:26

Y pa ruwi' ri', xintz'et k'a chi k'o jun ri achi'el rubanik jun tz'uyubel, ri niyok'olin achi'el jun jebelej raxroj-abej y pa ruwi' ri' niyakatej-el jun achi'el wineq.

Ez 10:1

Y xeri' yin xintz'et chik jun bey ri tz'uyubel ri k'o-q'anej pa ruwi' ri wokowik, ri k'o-q'anej pa kiwi' ri e kaji' querubín.

Ez 27:16

Ri winaqi' aj-Edom ye'oloq'on chuqa' rik'in, roma kan janila k'iy k'o rik'in. Y rije' nikitojbej kan chire rik'in jalajoj y jebelej taq abej, tzieq keq, tzieq ri e tz'ison ruwech y tzieq banon rik'in lino.

Ez 28:13

Kan qitzij wi chi achi'el xa ta xak'oje' pa qejoj ri kan nik'ases. Chuqa' kan xawiq-awi' rik'in k'iy jalajoj ruwech jebelej taq abej. Ri akuchi xak'oje-wi, k'o chuqa' k'iy q'anapueq, y ronojel re' kan e banon chik kutzil toq rat xatz'ukutej-pe.

Apocalipsis 4:3

Y ri rubanik ri tz'uyul chupan ri tz'uyubel ri' kan niyok'olin nitzu'un, achi'el ri abej jaspe y ri cornalina. Ri tz'uyubel ri' sutin-rij roma jun kotoq'a' re' rex-rex nitzu'un, achi'el ri abej esmeralda.