Ex 25:31 - Kaqchiquel Bible

³¹ Chuqa' xtikiben jun candelabro rik'in q'anapueq jebel ch'ajch'oj achi'el rubanik jun ti che' almendra,*f11* y re' xtikiben rutzil rik'in jun bajibel. Xtikiben ri ruch'okolibal, ri raqen, ri ruq'a', ri taq rusi'j y ronojel ri retz'aba'l rik'in k'a q'anapueq xtikiben-wi y kan ruch'akulan-ri' xtikiben chire.

Ex 25:31 ပူးပေါင်းရင်းမြစ်များ

Wuj Richin ri Zacarías 4:2

Y xuk'utuj chuwe ri achike nintz'et. Yin xinbij chire chi nintz'et jun candelabro ri banon rik'in q'anapueq. Pa ruwi' ri' k'o jun k'ojelibel richin aceite. Y ek'o wuqu' taq candil chire. Y chupan jujun, ek'o wuqu' taq rutza'n.

Apocalipsis 1:12

K'ari' xinpiskolij-wi' richin nintz'et achike ri nitzijon wik'in. Y toq nupiskolin chik wi', xintz'et k'a wuqu' kandelero ri e banon rik'in q'anapueq.

Hebreos 9:2

Y ri jay banon rik'in tzieq, kere' k'a rubanik: Chupan k'a ri nibix loq'olej chire k'o ri candelabro y k'o chuqa' ri mesa richin ri kaxlan-wey ri nisuj chire ri Dios.

Apocalipsis 4:5

Jak'a ri pa nik'aj akuchi k'o-wi ri nabey tz'uyubel, yebek'ulun k'a pe koyopa', koqolajay y ch'abel. Y ri chuwech-apo yek'at wuqu' antorcha ri nuk'exewachuj ri wuqu' espíritu richin ri Dios.

Apocalipsis 1:20

Wakami xtinq'alajirisaj ri man q'alajirisan ta pe pa nabey. Ri wuqu' ch'umila' ri xatz'et pa wijkiq'a' nel chi tzij ri e wuqu' ángel ri yechajin kichin ri wuqu' molaj nimanela'. Y ri wuqu' kandelero ri e banon rik'in q'anapueq, nel chi tzij ri wuqu' molaj nimanela'.

2 Crón 13:11

Rije' nikisuj k'a ri kamelabel ri niporox chijun chuwech ri Jehová ronojel nimaq'a' y tiqaq'ij. Chuqa' nikiporoj k'a ri jubulej pom; nikiya' k'a ri kaxlan-wey chuwech ri mesa ri kan ch'ajch'oj. Y ronojel tiqaq'ij nikitzij ri lámpara ri k'o pa ruwi' ri candelabro ri banon rik'in q'anapueq. Roj kan qataqen k'a ri rupixa' ri Jehová ri qa-Dios, jak'a rix xa kan imalin kan.

1 Rey 7:24

Chuxe-qa juba' ri ruchi' ri yakbel-ya' xeruben ka'i' cholaj kiwachibel taq ik'oy. Pa jujun cholaj xuya' 150 ruwachibel taq ik'oy. Ri taq wachibel ri' kan e ruch'akulan-ri' rik'in ri yakbel-ya'.

1 Rey 6:18

Chijun ri rupan ri rachoch ri Jehová xnojisex ruwech rik'in tiox-che' y kan man jun abej niq'alajin ta pe. Y ri tiox-che' ri xeyolox chuwech ri jay kan xeban k'a jalajoj ruwech retz'aba'l achi'el ri kotz'i'j y ri ruwachibel taq ik'oy.

Ex 35:14

ri candelabro ri richin nisaqirisan, ronojel ri samajibel ri yek'atzin chire, ri taq candil ri e cholan pa ruwi' ri candelabro y ri aceite ri nikikusaj ri taq candil.

