Ex 25:37 - Kaqchiquel Bible

³⁷ Y xeri' xke'iben wuqu' taq candil y xke'ich'okobala' jujun pa kiwi' ri k'ojelibel ri ek'o pa kitum chike chikijujunal ri ruq'a' ri candelabro. Y xtiben chike chi ri taq kiq'aq'al ri candil chikiwech yetzu'un-wi.

Ex 25:37 ပူးပေါင်းရင်းမြစ်များ

2 Crón 13:11

Rije' nikisuj k'a ri kamelabel ri niporox chijun chuwech ri Jehová ronojel nimaq'a' y tiqaq'ij. Chuqa' nikiporoj k'a ri jubulej pom; nikiya' k'a ri kaxlan-wey chuwech ri mesa ri kan ch'ajch'oj. Y ronojel tiqaq'ij nikitzij ri lámpara ri k'o pa ruwi' ri candelabro ri banon rik'in q'anapueq. Roj kan qataqen k'a ri rupixa' ri Jehová ri qa-Dios, jak'a rix xa kan imalin kan.

Wuj Richin Bix Chire ri Dios 119:105

Ri ach'abel rat Jehová kan achi'el jun q'aq' ri nusaqirisaj ri nubey; kan jun saqil akuchi yibiyin-wi.

Ex 25:38

Ri kichojmirisabal ri taq ruxaq q'aq' kichin ri taq candil y ri k'ojelibel richin chaj, kan rik'in ch'ajch'ojilej q'anapueq xtiben-wi.

Ex 27:21

Ja ri Aarón y ri e ruk'ajol ri xke'ilin-apo ri candil ri yetzije' chuwech ri Jehová, toq niqaqa ri q'ij k'a ri nimaq'a' richin ri jun chik q'ij. Re candelabro re' xtik'oje-pe re juk'an chire ri peraj tzieq ri tasayon rupan ri wachoch, ri k'o-pe chuwech ri káxa richin tununri'il. Y re' kan jun pixa' ri richin jantape' y kichin ri iwijatzul ri xkepe chi wiq chi tanaj.

Ex 30:8

Chuqa' ronojel tiqaq'ij toq xtiberuchojmirisaj ri rutza'n ri candil, chuqa' xtuporoj pom chiri'. Kan kere' k'a xtiban chinuwech yin, tibe q'ij tibe seq, chi wiq chi tanaj.

Ex 37:23

Chuqa' xuben wuqu' taq candil y xeruch'okobala' jujun pa kiwi' ri k'ojelibel ri ek'o pa kitum chike chikijujunal ri ruq'a' ri candelabro y chuqa' ja rija' ri xbanon ri kichojmirisabal ri ruxaq-q'aq' kichin ri taq candil y ri k'ojelibel chaj, kan rik'in k'a ch'ajch'ojilej q'anapueq xeruben-wi.

Ex 40:24

Chuqa' xuya-apo ri candelabro chupan y xuya' pa xokon chire ri jay ri', k'a juk'an-pe chire ri akuchi k'o-wi ri mesa.

Ex 40:25

K'ari' xerutzij kan ri taq candil chuwech ri Jehová y kan xuben kan ri achi'el ri rubin chire.

Wuj Richin Etamabel-Tzij 6:23

Roma ronojel re ruchojmilal re', kan achi'el jun lámpara richin saqil, ri tijonik kan nisaqirisan-wi chupan ri ik'aslen, y ri ch'olinik richin etamabel, jari' ri bey richin ri k'aslen.

Wuj Richin ri Isaías 8:20

Pa ruk'exel ri', rix k'o chi nik'ut ta ri rupixa' ri Dios richin niwetamaj wi niban ta tijonik achi'el nubij ri pixa'. Y wi man keri' ta, ri Dios man ruya'on ta ri saqil kik'in ri winaqi' ri'.

Wuj Richin ri Zacarías 4:2

Y xuk'utuj chuwe ri achike nintz'et. Yin xinbij chire chi nintz'et jun candelabro ri banon rik'in q'anapueq. Pa ruwi' ri' k'o jun k'ojelibel richin aceite. Y ek'o wuqu' taq candil chire. Y chupan jujun, ek'o wuqu' taq rutza'n.

