Ex 26:34 - Kaqchiquel Bible

³⁴ Y xtikiya' k'a ri tz'apebel ruwi' ri káxa ri q'alajirisabel richin ri tununri'il, ri k'o chiri' pa janila loq'olej chire ri wachoch.

Ex 26:34 ပူးပေါင်းရင်းမြစ်များ

1 Rey 6:16

Chupan ri nima-jay ri' xuben k'a jun rutaslen, richin xuben chik kan jun ti jay ri chirij-qa. Y xuben chi wo'o' jaj rik'in ka'i' q'a'aj raqen y wo'o' jaj rik'in ka'i' q'a'aj ruwech. Ri ti jay ri' xut'ajajej chuqa' rik'in tz'alem tiox-che', nitiker-el pan ulew y napon k'a chikaj-q'anej. Keri' k'a xban ri jay ri akuchi kan man jun wineq nok-apo roma chiri' k'o-wi ri Jehová.

Ex 25:21

Y chupan k'a ri káxa ri' xtaya-wi ri ka'i' tz'alem taq abej, ri niq'alajirisan chi roj k'o chik tununri'il chiqakojol y k'ari' xtaya' ri tz'apebel ruwi' ri káxa.

Ex 40:20

Y ri Moisés xberuk'ama-pe ri tz'alem taq abej ri k'o ri pixa' richin ri rujikibel-tzij ri Dios chuwech y xuya-qa chupan ri káxa ri xban. K'ari' xeruju' ri baloj taq che' ri yek'atzin richin uk'uabel ri káxa y xuya' kan ri tz'apebel-ruwi' ri niya'on kuyubel-mak.

Ez 41:4

Xeri' rija' xretaj rupan ri jay y waqi' jaj ruwech y waqi' jaj raqen. Y ri jay ri' jari' ri akuchi kan man jun wineq nok-apo, kan xaxe ri Dios.

Wuj Richin ri Chojmirisabelri'il 16:2

Y ri Jehová kere' k'a ri xubij chire: Tabij chire ri Aarón, ri animal, chi man xabachike ta ramaj nok-apo chirij ri tzieq ri tasbel rupan ri wachoch, ni chuwech-apo ri tz'apebel ruwi' ri káxa, richin chi man niken ta, roma yin kan chiri' chupan jun mokol sutz' ninbenk'utu-wi'.

Hebreos 9:5

Pa ruwi' ri tz'apebel-ruwi' ri káxa k'o ri ka'i' kiwachibel querubín kirik'on kixik' pa ruwi' ri akuchi nikuyutej-wi ri mak. Jak'a wakami man nik'atzin ta niqanataj ronojel re'.