Ex 26:31 - Kaqchiquel Bible

³¹ Tabana' k'a chuqa' chi tiban jun peraj tzieq, richin tasbel rupan ri wachoch. Tiban k'a rik'in betz' lino ri jebel rubatz'ixik, ri raxroj, ri q'eqq'oj-keq y keq nitzu'un. Y chuwech k'a ri' xtitz'is kiwachibel querubín y kan jebejoj ok rutz'isik xtiban chike.

Ex 26:31 ပူးပေါင်းရင်းမြစ်များ

2 Crón 3:14

Chuqa' xuben ri tasbel rupan ri jay rik'in tzieq lino, y xukusaj ri betz' raxroj, q'eqq'oj-keq y keq yetzu'un, y xerutz'is k'a kiwachibel querubín chuwech.

Wuj Richin Bix Chire ri Dios 137:5

Wi ta yin ninmestaj kan ri tinamit Jerusalem, xa kan tik'is k'a ri wuchuq'a'.

Ex 25:18

Y pa ruwi' ri tz'apebel ri', ri pa taq rutza'n xkeban jujun kiwachibel querubín ri nikitzu-ki'. Rik'in k'a q'anapueq xkeban-wi y xtiban kutzil rik'in bajibel.

Ex 25:4

Utz chuqa' nikik'en-pe ri betz' raxroj, q'eqq'oj-keq y keq yetzu'un, chuqa' ri betz' lino jijoj ruwech y ri rusumal tzuntzun,

Ex 26:1

Ri wachoch xtikiben k'a rik'in lajuj peraj kemon tzieq. Ri peraj tzieq ri' xkeban k'a rik'in ri betz' lino ri jebel rubatz'ixik, ri raxroj, ri q'eqq'oj-keq y keq yetzu'un. Y chuwech k'a ri' xtitz'is kiwachibel querubín y kan jebejoj ok rutz'isik xtiban chike.

Ex 26:32

Y re tzieq tasbel re' xkeruk'uaj taq rutzeqebal ri e banon rik'in q'anapueq richin xketzeqe' pa kiwi' kaji' pilar ri e banon rik'in che' acacia y q'olin kij rik'in q'anapueq. Re pilar re' xkepabex pa kiwi' ch'okolibel ri banon rik'in saqipueq.

Ex 27:16

Ri ruchi' ri akuchi xtiban-wi-apo oken ri chuwa-jay, chiri' k'a xtikitzeqeba' jun peraj tzieq, ri wo'o' jaj rik'in ka'i' q'a'aj raqen, ri banon rik'in betz' lino ri jebel rubatz'ixik, ri raxroj, ri q'eqq'oj-keq y ri keq yetzu'un y kan jebejoj ok rutz'isik ri retz'aba'l ri xtiban chire. Chuqa' xtikiben kaji' xata't y kaji' ruch'okolibal richin nitzeqebex re tzieq re'.

Ex 27:21

Ja ri Aarón y ri e ruk'ajol ri xke'ilin-apo ri candil ri yetzije' chuwech ri Jehová, toq niqaqa ri q'ij k'a ri nimaq'a' richin ri jun chik q'ij. Re candelabro re' xtik'oje-pe re juk'an chire ri peraj tzieq ri tasayon rupan ri wachoch, ri k'o-pe chuwech ri káxa richin tununri'il. Y re' kan jun pixa' ri richin jantape' y kichin ri iwijatzul ri xkepe chi wiq chi tanaj.

Ex 28:15

Chuqa' xtiban ri ti peqes ri nuk'uaj chuwa-ruk'u'x ri Aarón, richin ri ruq'atbal-tzij ri Jehová. Y ri ti peqes ri' banon rik'in q'anapueq y lino, ri betz' ri xtikusex ja ri raxroj, q'eqq'oj-keq y keq. Y kan xtikitz'is k'a, achi'el rutz'isik ri xban rik'in ri efod.

Ex 35:12

ri káxa richin ri rujikibel-tzij ri Dios, ri baloj che' uk'uabel richin, ri tz'apebel ruwi' ri káxa y ri peraj tzieq ri nich'aron rupan ri jay,

Ex 35:25

Chuqa' ri ixoqi' ri jebel yebatz'in, xkik'en k'a pe ri betz' ri kibatz'in; ri raxroj, q'eqq'oj-keq, keq y ri lino jijoj ruwech.

Ex 35:35

Chi e ka'i' k'a achi'a' re' kan e nojisan rik'in na'oj richin nikich'ob ronojel ruwech samaj ri kan e jebejoj ok y chuqa' ri tz'ison rik'in betz' raxroj, q'eqq'oj-keq y keq y ri samaj rik'in ri betz' lino y xabachike ruwech kem ri k'o retz'aba'l ruwech.

