Ex 25:22 - Kaqchiquel Bible

²² Y chiri' k'a pa ruwi' ri tz'apebel, chiri' chikikojol ri e ka'i' querubín, chiri' xtink'ut-pe-wi' chawech. Ja ri chiri' ri xtiqak'ul-wi-qi' richin xtinbij ri k'atzinel richin nikiben ri awinaq.

Ex 25:22 ပူးပေါင်းရင်းမြစ်များ

Wuj Richin ri Rutikeribel 18:33

Toq ri Jehová xtane' kan richin nitzijon rik'in ri Abraham, rija' xbe, y ri Abraham xtzolin-el pa rachoch.

2 Sam 6:2

Ri David e rachibilan konojel ri achi'a' ri', xebe k'a pa tinamit Baalá richin Judá, richin chi nibekik'ama' ri káxa richin ri rujikibel-tzij ri Dios. Ri káxa ri', pa ruwi' ri' ninatex rubi' ri Jehová ri k'o ronojel uchuq'a' pa ruq'a', ri k'o rutz'uyubal chikikojol ri querubín.

2 Rey 19:15

K'ari' xch'on rik'in ri Jehová y xubij: Jehová Dios richin Israel, ri atk'o chikikojol ri querubín; ja rat xabanon ri kaj y ri ruwach'ulew, y ja rat ri yaq'aton-tzij pa ruwi' chijun ruwach'ulew.

1 Crón 13:6

Xbe k'a ri David junan kik'in ri winaqi' israelita pa Quiriat-jearim, ri chuqa' nibix Baalá richin Judá chire, richin nikiq'axaj ri káxa ri akuchi ninatex-wi ri rubi' ri Jehová Dios, ri niq'aton-tzij pa kiwi' ri querubín.

Wuj Richin Bix Chire ri Dios 80:1

Tawak'axaj ri qach'owen, rat nimalej Jehová ri yachajin ri tinamit Israel. Qojachajij k'a, achi'el nuben jun yuq'unel kik'in ri taq rukarne'l. Rat ri atk'o pa kiwi' ri kiwachibel ri querubín,*f80*

Wuj Richin Bix Chire ri Dios 80:2

Tak'utu' ri awuchuq'a' chikiwech ri aj-Efraín, ri aj-Benjamín y ri aj-Manasés, katanpe richin yojakol.

Wuj Richin Bix Chire ri Dios 90:1

Ajaw, kan ja rat ri at qatobal, keri' jantape' oj peteneq ri chi wiq chi tanaj.

Wuj Richin Bix Chire ri Dios 99:1

Ri Jehová ja rija' ri rey. Roma ri' kan tik'oje' k'a rukiy rija' chikiwech ri tzobaj winaqi' richin ri ruwach'ulew. Rija' kan tz'uyul k'a chikikojol ri querubín richin nuq'et-tzij. Y roma ri' chijun ri ruwach'ulew kan nisilon.

Ex 20:24

Wakami k'a, rix tibana' jun porobel rik'in ulew y pa ruwi' ri' tiya-wi ri chikop ri nik'at chijun y pa ruwi' chuqa' ri' ke'iya-wi ri chikopi' ri ye'isuj chuwe richin jun sipanik richin nijunamatej-qawech. Y xabakuchi k'a ri xtinbij-wi yin chiwe chi tibana' jun natabel wichin, yin xkiqaqa-pe iwik'in y xkixinwurtisaj.

Ex 27:21

Ja ri Aarón y ri e ruk'ajol ri xke'ilin-apo ri candil ri yetzije' chuwech ri Jehová, toq niqaqa ri q'ij k'a ri nimaq'a' richin ri jun chik q'ij. Re candelabro re' xtik'oje-pe re juk'an chire ri peraj tzieq ri tasayon rupan ri wachoch, ri k'o-pe chuwech ri káxa richin tununri'il. Y re' kan jun pixa' ri richin jantape' y kichin ri iwijatzul ri xkepe chi wiq chi tanaj.

Ex 30:36

Juba' k'a chire ri jalajoj kiwech q'ayis xtijok' jebel y xtik'uaj pa wachoch richin tiya' chuwech ri káxa ri k'o ri nujikibel-tzij chupan, ri chiri' ri akuchi nink'ut-wi' chiwech. Re pom re' kan janila k'a rejqalen xtok chiwech rix, roma kan xtich'er richin nukusex pa nusamaj yin.

