Ex 25:20 - Kaqchiquel Bible

²⁰ Ri jun ruwachibel querubín niban k'a chire chi k'o apo chuwech ri jun y ri jun chik k'o pe chuwech re jun re'. Niban chike chi kirik'on-apo ri kixik' chikiwech, richin nikimatzej ruwi' ri tz'apebel. Y niban chuqa' chike chi rije' yetzu'un-qa pa ruwi' ri tz'apebel.

Ex 25:20 ပူးပေါင်းရင်းမြစ်များ

1 Crón 28:18

ri porobel-pom, y ri ruwachibel carruaje achoq chupan e ya'on-wi ri querubín, achi'el ri querubín ri ek'o pa ruwi' ri káxa richin ri rujikibel-tzij ri Dios.

1 Rey 8:7

Ri querubín ri' kan kirik'ik'en ri kixik' pa ruwi' ri káxa richin ri Jehová y pa ruwi' ri baloj taq che' ri uk'uabel richin ri káxa.

Hebreos 9:5

Pa ruwi' ri tz'apebel-ruwi' ri káxa k'o ri ka'i' kiwachibel querubín kirik'on kixik' pa ruwi' ri akuchi nikuyutej-wi ri mak. Jak'a wakami man nik'atzin ta niqanataj ronojel re'.

1 Pedro 3:22

Rija' xbe chila' chikaj, y wakami k'o-apo pa rijkiq'a' ri Dios. Kan pa ruq'a' k'a rija' ek'o-wi ri ángel, ri q'atoy taq tzij aj-chikajil, y ronojel ri uchuq'a' ri ek'o.

1 Pedro 1:12

Y kan xq'alajirisex chike ri achi'a' ri' chi ri kolotajik ri xkitzijoj xa man kichin ta rije', xa kan qichin roj ri oj k'o chupan re q'ij re'. Y re wakami ri utzilej ch'abel ri' ri richin kolotajik, xtzijox k'a chiwe rix koma achi'a' ri eto'on roma ri Loq'olej Espíritu ri taqon-pe chila' chikaj. Y chuqa' ri ángel janila nikajo' chi niketamaj chirij ri xtzijox chiwe rix.

Hebreos 1:14

Ri ángel ri' choj e rusamajela' ri Dios y ja rije' ri yetaq roma ri Dios richin yekito' ri xkekolotej.

Colosenses 2:10

Rix kan k'o chik ri Cristo pa taq iwánima y xaxe rija' ri nitz'aqatisan ri ik'aslen. Ja rija' ri k'o pa kiwi' ri ángel, y ri k'o uchuq'a' pa kiq'a' ri ek'o pa kaq'iq'.

Efesios 3:10

Ri Dios nrajo' k'a chi ri ángel y ri ch'aqa' chik ri k'o uchuq'a' kik'in ri ek'o chila' chikaj tikitz'eta' ri utzil ri nuben qik'in roj ri qakuquban qak'u'x rik'in. Y keri' tiketamaj k'a chi ri Dios janila k'iy na'oj k'o rik'in.

1 Corintios 11:10

Roma ri' ri ixoqi' ruk'amon chi nikikuch k'a ri kijolon, richin nikik'ut chi k'o uchuq'a' pa kiq'a' y koma chuqa' ri ángel.

1 Corintios 4:9

Jak'a yin ninbij chi ri Dios rubanon chiqe roj ri oj taqon roma ri Cristo chi maneq ok qaq'ij chikiwech konojel. Xa oj achi'el achi'a' ri bin chi yojkamisex, roma ri' konojel yojkimey y chuqa' ri ángel kan yojkimey-pe.

San Juan 1:51

K'ari' ri Jesús xubij chike ri winaqi': Kan tinimaj k'a re xtinbij chiwe: Rix kan xtitz'et k'a chi ri kaj xtijaqatej, y chi ri ángel richin ri Dios xkexule-xkejote' pa nuwi' yin, ri xiqaqa-pe achi'el wineq chi'ikojol, xcha'.

San Mateo 24:31

Y jak'a chuqa' ri' toq ri trompeta xtiq'ajan, y yin xkenteq k'a ri nu-ángel chikimolik ri e nucha'on chik. Kan xkekimol-wi k'a pe re kere' pa relebel-q'ij y pa qajibel-q'ij, pa xokon y pa xaman. Kan xkekimol-wi k'a pe ri akuchi nitiker-pe ri jun rutza'n re kaj, k'a la jun chik rutza'n.

Ez 28:14

Rat atk'o k'a chupan ri juyu' richin ri a-dios.*f8* Y rat nachajij ri juyu' ri' achi'el nuben jun querubín, y yabiyajilan pa runik'ajal ri abej ri ek'o pa q'aq',*f9* achi'el nuben jun chike ri a-dios.

Ez 1:20

Ri kaji' rueda ri' kan yebe akuchi e uk'uan-wi koma ri e kaji' achi'el winaqi'.

2 Crón 3:10

Chupan ri akuchi nik'oje-wi ri Jehová, xeruya' kiwachibel ka'i' querubín banon rik'in che', y keri' chuqa' xutz'apej-kij rik'in q'anapueq.

Ex 25:18

Y pa ruwi' ri tz'apebel ri', ri pa taq rutza'n xkeban jujun kiwachibel querubín ri nikitzu-ki'. Rik'in k'a q'anapueq xkeban-wi y xtiban kutzil rik'in bajibel.

Wuj Richin ri Rutikeribel 28:12

Y xrachik'aj k'a chi k'o k'a jun q'a'n ri eleneq-el pan ulew y napon k'a chuchi' ri kaj y ri ángel richin ri Dios pa cholaj yexule-yejote' chupan ri q'a'n ri'.

Ex 25:19

Jun ruwachibel querubín xtiya'ox k'a pa jun rutza'n ri tz'apebel y ri jun chik xtiya'ox pa jun chik rutza'n. Re ka'i' ruwachibel re' kan xtikich'akulaj k'a ki' rik'in ri tz'apebel.

1 Rey 6:27

Ri Salomón xeruya' k'a ri ka'i' kiwachibel querubín chupan ri jay ri akuchi k'o-wi ri Jehová, y rije' kan kirik'on k'a ri kixik'. Ri kixik' chi e ka'i' nutun-ri' pa nik'aj chire ri jay ri', y ri jun chik rutza'n ri kixik' napon k'a chuwech ri jay.

1 Rey 6:23

Chuqa' chupan ri jay ri' xeruben kiwachibel ka'i' querubín rik'in che' olivo. Xuben chike chi ri kipalen ka'i' jaj rik'in oxi' q'a'aj.