Wuj Richin ri Q'axanri'il 4:9

Rik'in jun raxroj tzieq nikitz'apej-el-rij ri candelabro, ri taq candil ri yetz'uye' pa ruwi', ri chojmirisabel ri taq kiq'aq'al, ri k'ulbel-chaj y ri yakbel aceite.

San Mateo 5:14

Rix kan ix achi'el saqil chuwech re ruwach'ulew, achi'el jun tinamit ri k'o pa ruwi' jun juyu' ri man tikirel ta richin nrewaj-ri'.

San Lucas 1:79

Rija' nosaqirisaj kik'aslen ri ek'o pa q'equ'm y ri ek'o pa rumujal ri kamik. Xqojruyuqej k'a chupan ri bey richin uxlanen, xcha' ri Zacarías.

San Juan 1:9

Y kan xoqaqa ri qitzij saqil ri' chuwech chijun re ruwach'ulew richin nusaqirisaj ri kik'aslen ri winaqi'.

San Juan 12:5

Re jubulej aq'om re' rajel jun juna' samaj. ¿Achike k'a roma toq man xk'ayix ta, y re méro re' xtalux ta chike ri winaqi' ri man jun k'o kik'in?, xcha'.

San Juan 8:12

Ri Jesús xch'on chik k'a jun bey kik'in ri fariseo, y xubij: Ja yin ri yisaqirisan kik'aslen ri winaqi' ri ek'o chuwech re ruwach'ulew. Ri nitzeqeliben wichin, kan xtinsaqirisaj k'a y xtril ruk'aslen wik'in. Y rija' man chik k'a xtibiyin ta pa q'equ'm, xcha'.

Hechos 26:18

Yatinteq k'a el kik'in, richin chi rije' nijaqatej ri runaq' taq kiwech, y ye'el-pe chupan ri q'equ'm y yek'oje' chupan ri saqil, ye'el k'a chuqa-pe chuxe' ri rutzij ri Satanás y ye'ok chuxe' rutzij ri Dios, y roma xkikuquba' kik'u'x wik'in, nikik'ul ri kuyubel kimak, y ri Dios k'o xtuya' chike richin nikichinaj, e kachibilan ri ch'aqa' ri ch'ajch'oj chik ri kik'aslen y e richin ri Dios, xcha' ri Jesús chuwe.

Apocalipsis 1:12

K'ari' xinpiskolij-wi' richin nintz'et achike ri nitzijon wik'in. Y toq nupiskolin chik wi', xintz'et k'a wuqu' kandelero ri e banon rik'in q'anapueq.

Apocalipsis 1:20

Wakami xtinq'alajirisaj ri man q'alajirisan ta pe pa nabey. Ri wuqu' ch'umila' ri xatz'et pa wijkiq'a' nel chi tzij ri e wuqu' ángel ri yechajin kichin ri wuqu' molaj nimanela'. Y ri wuqu' kandelero ri e banon rik'in q'anapueq, nel chi tzij ri wuqu' molaj nimanela'.

Apocalipsis 1:4

Yin Juan nintz'ibaj k'a el re wuj re' chiwe rix ri ix wuqu' molaj qach'alal ri ixk'o ri chiri' pa ruwach'ulew Asia. Ri Dios ri kan k'o-pe pa rutikeribel, re wakami y xtik'oje' re xtibe-apo, xtuya' k'a ri utzil y ri uxlanen chiwe ri nikiya' ri wuqu' utzilej taq espíritu ri ek'o-apo chuwech ri rutz'uyubal ri Dios.

Apocalipsis 22:5

Ri chiri' chupan ri tinamit ri', man jun bey xtiq'equmer ta richin nokoq'a-qa. Y konojel ri ek'o chupan ri tinamit ri', man jun xtik'atzin-wi ri rusaqil jun q'aq' o rusaqil ta ri q'ij chike. Roma kan ja ri Dios ri ajaw ri xtisaqirisan kichin. Y konojel re', jere' ri xkeq'aton-tzij richin tibe-q'ij tibe-seq.

Apocalipsis 4:5

Jak'a ri pa nik'aj akuchi k'o-wi ri nabey tz'uyubel, yebek'ulun k'a pe koyopa', koqolajay y ch'abel. Y ri chuwech-apo yek'at wuqu' antorcha ri nuk'exewachuj ri wuqu' espíritu richin ri Dios.