Ex 30:6

Y xtiya' ri porobel ri' chupan ri wachoch, chuwech-apo ri tzieq ri tasbel, ri newan ri káxa ri richin ri nujikibel-tzij, ri akuchi xtink'ul-wi' iwik'in richin yich'on iwik'in.

Ex 31:18

Toq ri Jehová xtane' chi ch'owen rik'in ri Moisés chiri' pa ruwi' ri juyu' Sinaí, xujech-pe ri ka'i' tz'alem taq abej chire, ri akuchi nuq'alajirisaj-wi ri rurayibel rija'. Re tz'alem taq abej re' kan ja ri Dios ri xtz'iban-pe kiwech.

Ex 31:6

Chuqa' nucha'on chik chikikojol ri winaqi' ri e richin ri tzobaj richin ri Dan, ri achin rubini'an Oholiab, ri ruk'ajol ri Ahisamac richin chi nok jun to'onel chupan ri samaj. Yin kan nubanon k'a chuqa' chike konojel achi'a' ri yetikir nikiben jun ruwech samaj, chi kan k'o kina'oj, richin chi ja rije' ri xkebebanon ri nubin chik chawe chi k'o chi yeban.

Wuj Richin ri Isaías 37:16

Jehová k'iytisanel richin ronojel, ri at qa-Dios roj israelita. Rat atk'o pan atz'uyubal richin q'atoj-tzij chikikojol ri querubín. Xaxe k'a rat ri at Dios kichin konojel q'atoy taq tzij richin ri ruwach'ulew. Rat xabanon ri kaj y ri ruwach'ulew.

Ez 43:6

Rokik k'o wik'in ri achin, jari' toq xinwak'axaj chi ri Jehová kan k'a pa rachoch nich'on-pe wik'in.

Wuj Richin ri Chojmirisabelri'il 1:1

Ri Jehová xroyoj-pe ri Moisés k'a chiri' pa rachoch, y xuya' ri ruchojmilal chire richin chi achike rubanik ri jalajoj ruwech sipanik o kamelabel ri yesuj chire rija', y xubij chi

Wuj Richin ri Chojmirisabelri'il 16:2

Y ri Jehová kere' k'a ri xubij chire: Tabij chire ri Aarón, ri animal, chi man xabachike ta ramaj nok-apo chirij ri tzieq ri tasbel rupan ri wachoch, ni chuwech-apo ri tz'apebel ruwi' ri káxa, richin chi man niken ta, roma yin kan chiri' chupan jun mokol sutz' ninbenk'utu-wi'.

Wuj Richin ri Q'axanri'il 17:4

Y k'ari' ri ch'ame'y ri' xke'ak'uaj-apo ri pa wachoch, chuwech-apo ri káxa richin ri nujikibel-tzij, ri akuchi nink'ut-wi-wi' chiwech.

Wuj Richin ri Q'axanri'il 7:89

Ronojel mul toq ri Moisés xok-apo chupan ri rachoch ri Dios richin molojri'il richin nibech'on rik'in, xrak'axaj ri ruch'abel ri Dios chiri' pa ruwi' ri tz'apebel-ruwi' ri káxa, chiri' chikikojol ri ka'i' kiwachibel querubín.

Wuj Kichin ri To'onela' 20:27

Chupan ri q'ij ri' ri káxa richin ri rujikibel-tzij ri Dios k'o chiri', y ja k'a ri Finees ri ruk'ajol ri Eleazar, y rumam kan ri Aarón, ri nisamej rik'in ri káxa. Y xkik'utuj chik k'a chire ri Jehová wi utz yebe chik jun bey richin nibekibana' oyowal kik'in ri aj-Benjamín ri e kach'alal. Y ri Jehová xubij chike chi kebe chik jun bey, roma pa rox q'ij xkerujech ri aj-Benjamín pa kiq'a'.

1 Sam 4:4

Y rije' xekiteq k'a el jun tzobaj achi'a' pa Siló richin xbekik'ama-pe ri káxa ri' ri akuchi niq'aton-wi-tzij ri Jehová k'iytisanel richin ronojel, ri k'o chiri' chikikojol ri ka'i' querubín. Y ri Hofní y ri Finees, ri e ka'i' ruk'ajol ri Elí, chuqa' xebe chirij ri káxa.