Ex 26:29 - Kaqchiquel Bible

²⁹ Ronojel k'a marco xkeq'olix rik'in q'anapueq y chuqa' xkekiben argolla rik'in q'anapueq, richin chi chiri' yeju'ux-wi ri che'. Y re che' re' e q'olin chuqa' rik'in q'anapueq.

Ex 26:29 ပူးပေါင်းရင်းမြစ်များ

1 Rey 6:20

Y ri jay ri' ri akuchi kan man jun wineq nok-apo xuben chire chi kaji' jaj rik'in nik'aj raqen, ri ruwech y ri rujotolen. Xutz'apej rik'in q'anapueq ri jebel ch'ajch'oj, ronojel ri ruwech ri jay ri' y xuben chuqa' ri porobel-pom rik'in tiox-che', y k'ari' xutz'apej-rij rik'in q'anapueq.

1 Rey 6:22

Xuya' k'a q'anapueq chijun ruwech ri rupan ri ka'i' jay, nitiker-el pan ulew k'a pa jotol-q'anej. Chuqa' xuya' k'a q'anapueq chirij ri porobel-pom ri k'o-apo chupan ri jay akuchi k'o-wi ri Jehová.

Ex 25:27

Ri argolla kan chuxe-ok ri ruchi' ri mesa yebe-wi, richin chi yeju'ux ri baloj taq che' chupan, richin chi nitelex-el.

Ex 26:28

Ri che' ri nibe pa nik'aj chike ri marco, nim raqen, roma numej ri jun rutza'n k'a pa jun chik rutza'n.

Ex 26:30

Keri' xtipabex-q'anej ri wachoch yin ri banon rik'in tzieq, achi'el rubanik ri xink'ut chawech pa ruwi' ri juyu'.