Ex 25:9 - Kaqchiquel Bible

⁹ Y ri rubanik ri xtikiben chire, kan achi'el ri rubanik ri xtink'ut yin chawech. Keri' chuqa' rubanik xtikiben chire ronojel ri xkebek'atzin chupan ri wachoch, richin niya' nuq'ij.

Ex 25:9 ပူးပေါင်းရင်းမြစ်များ

Ex 25:40

Tatz'eta' jebel richin chi toq rije' xtikiben, kan tikibana' chire achi'el rubanik re jun re xatzu' kan re wawe' pa ruwi' re juyu'.

Hebreos 8:5

Ri jay ri akuchi yesamej-wi ri sacerdote ri' y ronojel ri k'o chupan ri jay, kan ruwachibel k'a ri rachoch ri Dios ri k'o chila' chikaj. Y roma ri', toq man jani niban ri jay wawe' chuwech re ruwach'ulew, ri Dios xubij chire ri Moisés:*f20* Tatz'eta' jebel richin chi toq rije' xtikiben, kan tikibana' chire achi'el rubanikil re jun re xatzu' kan re wawe' pa ruwi' re juyu', xcha'.

Hechos 7:44

Toq ri qati't-qamama' xebiyin ri pa tz'iran ruwach'ulew, kan jantape' k'a kik'uan ri rachoch ri Dios banon rik'in tzieq. Chiri' k'a nuq'alajirisaj-wi-ri' ri Dios chikiwech. Ri rachoch ri Dios ri', kan achi'el k'a ri xrajo' ri Dios, kan keri' rubanik xban chire, roma ri Dios kan xuk'ut-wi chuwech ri Moisés ri rubanik nrajo' chi niban chire.

Hebreos 9:9

Y ronojel re' nuk'exewachuj ri yebanatej re q'ij re'. Roma ri chikopi' y ri ch'aqa' chik ri yekisuj chire ri Dios ri chiri', man yetikir ta nikiben chike ri winaqi' chi choj ta ri kánima chuwech ri Dios.

Hebreos 8:2

Chuqa' nisamej chila' chikaj chupan ri qitzij rachoch ri Dios akuchi xaxe rija' ruk'amon chi nik'oje'; jay ri banon roma rija' y man winaqi' ta e banayon.

Hebreos 9:2

Y ri jay banon rik'in tzieq, kere' k'a rubanik: Chupan k'a ri nibix loq'olej chire k'o ri candelabro y k'o chuqa' ri mesa richin ri kaxlan-wey ri nisuj chire ri Dios.

Ex 26:30

Keri' xtipabex-q'anej ri wachoch yin ri banon rik'in tzieq, achi'el rubanik ri xink'ut chawech pa ruwi' ri juyu'.

Wuj Richin ri Q'axanri'il 8:4

Kere' rubanik banon chire ri candelabro y re' banon rik'in q'anapueq y toch'on rij rik'in bajibel, nitiker-el chuxe' napon k'a pa jotol-q'anej, akuchi ek'o-wi ri taq ruwachibel kotz'i'j ri kan achi'el rubanik ri ruk'utun ri Jehová chuwech ri Moisés.

Ex 39:32

Keri' xk'achoj ronojel ri samaj richin ri rachoch ri Dios, ri richin molojri'il. Ri winaqi' kan xkiben k'a achi'el ri xubij ri Jehová chire ri Moisés.

Ex 39:42

Ronojel ri samaj ri xkiben ri winaqi', kan xel k'a achi'el ri xubij ri Jehová chire ri Moisés.

Ex 39:43

Y ri Moisés xutz'et k'a chi ronojel ri samaj kan utz xuben, kan xel k'a achi'el ri xbix chire roma ri Jehová. Xeri' ri Moisés xuya' urtisanik pa kiwi' ri winaqi' ri xebanon ri samaj.

Wuj Richin ri Q'axanri'il 4:12

Y richin chi nuk'uex-el ri samajibel ri yek'atzin chupan ri wachoch yin, k'o chi yepis chupan jun raxroj tzieq y k'ari' nipis-el rik'in jun sale'y ri jebejoj rubanik y nikiya-el chuwech jun nim ruwech tz'alem richin chi utz nuk'uex-el.