Ex 35:6

Utz chuqa' nuk'en-pe raxroj betz', q'eqq'oj-keq y keq y chuqa' ri lino jijoj ruwech y ri rusumal tzuntzun,

Ex 36:35

Chuqa' xkiben ri tzieq tasbel rupan ri jay ri' y xkiben rik'in betz' lino ri jebel batz'in, raxroj, q'eqq'oj-keq y keq xkiben chire. Y chuwech k'ari' xkitz'is kiwachibel querubín y kan jebejoj ok rutz'isik xkiben chike.

Ex 36:36

Y re' xtzeqebex rik'in tzeqebel-tzieq ri e banon rik'in q'anapueq, xkitzeqeba' chuwech ri kaji' xata't ri e banon rik'in che' acacia y e q'olin kij chi q'anapueq. Pa ruwi' ri' kan xekiben chuqa' kich'okolibal ri xata't y xekiben rik'in saqipueq.

Ex 36:8

Konojel k'a ri más ketamabal chikiwech ri ch'aqa' chik achi'a', ri e cha'on richin ri samaj, jari' ri xebanon ri rachoch ri Dios. Xban k'a rik'in lajuj peraj tzieq kemon, ri banon rik'in lino batz'in y ri betz' raxroj, q'eqq'oj-keq y keq y chuwech re' xban kiwachibel querubín y jak'a ri aj-kem ri más ketaman ri xebanon.

Ex 38:23

Y kan xto'ox k'a roma ri Oholiab, ri ruk'ajol ri Ahisamac, ri peteneq chupan ri tzobaj richin Dan, y re' kan retaman k'a nusamajij ri xabachike ruwech ch'ich', kan retaman k'a nikemon y kan nitikir k'a nutz'is ruwech xabachike ruwech tzieq rik'in betz' raxroj, q'eqq'oj-keq y keq y chuqa' rik'in lino ri jebel batz'in.

Ex 40:21

Chirij re' xukusaj-apo ri káxa chupan ri rachoch ri Dios y k'ari' xuya' ri peraj tzieq ri nich'aron rupan ri jay. Kan xuben k'a kan chire ronojel achi'el ri rubin ri Jehová.

Ex 40:3

Xtaya-apo ronojel re' chupan: Ri káxa richin ri nujikibel-tzij, ri peraj tzieq ri nich'aron rupan ri jay.

Wuj Richin ri Nimalej Bix 7:1

¡Kan janila taq e jebel ok la awaqen nuben chupan la axajab. Ri ach'akul pa xulan kan janila jebel ok ri rubanik, kan achi'el jun wachibel ri banon rik'in q'anapueq; ri banon roma jun ri kan k'o retamabal chire ri'.

Wuj Richin ri Chojmirisabelri'il 16:15

Y chirij re' ri Aarón xtukamisaj ri achij tzuntzun ri xkik'en-pe ri winaqi', richin nikuyutej kimak. Y xtuk'uaj-apo ri kik' chirij ri tzieq ri tasbel rupan ri wachoch. Y k'ari' xtuben achi'el xuben rik'in ri rukik'el ri wákix; xtuchikaj k'a chuwech-pe ri káxa y pa ruwi' ri tz'apebel.

Wuj Richin ri Chojmirisabelri'il 16:2

Y ri Jehová kere' k'a ri xubij chire: Tabij chire ri Aarón, ri animal, chi man xabachike ta ramaj nok-apo chirij ri tzieq ri tasbel rupan ri wachoch, ni chuwech-apo ri tz'apebel ruwi' ri káxa, richin chi man niken ta, roma yin kan chiri' chupan jun mokol sutz' ninbenk'utu-wi'.

Wuj Richin ri Q'axanri'il 4:5

Jak'a toq nuchop chik el bey ri tinamit Israel xa ja ri Aarón y ri e ruk'ajol ri yeqasan-el ri tzieq ri achoq ik'in ch'aron-wi rupan ri wachoch y jari' ri nikiya-el chirij ri káxa ri richin ri nujikibel-tzij.

San Mateo 27:51

Jari' k'a toq ri tzieq ri achoq ik'in ch'aron-wi ri rupan ri rachoch ri Dios xel pa ka'i'. Xuchop-pe pa jotol k'a pa xulan-qa. Chuqa' ri ruwach'ulew kan xsilon-wi y ri abej xerajro'.

Marcos 15:38

Y ri tzieq ri achoq ik'in ch'aron-wi ri rupan ri rachoch ri Dios xel pa ka'i'. Xuchop-pe pa jotol k'a pa xulan-qa.

San Lucas 23:45

Ri q'ij kan man xsaqirisan ta chik, y jari' xel k'a pa ka'i' ri tzieq ri achoq ik'in ch'aron-wi rupan ri rachoch ri Dios.

Efesios 2:14

Ri Cristo xuya' uxlanibel-k'u'x chiqakojol, y xuben chiqe chi xa jun tinamit xqaben iwik'in rix ri man ix judío ta. Toq xken, xuwulaj ri etzelanik ri achi'el jun tz'aq rubanon chiqakojol.