Ex 25:2 - Kaqchiquel Bible

² Tabij chike konojel ri awinaq israelita chi chikijujunal tikik'ama-pe jun sipanik chuwe. Y konojel k'a ri kan rik'in ronojel kánima xtikik'en-pe ri sipanik ri', ja rat k'a ri xkak'ulun kan chuwi-kiq'a', pa nubi' yin.

Ex 25:2 ပူးပေါင်းရင်းမြစ်များ

Wuj Richin ri Esdras 1:6

Y konojel k'a ri ek'o chikinaqaj kan janila xekito-el. Xkiya' k'a el saqipueq, q'anapueq y ri achike nik'atzin chike, y xekiya' chuqa-el kawej y jebelej taq k'ojelibel chike.

Wuj Richin ri Esdras 2:68

Y toq xe'apon chiri' pa Jerusalem, rik'in ri wuluwik jay, ri rachoch kan ri Jehová, jujun chike ri aj-raqen kichin ri winaqi', kan xkiya' sipanik rik'in ronojel kánima, richin nipabex chik q'anej jun bey ri jay ri'.

Wuj Richin ri Esdras 3:5

Y man xaxe ta k'a keri', xa kan jantape' xkiporoj ri chikop ri richin q'ij-q'ij, ri nimaq'ij richin toq nalex ri ik' y ri ch'aqa' chik nimaq'ij toq nikiya' ruq'ij ri Jehová. Y chirij k'a ronojel re' xkisuj kamelabel rik'in ronojel kánima.

Wuj Richin ri Esdras 7:16

Y tik'uaj chuqa' ronojel ri saqipueq y ri q'anapueq ri xtisipex-el chiwe pa ruwach'ulew Babilonia, y chuqa' xabachike sipanik ri kiya'on-apo ri iwinaq y ri e sacerdote, richin ri rachoch ri i-Dios ri k'o pa Jerusalem.

Wuj Richin ri Nehemías 11:2

Chirij re' ri winaqi' ri xe'el-el xkiya' kan urtisanik pa kiwi' ri xek'oje' kan.

Wuj Richin Bix Chire ri Dios 110:3

Y ri chiri' toq rat xkabe pan oyowal, ri aj-labal xtikisuj-ki' richin xkebe chawij. Y rije' kan xtikitz'apej ruwech ri ruwach'ulew roma janila e k'iy, achi'el ri raxq'ab ri niqaqa toq k'a man ja ni niseqer-q'anej,

Ex 25:1

Ri Jehová xch'on chik k'a rik'in ri Moisés y xubij chire:

Ex 25:3

Y ri sipanik k'a ri ruk'amon richin nikik'en-pe richin nokiya' kan chawe, ja ri q'anapueq, ri saqipueq y ri q'enq'oj-pueq.

Wuj Richin ri Q'axanri'il 18:24

Roma ri' yin kan xinbij-wi chike rije' chi pa ruk'exel ulew yin ninya' chike ronojel ri numol-ri' ri jun chire ri lajuj ri nikiya' chuwe yin ri awinaq achi'el jun sipanik, xcha' ri Dios chire ri Aarón.

2 Corintios 9:7

Roma ri' chi'ijujunal rix tiya' k'a achi'el ri xubij ri iwánima chiwe. Man k'a tiya' rik'in bis, ni man tiya' chuqa' xaxe roma xk'utux chiwe. Xa kan rik'in kikoten tiya' ri to'onik, roma ri Dios kan yerajo' ri yeya'on rik'in ronojel kánima.

Wuj Kichin ri To'onela' 5:9

Yin kan yikikot k'a iwik'in rix aj-raqen richin Israel, y chuqa' iwik'in rix nuwinaq ri kan rik'in ronojel iwánima xisuj-iwi' richin niben labal. ¡Kan tiqaya' k'a ruq'ij ri Jehová!