Ex 26:7 - Kaqchiquel Bible

⁷ Chuqa' xtaben chi tikibana' julajuj peraj tzieq, ri xtikiben rik'in rusumal tzuntzun. Y k'ari' xkekiq'o' richin yekitun y jari' ri xtikiya' pa ruwi' ri wachoch.

Ex 26:7 ပူးပေါင်းရင်းမြစ်များ

1 Pedro 5:5

Y rix ri k'a ix ak'uala' na, tinimaj k'a kitzij ri e uk'uayon iwichin. Y kan chi'iwonojel tinimala' tzij chiwech. Man tinimirisaj-iwi', roma chupan ri ruch'abel ri Dios ri tz'iban kan, nubij:*f8* Ri Dios man yeqa ta chuwech ri nikinimirisaj-ki'. Jak'a ri nikiqasaj-ki', rija' nuya' ri rutzil pa kiwi', nicha'.

1 Pedro 3:4

Xa titija' iq'ij richin ja ta ri iwánima jebel wiqil chuwech ri Dios. Tiwiqa-iwi' rik'in ch'uch'ujil y qasanri'il, roma re wiqobel re' man xtik'is ta, y jare' ri más rejqalen chuwech ri Dios.

Wuj Richin ri Isaías 4:5

K'ari' ri paq'ij ri Jehová xtuya' pa kiwi' konojel winaqi' ri kimolon-ki' ri chiri' pa juyu' Sión, jun sutz' ri achi'el sib. Y ri chaq'a' xtuya' jun saqil rik'in ruxaq q'aq'. Re k'ojlemal re' xtik'atzin richin kitobal ri winaqi' ri ek'o chiri'.

Wuj Richin Bix Chire ri Dios 45:13

K'ari' nok-apo ri xtibe'ok reina, chupan ri rachoch ri rey. Ri xten ri' kan janila jebejoj ok y ri rutziaq kan wiqon k'a rupan rik'in q'anapueq.

Wuj Richin ri Q'axanri'il 31:20

Keri' chuqa' tich'ajch'ojirisaj ronojel ri itziaq ri xik'uaj-el pan oyowal: Ronojel ri e banon rik'in tz'um, ronojel ri e banon rik'in rusale'y tzuntzun, y ronojel ri e banon rik'in che', xcha' ri Moisés.

Wuj Richin ri Q'axanri'il 4:25

Ja rije' k'a xke'uk'uan ri nima'q taq peraj tzieq ri richin ruxe' ri wachoch richin molojri'il, ri peraj tzieq ri nitz'apen ri ruwi', ri nima'q taq peraj tz'um ri nibe chuqa' pa ruwi' y ri peraj tzieq richin ri ruchi' ri wachoch.

Ex 35:26

Y ri ixoqi' ri kan yetikir yebatz'in jebel y kan k'o rayibel pa kánima, xkibatz'ij-pe ri rusumal tzuntzun.

Ex 35:23

Konojel ri winaqi' ri k'o betz' kik'in ri raxroj, q'eqq'oj-keq y keq y chuqa' ri lino jijoj ruwech, ri rusumal tzuntzun, ri rusale'y karne'l aq'oman rik'in keq y ri kisale'y ri chikopi' ri nibix tejón chike.

Ex 35:6

Utz chuqa' nuk'en-pe raxroj betz', q'eqq'oj-keq y keq y chuqa' ri lino jijoj ruwech y ri rusumal tzuntzun,

Ex 26:14

Y chuqa' xtaben chi keban ka'i' chik nimalej kuchubel-ruwi' ri wachoch; ri jun xtiban rik'in rusale'y achij karne'l ri kaqarisan rik'in aq'om, y ri jun chik xtiban rik'in kisale'y chikopi' ri nibix tejón chike.

Ex 26:12

Ri nik'o ruwi' chire ri raqen ri nimalej tzieq ri k'o pa ruwi' ri wachoch, k'o chi nikijik'-qa juba' chirij chire ri wachoch, richin junan rutza'n nitzeqe' kan ri chirij y ri chuwech.

Ex 26:9

Wo'o' k'a peraj tzieq ri yeq'o'ox y xa jun niban chike y keri' chuqa' niban chike ri waqi' chik peraj tzieq. Re tzieq re' k'o chi nikiya' pa ruwi' ri wachoch y ri ruchi' ri tzieq ri' xtitzeqe-qa chuwech ri wachoch.

Ex 26:1

Ri wachoch xtikiben k'a rik'in lajuj peraj kemon tzieq. Ri peraj tzieq ri' xkeban k'a rik'in ri betz' lino ri jebel rubatz'ixik, ri raxroj, ri q'eqq'oj-keq y keq yetzu'un. Y chuwech k'a ri' xtitz'is kiwachibel querubín y kan jebejoj ok rutz'isik xtiban chike.

Ex 25:4

Utz chuqa' nikik'en-pe ri betz' raxroj, q'eqq'oj-keq y keq yetzu'un, chuqa' ri betz' lino jijoj ruwech y ri rusumal tzuntzun,

Ex 26:6

Chuqa' xtaben chi tikibana' kawineq lajuj chapbel-tzieq rik'in q'anapueq, y rik'in re' xkekitun ri ka'i' nimalej taq peraj tzieq richin chi xa jun nuben.

Ex 26:8

Ronojel re peraj tzieq re' k'o chi junan; xtikiya' waqxaqi' jaj raqen y jun jaj rik'in jun q'a'aj ri ruwech.

Wuj Richin ri Q'axanri'il 3:25

Ri kisamaj rije', ja ri ek'o pa ruwi' ronojel re samajibel re': Ri jalajoj ruwech tzieq richin ruwi' ri rachoch ri Dios, ri peraj tzieq ri k'o pan okibel chire ri jay ri',