Ex 28:15 - Kaqchiquel Bible

¹⁵ Chuqa' xtiban ri ti peqes ri nuk'uaj chuwa-ruk'u'x ri Aarón, richin ri ruq'atbal-tzij ri Jehová. Y ri ti peqes ri' banon rik'in q'anapueq y lino, ri betz' ri xtikusex ja ri raxroj, q'eqq'oj-keq y keq. Y kan xtikitz'is k'a, achi'el rutz'isik ri xban rik'in ri efod.

Ex 28:15 ပူးပေါင်းရင်းမြစ်များ

Ex 25:7

chuqa' utz nikik'en-pe ri jebelej taq abej ónike y ch'aqa' chik kiwech jebelej taq abej richin xtiya'ox chuwech ri tzieq efod*f10* ri banon rik'in lino y richin xtiya' chuwech ri ti peqes ri xtuk'uaj chuwa-ruk'u'x ri nimalej sacerdote.

Ex 26:1

Ri wachoch xtikiben k'a rik'in lajuj peraj kemon tzieq. Ri peraj tzieq ri' xkeban k'a rik'in ri betz' lino ri jebel rubatz'ixik, ri raxroj, ri q'eqq'oj-keq y keq yetzu'un. Y chuwech k'a ri' xtitz'is kiwachibel querubín y kan jebejoj ok rutz'isik xtiban chike.

Ex 26:36

Richin ri pan okibel chire ri wachoch xtikiben k'a chuqa' jun peraj tzieq y re' xtiban rik'in ri betz' lino ri jebel rubatz'ixik, ri raxroj, ri q'eqq'oj-keq y keq nitzu'un. Y xkekitz'is k'a retz'aba'l ruwech ri peraj tzieq ri'.

Ex 28:14

Y chuwech ri chapbel ri' xkeya' ka'i' cadena ri e pach'un y e banon rik'in q'anapueq ri jebel ch'ajch'oj.

Ex 28:16

Ri retabal jun q'a'aj chi kaji' ruchi' y ka'i' ruwech tzieq ri rupimil.

Ex 28:30

Chupan ri ti peqes ri nibe chuwa-ruk'u'x, chupan ri' xtiya-wi-el ri ka'i' taq abej Urim y Tumim,*f13* richin kan chunaqaj ri ránima ri Aarón yek'oje-wi, toq nok-apo chinuwech yin. Y keri' ri ti peqes ri richin ri nuq'atbel-tzij yin, kan jantape' k'a xkebe chunaqaj ri ránima ri Aarón.

Ex 28:4

Jare' ri tzieq ri k'o chi nikiben: Ri ti peqes ri nuk'uaj chuwa-ruk'u'x, ri tzieq efod, ri ko'ol raqen rutziaq, ri nim raqen rutziaq ri tz'ison ruwech, jun kuchubel-rujolon retal ri rusamaj y ri ximibel-rupan. Je rije' k'a ri xkebanon re jalajoj kiwech tzieq re', richin ri Aarón, kichin ri e ruk'ajol, richin jari' ri xtikikusaj richin nikiben ri rusamaj jun sacerdote.

Ex 28:6

Xtikiben k'a ri efod rik'in q'anapueq y lino ri jebel rubatz'ixik, ri raxroj, ri q'eqq'oj-keq y ri keq yetzu'un. Y re' kan xtiban k'a roma jun achin ri kan jebel retaman ri rusamaj.

Ex 29:5

Y k'ari' xtabek'ama-pe ri tzieq ri banon chik richin chi jari' ri xtukusaj ri Aarón. Kan ja rat k'a ri xkajalo-el richin, nabey xtaya' chirij ri tzieq ri más nim raqen, chirij ri' xtaya-qa ri jun chik ko'ol raqen tzieq, xeri' xtaya' ri efod y k'a chuwech ri' xtatzeqeba-wi-el ri ti peqes, ri nuk'uaj chuwa-ruk'u'x. Y k'ari' k'a xtaxim-el ri ximibel-rupan ri efod.

Wuj Richin ri Chojmirisabelri'il 8:8

Chirij ri' ri Moisés xuya' ri jun achi'el ti peqes chuwa-ruk'u'x ri Aarón y xeruya' ri Urim y ri Tumim*f1* chupan.