Ex 27:21 - Kaqchiquel Bible

²¹ Ja ri Aarón y ri e ruk'ajol ri xke'ilin-apo ri candil ri yetzije' chuwech ri Jehová, toq niqaqa ri q'ij k'a ri nimaq'a' richin ri jun chik q'ij. Re candelabro re' xtik'oje-pe re juk'an chire ri peraj tzieq ri tasayon rupan ri wachoch, ri k'o-pe chuwech ri káxa richin tununri'il. Y re' kan jun pixa' ri richin jantape' y kichin ri iwijatzul ri xkepe chi wiq chi tanaj.

Ex 27:21 ပူးပေါင်းရင်းမြစ်များ

Wuj Richin ri Rutikeribel 1:5

Y chire ri saqil xubij paq'ij, y chire ri q'equ'm xubij chaq'a', y keri' xk'oje' k'a ri chaq'a' y ri paq'ij; y jari' xtz'aqet ri nabey q'ij.

Wuj Richin ri Rutikeribel 1:8

Y kaj k'a ri rubi' ri xuya' chire ri rukojolil. Y kere' k'a xtz'aqet ri chaq'a' y ri paq'ij richin ri ruka'n q'ij.

2 Crón 13:11

Rije' nikisuj k'a ri kamelabel ri niporox chijun chuwech ri Jehová ronojel nimaq'a' y tiqaq'ij. Chuqa' nikiporoj k'a ri jubulej pom; nikiya' k'a ri kaxlan-wey chuwech ri mesa ri kan ch'ajch'oj. Y ronojel tiqaq'ij nikitzij ri lámpara ri k'o pa ruwi' ri candelabro ri banon rik'in q'anapueq. Roj kan qataqen k'a ri rupixa' ri Jehová ri qa-Dios, jak'a rix xa kan imalin kan.

Wuj Richin Bix Chire ri Dios 134:1

Chi'iwonojel rix ri ix rusamajel ri Jehová, kan tinimirisaj k'a ruq'ij rija'. Tiya' ruq'ij rix ri kan pa rachoch ri Jehová yixk'oje-wi kan pa taq tokoq'a'.

Ex 12:14

Y re q'ij re' kan k'o chi xtinimaq'ijuj rix, chuqa' keri' xtikiben ri iwijatzul ri xkepe chi wiq chi tanaj. Kan keri' k'a ri k'o chi niben richin jantape'.

Ex 16:34

Y ri Aarón kan keri' wi xuben. Ri xára ri k'o ri aj-chikajil-wey chupan, xberuya' kan chuwech-apo ri káxa ri richin ri tununri'il, richin chi tiyake' kan chiri', achi'el xubij ri Jehová chire ri Moisés.

Ex 25:16

Y ri ka'i' tz'alem taq abej ri xkenya' chawe, ri e tz'ibatel ri nupixa' chikiwech, xke'aya' k'a chupan ri káxa.

Ex 28:43

Ri Aarón y ri e ruk'ajol kan k'o k'a chi nikikusaj re jun rupan tzieq re' toq xke'ok chupan ri wachoch o toq ye'apon-apo rik'in ri porobel-pom richin yinkisamajij yin. Roma ri' kan tikikusaj-el ri tzieq ri' toq ye'apon pa wachoch, richin keri' man yemakun ta y man yeken ta. Y jare' ri pixa' re ninya' chire ri Aarón y chike ri e rijatzul richin jantape'.

Ex 29:28

Ri ruwa-ruk'u'x y ri racheq ri karne'l, ri richin pa rajxokon, richin ri kamelabel ri nikisuj ri winaqi' israelita, kan k'o k'a chi nich'ar kan. Kan xtok k'a kan jun pixa' ri richin jantape'. Kan kere' k'a xtiban toq k'o jun kamelabel richin nijunamatej-ruwech ri wineq wik'in yin Jehová. Sipanik ri niyak-q'anej chikaj chinuwech yin.

Ex 29:42

Kan kere' k'a xtikiben ri iwijatzul chi wiq chi tanaj, rije' xtikisuj k'a chuwe yin re kamelabel re', ri akuchi niban-wi oken chupan re wachoch. Y chiri' xtiqak'ul-wi-qi', rat Moisés y yin, richin chi yich'on awik'in.

Ex 29:44

Ri wachoch y ri porobel kan xkench'er k'a richin chi ye'ok wichin yin y keri' chuqa' xtinben rik'in ri Aarón y ri e ruk'ajol, kan xke'ok nusamajela' roma ye'ok nu-sacerdote.

Ex 30:21

Ri k'o chi nikich'ej kiq'a' y ri kaqen richin chi man yeken, kan jun pixa' ri ya'on chike ri Aarón y chike ri e rijatzul ri e peteneq chi wiq chi tanaj.

