Ex 26:36 - Kaqchiquel Bible

³⁶ Richin ri pan okibel chire ri wachoch xtikiben k'a chuqa' jun peraj tzieq y re' xtiban rik'in ri betz' lino ri jebel rubatz'ixik, ri raxroj, ri q'eqq'oj-keq y keq nitzu'un. Y xkekitz'is k'a retz'aba'l ruwech ri peraj tzieq ri'.

Ex 26:36 ပူးပေါင်းရင်းမြစ်များ

2 Sam 7:6

Kan qitzij na wi chi yin xa kan xaxe chupan jun jay ri banon rik'in tzieq ri ink'o-wi-pe; re' kan ja toq xenwelesaj-pe ri awati't-amama' pan Egipto k'a re wakami.

Wuj Richin Bix Chire ri Dios 78:60

Xumalij k'a kan ri rachoch banon rik'in tzieq, ri paban-q'anej pa Siló, ri jay ri akuchi xk'oje' rija', chikikojol ri qawinaq.

Ex 26:31

Tabana' k'a chuqa' chi tiban jun peraj tzieq, richin tasbel rupan ri wachoch. Tiban k'a rik'in betz' lino ri jebel rubatz'ixik, ri raxroj, ri q'eqq'oj-keq y keq nitzu'un. Y chuwech k'a ri' xtitz'is kiwachibel querubín y kan jebejoj ok rutz'isik xtiban chike.

Ex 27:16

Ri ruchi' ri akuchi xtiban-wi-apo oken ri chuwa-jay, chiri' k'a xtikitzeqeba' jun peraj tzieq, ri wo'o' jaj rik'in ka'i' q'a'aj raqen, ri banon rik'in betz' lino ri jebel rubatz'ixik, ri raxroj, ri q'eqq'oj-keq y ri keq yetzu'un y kan jebejoj ok rutz'isik ri retz'aba'l ri xtiban chire. Chuqa' xtikiben kaji' xata't y kaji' ruch'okolibal richin nitzeqebex re tzieq re'.

Ex 28:15

Chuqa' xtiban ri ti peqes ri nuk'uaj chuwa-ruk'u'x ri Aarón, richin ri ruq'atbal-tzij ri Jehová. Y ri ti peqes ri' banon rik'in q'anapueq y lino, ri betz' ri xtikusex ja ri raxroj, q'eqq'oj-keq y keq. Y kan xtikitz'is k'a, achi'el rutz'isik ri xban rik'in ri efod.

Ex 28:39

Xtikem k'a jun nim raqen rutziaq ri Aarón rik'in betz' lino; rik'in chuqa' ri betz' ri' xtiben jun kuchubel-rujolon, retal rusamaj; y xtiben chuqa' jun ximibel-rupan rik'in retz'aba'l ruwech y kan jebejoj ok rutz'isik xtiben chire.

Ex 35:11

Je rije' ri xkebanon ri rachoch ri Jehová, ri ruche'el y ri tzieq ri nibe pa ruwi' richin nukuch, ri chapbel-tzieq, ri ru-marko, ri rubaloj, ri xata't y ri kich'okolibal,

Ex 35:15

Xtikiben chuqa' ri porobel-pom, ri baloj taq che' ri uk'uabel richin, chuqa' ri aceite richin cha'onri'il, ri jubulej pom, ri peraj tzieq richin nutz'apej ruchi' ri rachoch ri Dios,

Ex 36:37

Chuqa' xban ri jun chik peraj tzieq richin nutz'apej ruchi' ri jay ri' y re' xban rik'in lino ri jebel batz'in, y xukusex ri betz' raxroj, q'eqq'oj-keq y keq, xban retz'aba'l ruwech y kan jebejoj ok rutz'isik xban chire.

Ex 38:18

Ri peraj tzieq ri k'o pan okibel chire ri ruwa-jay kan jebel k'a rutz'isik xuben chire y xukusaj betz' raxroj, q'eqq'oj-keq y keq y chuqa' xukusex lino ri jebel batz'in. Y xuben k'a chire chi wo'o' jaj rik'in ka'i' q'a'aj raqen y ri ruwech jun jaj rik'in ka'i' q'a'aj. Kan junan k'a rubanik ri rujotolen rik'in ri tzieq ri xya'ox chirij ri ruwa-jay.

Ex 39:29

Ri ximibel-rupan xuben chuqa' rik'in lino ri jebel batz'in y xuben rik'in ri betz' raxroj, ri q'eqq'oj-keq y keq y kan jebel k'a rutz'isik ri ruwech xuben chire, achi'el ri xubij ri Jehová chire ri Moisés.

Ex 39:33

Ri xebanon ri samaj xkijech k'a kan pa ruq'a' ri Moisés ri rachoch ri Dios ri xban rik'in tzieq y ronojel ri yek'atzin chupan: Ri chapbel-tzieq, ri marco, ri baloj che' ri yeq'e'e' pa ruwi', ri xata't y ri kich'okolibal,

Ex 40:5

Xtaya-apo ri porobel-pom banon rik'in q'anapueq, chuwech-pe ri tzieq tasbel rupan ri wachoch akuchi k'o-wi ri káxa. K'ari' xtatzeqeba' ri peraj tzieq chuwech ri akuchi niban-wi oken chupan ri wachoch.

Ez 16:10

xinya' atziaq ri banon jebel retz'aba'l, xinya' axajab ri banon rik'in jebelej taq tz'um, jun ximibel-apan ri banon rik'in lino y chuqa' xinya' jun atziaq ri banon rik'in seda.

Wuj Richin ri Q'axanri'il 3:25

Ri kisamaj rije', ja ri ek'o pa ruwi' ronojel re samajibel re': Ri jalajoj ruwech tzieq richin ruwi' ri rachoch ri Dios, ri peraj tzieq ri k'o pan okibel chire ri jay ri',

Wuj Richin ri Q'axanri'il 9:15

Chupan k'a ri q'ij toq xtane' ruchojmirisaxik ri rachoch ri Dios, kan jari' k'a toq k'o jun achi'el sutz' ri xumatzej-rij ri jay ri'. Y ri achi'el sutz' ri' nok k'a achi'el jun q'aq' ri nisaqirisan ri chaq'a' y toq niseqer-pe nok chik el sutz'.

San Juan 10:9

Ja yin k'a ri achi'el ruchi' ri qejoj. Ri xtok k'a wik'in yin, kan xtikolotej. Ri wineq ri' achi'el jun karne'l nok y nel-pe chupan ri qejoj y nril ronojel ri nik'atzin chire.

San Juan 14:6

Y ri Jesús xubij: Ja yin ri bey, yin ri qitzij y ja yin chuqa' ri k'aslen. Xaxe k'a ri xtiniman wichin xtapon rik'in ri nata'.