Ex 28:1 - Kaqchiquel Bible

¹ Chikikojol ri awinaq israelita, xtawoyoj k'a ri animal Aarón e rachibilan ri e ruk'ajol rija', ri Nadab, ri Abihú, ri Eleazar y ri Itamar; richin chi je rije' xke'ok kan nu-sacerdote.

Ex 28:1 ပူးပေါင်းရင်းမြစ်များ

1 Crón 23:13

Ri e ka'i' ruk'ajol ri Amram ja ri Aarón y ri Moisés. Ri Aarón xcha'ox richin nusuj ri sipanik ri yejach chire ri Dios, y richin nuporoj pom chuwech ri Jehová. Kan nusamajij, y kan pa rubi' ri Dios nuya' urtisanik. Ronojel re' ja re' ri samaj ri k'o chi nikiben ri Aarón y ri e rijatzul richin q'asen.

1 Crón 6:10

ri Johanán xralk'ualaj ri Azarías, jun chike ri sacerdote richin ri rachoch ri Dios ri xupaba' kan ri Salomón pa Jerusalem.

1 Crón 6:34

ri Samuel ruk'ajol kan ri Elcaná, ri Elcaná ruk'ajol kan ri Jeroham, ri Jeroham ruk'ajol kan ri Eliel, ri Eliel ruk'ajol kan ri Tóah,

2 Crón 11:14

Ri Jeroboam y ri e ruk'ajol man chik xkiya' ta q'ij chike ri e levita richin xkiben ri rusamaj ri Jehová y roma ri' rije' xekiyala' kan ri kulew ri akuchi yeyuq'un-wi y ri akuchi k'o-wi kachoch, richin xepe pa Jerusalem ri k'o pa ruwach'ulew Judá.

Wuj Richin Bix Chire ri Dios 115:10

Chuqa' rix ri ix sacerdote, tikuquba' ik'u'x rik'in ri Jehová. Ja rija' ri ito'onel y chajinel iwichin.

Wuj Richin Bix Chire ri Dios 99:6

Ri Moisés y ri Aarón kan jeri' ri xe'ok ru-sacerdote, Ri Samuel jari' ri nich'on pa kiwi' ri winaqi' rik'in rija'. Rije' kan xech'on k'a rik'in ri Jehová, y rija' kan xerak'axaj k'a pe.

Ex 24:1

Y ri Jehová xch'on chik rik'in ri Moisés y xubij chire: Kajote-pe, awachibilan ri Aarón, ri Nadab, ri Abihú y ri e oxk'al lajuj rijita'q taq achi'a' ri k'o kiq'ij chupan ri tinamit y k'a nej kexuke-wi kan richin nikiya' nuq'ij.

Ex 24:9

Xeri' xejote-q'anej pa ruwi' ri juyu' Sinaí; ri Moisés, ri Aarón, ri Nadab, ri Abihú, y ri e oxk'al lajuj rijita'q taq achi'a' ri k'o kiq'ij richin ri Israel.

Ex 28:41

K'ari' rat xtawiq k'a ri Aarón y ri e ruk'ajol, y xtaqasaj aceite pa kiwi' y xke'aya' kan chupan ri kisamaj y xke'ach'er richin nikiben nusamaj y kan xke'ok k'a nu-sacerdote.

Ex 29:1

Ja ruchojmilal re' ninya' kan chawe, ri ruk'amon richin naben kik'in ri Aarón y ri e ruk'ajol, toq xtikichop ri kisamaj richin sacerdote: Rat, xtabek'ama' k'a pe chikikojol ri q'ataj wákix jun nima-alaj achij wákix y e ka'i' achija' karne'l, ri kan e tz'aqet.

Ex 29:44

Ri wachoch y ri porobel kan xkench'er k'a richin chi ye'ok wichin yin y keri' chuqa' xtinben rik'in ri Aarón y ri e ruk'ajol, kan xke'ok nusamajela' roma ye'ok nu-sacerdote.

Ex 29:9

Xtaya' chuqa' ri ximibel-kipan ri e ruk'ajol y ri kuchubel-kijolon. Y kan jak'a ri Aarón y ri e ruk'ajol ri xke'ich'er richin xke'ok nu-sacerdote y re' jun ruchojmilal richin jantape'. Kere' k'a ri rubanik xtaben toq ri Aarón y ri e ruk'ajol xke'ok sacerdote.

Ex 30:30

Xtaqasaj k'a ri aceite ri' pa ruwi' ri Aarón y pa kiwi' ri e ruk'ajol richin chi ye'ok nu-sacerdote, richin nikiben ri nusamaj.

Ex 31:10

Xtikiben chuqa' ri kemon tzieq ri xtukusaj ri Aarón y ri tzieq ri xkekikusaj ri e ruk'ajol, ri xtik'atzin chike toq nikiben ri samaj richin sacerdote.