Ex 30:36

Juba' k'a chire ri jalajoj kiwech q'ayis xtijok' jebel y xtik'uaj pa wachoch richin tiya' chuwech ri káxa ri k'o ri nujikibel-tzij chupan, ri chiri' ri akuchi nink'ut-wi' chiwech. Re pom re' kan janila k'a rejqalen xtok chiwech rix, roma kan xtich'er richin nukusex pa nusamaj yin.

Ex 30:8

Chuqa' ronojel tiqaq'ij toq xtiberuchojmirisaj ri rutza'n ri candil, chuqa' xtuporoj pom chiri'. Kan kere' k'a xtiban chinuwech yin, tibe q'ij tibe seq, chi wiq chi tanaj.

Ex 40:3

Xtaya-apo ronojel re' chupan: Ri káxa richin ri nujikibel-tzij, ri peraj tzieq ri nich'aron rupan ri jay.

Wuj Richin ri Chojmirisabelri'il 10:9

Rat y ri e ak'ajol man nitej k'a vino, ni man jun chik ri niq'abarisan toq k'a man jani yixok-apo chupan ri wachoch richin man yixken ta. Re' kan jun pixa' re ninya' chiwe ri xtik'atzin chike ri iwijatzul richin jantape'.

Wuj Richin ri Chojmirisabelri'il 16:34

Jare' k'a ri ninya' chiwe rix re wakami y nok k'a jun ruchojmilal richin q'asen. Kan xtisuj k'a jun kamelabel jun bey pa jun juna' roma ri imak, richin nink'en chik iwech, xcha' ri Jehová chire ri Moisés. Y ri Moisés kan xuben k'a achi'el ri xubij ri Jehová chire.

Wuj Richin ri Chojmirisabelri'il 17:7

Y man jun bey chik tisuj kamelabel chikiwech itzel taq espíritu ri iya'on kiq'ij ri xa koma rije' xixtzaq. Re' kan jun k'a pixa' chiwe rix tibe-q'ij tibe-seq.

Wuj Richin ri Chojmirisabelri'il 23:14

Pa nabey, k'o chi nisuj ri sipanik ri', y k'ari' utz niben kaxlan-wey chire o niwotz'otz'ij pa q'aq' richin nitej. Chuqa' utz nitej choj keri' toq isujun chik ri q'etaj. Re ruchojmilal re' kan jun pixa' richin jantape' ri nuya'on chiwe rix, y xabakuchi ta ixk'o-wi.

Wuj Richin ri Chojmirisabelri'il 23:21

Chupan k'a ri q'ij ri', rix kan xtiben k'a jun nimaq'ij richin niya' nuq'ij y kan man xtiben ta k'a samaj achi'el nikiben ri samajela' ri e yuqul pa samaj, re' kan jun pixa' ri nuya'on chiwe richin q'asen, kan xtikiben ri iwijatzul xabakuchi ek'o-wi.

Wuj Richin ri Chojmirisabelri'il 24:2

Tabij chike ri awinaq israelita chi tikik'ama-pe aceite ri banon rik'in jebelej olivo, richin chi jantape' k'o aceite richin yek'at ri taq candil ronojel aq'a'.

Wuj Richin ri Chojmirisabelri'il 24:3

Ri Aarón y ri nimalej sacerdote ri xtik'oje' kan pa ruk'exel, ja rije' ri xkechojmirisan ri candil richin chijun aq'a' yek'at chinuwech yin chupan ri wachoch ri juk'an-pe chire ri tasbel rupan ri jay. Re' kan jun pixa' ri nuya'on chiwe rix richin q'asen y chike ri iwijatzul.

Wuj Richin ri Chojmirisabelri'il 24:9

Re kaxlan-wey re' xtok kichin ri Aarón y ri rijatzul roma re' kan jun sipanik poron ri ch'aron chuwe. Y k'o chi nitej ri akuchi cha'on-wi. Y re' kan jun ruchojmilal chiwe rix tibe-q'ij tibe-seq.

Wuj Richin ri Chojmirisabelri'il 3:17

Man titej k'a ri q'en ni ta ri kik'. Re' jun ruchojmilal richin jantape'; y chuqa' kichin ri iwijatzul, y xabakuchi ta k'a ixk'o-wi, xcha' ri Jehová.

Wuj Richin ri Chojmirisabelri'il 3:8

Ri rajaw xtuya' ri ruq'a' pa ruwi' ri chikop, y k'ari' xtukamisaj chuchi' ri wachoch. K'ari' ri sacerdote nikichikaj ri kik' chi kaji' ruwech ri porobel y pa taq ruxikin.

Wuj Richin ri Chojmirisabelri'il 6:15

Y k'ari' xtuchop jun moq' chire ri k'ej ri xolon aceite rik'in y ri jun chuyaj pom ri k'o pa ruwi' ri k'ej. K'ari' nuporoj pa ruwi' ri porobel; jari' ri retal richin ronojel. Y re' jun sipanik poron richin nijubulin chinuwech yin Jehová.