Apocalipsis 2:5

Y toqaqa k'a chi'ik'u'x akuchi ix tzaqineq-wi y titzolin pe ik'u'x. Kan kixajowan chik k'a achi'el xixajowan pa nabey. Roma wi xa man keri' ta xtiben, xkinapon iwik'in y xtinwelesaj-el ri i-candelero ri akuchi k'o-wi.

Ex 25:34

Y ri raqen ri candelabro ri akuchi ye'el-el ri ruq'a', xtuk'uaj jujun kiwachibel rusi'j almendro. Kaji' k'a rusi'j almendro xtuk'uaj.

Ex 25:36

Ri raqen, ri ruq'a' y ri ruwachibel ri rusi'j ri almendro kan nuch'akulaj-ri' niban chire. Y re' nikiben rik'in q'anapueq jebel ch'ajch'oj y nikiben rutzil rik'in bajibel.

Wuj Richin ri Chojmirisabelri'il 24:4

Kan nikichojmirisaj k'a ri taq candil ri ek'o pa ruwi' ruq'a' ri candelabro ri banon rik'in q'anapueq richin chi yek'at chinuwech yin.

Wuj Richin ri Q'axanri'il 3:31

Pa kiq'a' k'a rije' xtik'oje-wi ri káxa richin ri jikibel-tzij, ri mesa, ri taq candil, ri porobel richin kamelabel, ri porobel pom y ronojel ri samajibel ri yek'atzin, y chuqa' ri tzieq ri achoq ik'in ch'aron-wi rupan ri rachoch y ronojel ri samajibel ri nik'atzin chire ri tzieq ri'.

Wuj Richin ri Q'axanri'il 4:9

Rik'in jun raxroj tzieq nikitz'apej-el-rij ri candelabro, ri taq candil ri yetz'uye' pa ruwi', ri chojmirisabel ri taq kiq'aq'al, ri k'ulbel-chaj y ri yakbel aceite.

Wuj Richin ri Q'axanri'il 8:4

Kere' rubanik banon chire ri candelabro y re' banon rik'in q'anapueq y toch'on rij rik'in bajibel, nitiker-el chuxe' napon k'a pa jotol-q'anej, akuchi ek'o-wi ri taq ruwachibel kotz'i'j ri kan achi'el rubanik ri ruk'utun ri Jehová chuwech ri Moisés.

1 Sam 3:3

Y ri Samuel niwer k'a pa rachoch ri Jehová ri akuchi k'o-wi ri káxa richin ri rujikibel-tzij ri Dios. Y toq man jani tichup-qa ri ruq'aq' ri Dios,

1 Crón 28:15

Ri candelabro y ri taq lámpara,

2 Crón 4:7

Chuqa' xuben rik'in q'anapueq lajuj candelabro ri nibe aceite chupan, y wo'o' k'a xek'oje' pa rijkiq'a' y wo'o' k'a pa rajxokon chupan ri rachoch ri Dios.

Ex 31:8

Chuqa' jeri' ri xkebanon ri mesa y ronojel ri niya' pa ruwi', ri candelabro ri xtiban rik'in q'anapueq y ronojel ri yek'atzin chire y ri porobel ri niporox pom pa ruwi'.

Ex 39:37

ri candelabro ri banon rik'in q'anapueq ri jebel ch'ajch'oj, ri taq candil ri e cholan pa ruwi' y ronojel ri samajibel ri yek'atzin chire y ri aceite ri nik'atzin richin ri taq candil.

Wuj Richin ri Q'axanri'il 4:10

Y ronojel re samajibel re', nikipis chuqa' el chupan jun sale'y ri jebejoj rubanik y nikiya' chuwech jun nim ruwech tz'alem richin chi utz nuk'uex-el.

Wuj Richin ri Q'axanri'il 8:1

Ri Jehová xuya' chik k'a re jun ruchojmilal re' chire ri Moisés richin nuq'axaj chire ri Aarón y xubij: Toq xkerutzij ri wuqu' candil, k'o chi yeruch'okoba' kan jebel pa ruwi' ri candelabro richin keri' nusaqirisaj jebel rupan ri wachoch, xcha' ri Dios.