Ex 35:19

ri tzieq kemon ri nukusaj ri Aarón y chuqa' ri tzieq ri nikikusaj ri e ruk'ajol, richin nikiben ri samaj richin sacerdote, xcha' ri Moisés.

Ex 6:23

Y ri Aarón xk'ule' rik'in ri Eliseba rumi'al ri Aminadab, rana' ri Nahasón. Y xek'oje' k'a e kaji' kalk'ual y re' xkibini'aj: Nadab, Abihú, Eleazar y ri Itamar.

Wuj Richin ri Chojmirisabelri'il 10:1

Y ek'o k'a e ka'i' chike ri e ruk'ajol ri Aarón kibini'an, Nadab y Abihú, y chikijujunal rije' xkiya' racheq-q'aq' chupan ri kiporobal-pom y k'ari' xkiya-el juba' pom pa ruwi'. Jak'a ri Dios man rubin ta chi tikikusaj xabachike racheq-q'aq'.

Wuj Richin ri Chojmirisabelri'il 10:12

Chirij ronojel ri' ri Moisés xubij chire ri Aarón y chike ri Eleazar y ri Itamar ri e ruk'ajol ri k'a xek'oje' kan: Tik'ama' k'a k'ej chire ri k'ej ri totajineq kan chire ri sipanik ri xsuj chuwech ri Jehová y tibana' kaxlan-wey rik'in, xaxe man tiya' ch'amilej-q'or rik'in y titija' chunaqaj ri porobel. Rix ri ix sacerdote ri xkixtijo, roma re' jare' ri ch'aron richin ri Dios.

Wuj Richin ri Chojmirisabelri'il 7:35

Ri ti'ij ri nel-pe chire ri kamelabel ri niporox, kan jari' ri xjach pa kiq'a' ri Aarón y ri e ruk'ajol, y re' xuchop chupan ri q'ij toq rije' xe'ok chupan ri samaj richin sacerdote.

Wuj Richin ri Chojmirisabelri'il 8:1

Ri Jehová Dios xch'on chik rik'in ri Moisés y xubij chire:

Wuj Richin ri Chojmirisabelri'il 8:2

Ke'ak'ama-pe ri Aarón y ri e ruk'ajol pa wachoch richin molojri'il. Y chuqa' tak'ama-pe ri kitziaq richin sacerdote; tak'ama-pe ri aceite richin cha'onri'il; y tak'ama-pe jun nima-alaj achij wákix richin jun kamelabel richin nikuyutej kimak. Tak'ama-pe chuqa' ri ka'i' achija' taq karne'l, y ri chakech ri ek'o kaxlan-wey chupan ri maneq ch'amilej-q'or kik'in; y ronojel re' nasuj toq jun nok pa samaj richin sacerdote.

Wuj Richin ri Q'axanri'il 18:7

Rat y ri e ak'ajol ri xkixbanon ri samaj richin sacerdote; kan xtiben k'a ri samaj rik'in ri porobel y ri samaj ri k'o chi niban chirij-apo ri tasbel rupan ri wachoch. Jare' k'a ri isamaj rix y ja yin ri xisipan chiwe richin niben. Jak'a xabachike ta jun chik wineq ri xtijel-apo iwik'in chubanik ri samaj, kan xtiken, xcha' ri Dios.

Wuj Richin ri Q'axanri'il 2:4

Y ri kajlabal ri aj-labal chikikojol rije' e 74,600.

Wuj Richin ri Q'axanri'il 26:61

Jak'a ri Nadab y ri Abihú jari' ri xeken toq xkisuj jun q'aq' ri man bin ta chike roma ri Jehová.

San Lucas 1:8

K'o k'a jun q'ij toq ri Zacarías y ri e rachibil k'o chi ja rije' ri yebanon ri jalajoj ruwech samaj ri pa rachoch ri Dios.

Deut 10:6

Ri israelita xe'el-el pa Beerot-bené-jaacán y xe'apon pa Moserá; chiri' xken-wi kan ri Aarón y chiri' chuqa' xmuq wi kan. Y ja ri Eleazar ri ruk'ajol xk'oje' kan pa ruk'exel richin xok kan nimalej sacerdote.

Deut 18:5

Roma ja ri Jehová ri qa-Dios ri xcha'on kichin rije' y ri kijatzul chikikojol ri ch'aqa' chik tzobaj richin Israel, richin nikisamajij rija' jantape'.

1 Sam 2:28

Chikikojol k'a konojel ri tzobaj richin ri Israel, yin xixincha' rix richin xixok nu-sacerdote richin nisuj kamelabel pa ruwi' porobel y niporoj pom chinuwech y richin nikusaj ri tzieq banon rik'in lino, retal ri isamaj. Y xinya' q'ij chike ri aj pa kachoch ri iwati't-imama' richin nikik'en kan juba' chire ronojel sipanik ri nikisuj ri nutinamit.