Wuj Richin ri Chojmirisabelri'il 7:36

Chupan ri q'ij ri' ri Jehová xuya' ri pixa' ri' pa kiwi' ri qawinaq, y xubij k'a chike ri kan k'o chi nikiya' chike ri sacerdote richin yekito', chi kan keri' tikibana-apo ri winaqi' ri chi sol chi sol ri yebe-apo.

Wuj Richin ri Malaquías 2:7

Rix sacerdote ja ta rix ri ix uk'uey rutzijol, y ri isamaj ja ta ri ye'itijoj ri winaqi' richin niketamaj nuwech yin Jehová ri in k'iytisanel richin ronojel. Y ri winaqi' k'o chi nikikanoj ri tijonik iwichin rix.

Wuj Richin ri Q'axanri'il 18:23

Xa kan xaxe k'a ri levita xkesamej ri pa wachoch. Re jun ruchojmilal re' kan kere' k'a xtuben-apo richin jantape' pa kiwi' ri e kijatzul kan rije'; kan man xke'ichinan ta wi junan kik'in ri ch'aqa' chik kiwinaq.

Wuj Richin ri Q'axanri'il 18:5

Jak'a rix ri k'o chi yixpa'e' chuwech ri samaj richin ri wachoch yin y chuqa' ri samaj rik'in ri porobel, richin chi man niyakatej ta chik woyowal pa kiwi' ri iwinaq israelita.

Wuj Richin ri Q'axanri'il 19:21

Re' kan xtok k'a jun ruchojmilal richin jantape' chiwe rix. Y ri nichikan ri ya' richin ch'ajch'ojirisanik k'o chi nuch'ej chuqa' ri rutziaq. Y xabachike ri xtichapo ri ya' ri' kan xtok man ch'ajch'oj ta k'a toq xtok na qa ri aq'a'.

Wuj Richin ri Q'axanri'il 35:29

Ja pixa' re' richin chojmirisabel iwichin rix y pa kiwi' ri iwalk'ual, xabakuchi ta k'o-wi ri iwachoch.

Wuj Richin ri Q'axanri'il 8:9

K'ari' naben chike ri levita richin yejel-pe chuwech re wachoch, y ye'amol-pe chuqa' konojel ri ch'aqa' chik awinaq.

San Mateo 4:16

Kik'in ri winaqi' ri kan q'equmatajineq ri kik'aslen, kan xapon ri Nimalej Saqil. Ri winaqi' ri kan pa rumujal chik ri kamik ek'o-wi, kan xapon k'a kik'in ri nisaqirisan kichin, nicha'.

San Lucas 12:35

Tinaba' iwi' y jantape' tik'at ri i-candil,

San Juan 5:35

Ri Juan kan xuya' k'a ri saqil chiwe. Y rix xirayij y xixkikot k'a rik'in ri saqil ri', jun ka'i-oxi' q'ij.

2 Corintios 4:6

Pa rutikeribel, ri Dios xubij chi tik'oje' saqil ri pa q'equ'm. Y ja chuqa' rija' ri nisaqirisan ri pa taq qánima, richin chi roj kan tiqasaqirisaj y tiqaq'alajirisaj k'a chikiwech ri winaqi' ri ruq'ij-ruk'ojlen ri Dios, ri kan nitz'etetej-wi rik'in ri Jesucristo.

2 Pedro 1:19

Y re', más nukuquba' qak'u'x chi kan qitzij ri kitz'iban kan ri e q'alajirisey ruch'abel ri Dios. Y kan janila k'a ruk'amon chi yeqak'axaj, roma chuwech re ruwach'ulew k'o jun achi'el q'equ'm. Jak'a ri kich'abel rije' kan achi'el jun q'aq' ri nisaqirisan. Y re', nisaqirisan k'a toq xtipe na ri Jesucristo richin noruq'alajirisaj ronojel, achi'el ri nima-ch'umil ri nel-pe ri nimaq'a' yan.

Apocalipsis 2:1

K'ari' xubij chuwe: Tatz'ibaj k'a el chire ri ángel kichin ri molaj nimanela' ri chiri' pan Éfeso y tabij-el chire, chi ri jun ri ek'o ri wuqu' achi'el ch'umila' pa rijkiq'a', ri nibiyaj chikikojol ri wuqu' kandelero ri e banon rik'in q'anapueq nubij:

1 Sam 3:3

Y ri Samuel niwer k'a pa rachoch ri Jehová ri akuchi k'o-wi ri káxa richin ri rujikibel-tzij ri Dios. Y toq man jani tichup-qa ri ruq'aq' ri Dios,

1 Sam 30:25

Y kan keri' xbanatej, chi kan ja q'ij ri' ri David xuben chire chi kan xok jun pixa', y jun chojmirisabel ri chiri' pan Israel.