Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Ex 25:30 - Kaqchiquel Bible

30 Kan jantape' k'a xtiya'ox ri kaxlan-wey pa ruwi' ri mesa, chinuwech yin, richin jun sipanik.

အခန်းကိုကြည့်ပါ။ ကော်ပီ




Ex 25:30
20 ပူးပေါင်းရင်းမြစ်များ  

Chuqa' ri Salomón xuteq rubanik ch'aqa' chik samajibel ri yek'atzin chupan ri rachoch ri Jehová, y ronojel re' xeban rik'in q'anapueq, y jare': Ri nima-porobel-pom y ri ch'aqa' chik kokoj porobel-pom, Ri mesa ri niya'ox ri kaxlan-wey pa ruwi' ri nisuj chire ri Dios, Ri lajuj candelabro ri nibe aceite chupan ri e banon kotz'i'j chirij, y xeruya' chupan ri nima-jay chupan ri rachoch ri Jehová, wo'o' pa rijkiq'a' ri jay ri' y wo'o' pa rajxokon, Ri ch'aqa' chik lámpara, ri chojmirisabel ri kiq'aq'al y ri chupbel, Ri jalajoj kiwech bojo'y, ri cuchara y Ronojel ri bisagra richin ri nima'q taq ruchi-jay richin ri rachoch ri Jehová.


Y chuqa' ja rije' ri yechojmirisan ri kaxlan-wey chuwech ri mesa. Keri' chuqa' ri ye'etan ri k'ej chayun richin ri sipanik, y richin ri kaxlan-wey ri maneq ch'amilej-q'or rik'in. Chuqa' rije' xeya'ox richin xkichaq'arisaj ri kaxlan-wey pa sartén, y chuqa' nikiwotz'otz'ij.


Jujun chike ri e coatita ri e rach'alal ri Salum, yebanon ri kaxlan-wey ri nik'oje' pa ruwi' ri mesa, ri nikiya-apo ronojel q'ij richin uxlanenri'il.


Rije' nikisuj k'a ri kamelabel ri niporox chijun chuwech ri Jehová ronojel nimaq'a' y tiqaq'ij. Chuqa' nikiporoj k'a ri jubulej pom; nikiya' k'a ri kaxlan-wey chuwech ri mesa ri kan ch'ajch'oj. Y ronojel tiqaq'ij nikitzij ri lámpara ri k'o pa ruwi' ri candelabro ri banon rik'in q'anapueq. Roj kan qataqen k'a ri rupixa' ri Jehová ri qa-Dios, jak'a rix xa kan imalin kan.


Ri pa ruwach'ulew Tiro, k'o k'a jun rey rubini'an Hiram. Y ri Salomón k'o k'a ri xuteq rubixik chire, y kere' k'a xubij-el chire: Tabana' wik'in yin achi'el xaben rik'in ri David ri nata' toq xateq-pe k'iy tiox-che' chire richin xupaba-q'anej ri rachoch rija'.


Wakami yin ninwajo' ninpaba-q'anej jun rachoch ri Jehová ri nu-Dios richin ninjech pa rusamaj, akuchi xtinbenporoj-wi ri jubulej pom chuwech, akuchi xtinuk'-wi pa cholaj ri kaxlan-wey, y richin ninsuj ri kamelabel ri niporox chijun ronojel nimaq'a' y tiqaq'ij, chuqa' chupan ri q'ij richin uxlanen, y toq yenimaq'ijux ri k'ak'a' taq ik' y ri ch'aqa' chik nimaq'ij toq niya'ox ruq'ij ri Jehová ri qa-Dios. Ronojel re' kan k'o chi xtiqataqej richin q'asen, qonojel roj ri oj aj-Israel.


ri mesa, ri baloj che' uk'uabel richin, ronojel ri samajibel ri yek'oje' pa ruwi' y ri kaxlan-wey ri niya' chuwech ri Jehová,


ri mesa y ronojel ri samajibel ri nik'atzin chire, ri kaxlan-wey ri nik'oje' chuwech ri Jehová,


Y pa ruwi' re mesa re' xerunuk' kan ri kaxlan-wey chuwech ri Jehová. Kan xuben kan achi'el ri rubin ri Jehová chire.


Chuqa' xtaya-apo ri mesa y ronojel ri samajibel ri yek'atzin chire, ri candelabro y ri taq candil ri yetzije'.


wo'o' q'a'aj raqen, wo'o' q'a'aj ruwech y jun jaj ri rujotolen. Ri pa taq ruxikin, ri rutz'uyubal y ri chi kaji' ruwech ri porobel ri' e tz'apen-kij rik'in che'. Y ri achin ri' xubij chuwe chi re mesa re' richin ri Jehová.


Jak'a rix niben chuwe chi man jun wejqalen roma man niqa' ta chiwech ri nuporobal, y chuqa' ri k'o pa ruwi'.


Roma rix ye'isujula' kaxlan-wey ri xa man ch'ajch'oj ta pa ruwi' ri nuporobal; y man rik'in ri' nik'utuj ri achike k'a itzel ri ibanon chuwe. Jak'a yin ninbij chiwe chi ja ri man iya'on ta rejqalen ri porobel ri k'o pa wachoch.


Richin chi nuk'uex ri mesa ri nik'oje' ri kaxlan-wey pa ruwi' ri nisuj chuwe yin, nabey nirik' jun tzieq pa ruwi' y k'ari' nikiya-el ri leq, ri pajbel, ri bojo'y, ri xára y ri kaxlan-wey ri kan jantape' k'o pa ruwi' ri mesa ri'.


Rija' xbe chukanoxik wey chiri' pa rachoch ri Dios, y kan ja ri kaxlan-wey ri sujun chuwech ri Dios ri xkitej. Y re' xa kan man ruk'amon ta chi xutej rija' ni ri e rachibil, xaxe ri sacerdote ri kan k'o kiq'a' chire richin nikitej.


Y ri jay banon rik'in tzieq, kere' k'a rubanik: Chupan k'a ri nibix loq'olej chire k'o ri candelabro y k'o chuqa' ri mesa richin ri kaxlan-wey ri nisuj chire ri Dios.


K'ari' ri sacerdote xubij chire ri David: Maneq relik kaxlan-wey wik'in, xaxe kaxlan-wey ri sujun chik chuwech ri Jehová k'o wik'in. Xtinya' k'a chawe wi ri achi'a' re e peteneq chawij kan e ch'ajch'oj, xa rik'in man ta e warneq kik'in ri kixjayilal, xcha'.


K'ari' ri David xubij chire ri sacerdote: Roj toq yojel-el pa taq oyowal, ri qixjayilal ek'o kan nej chiqe roj. Y stape' xa jun relik taqikil, roma ri' ri achi'a' kan e ch'ajch'oj-wi-pe, k'a ta la' chik re wakami kan nibeqabana' jun taqikil ri kan k'o janila rejqalen, xcha'.


Chirij re', ri sacerdote xujech-apo ri kaxlan-wey chire ri David, roma man jun chik kaxlan-wey k'o ri q'ij ri'. Xa kan xaxe ri kaxlan-wey ri sujun chik, y elesan chik chiri' pa ruk'ojelibal, richin niya'ox kan meq'en pa ruk'exel.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