Ex 25:17 - Kaqchiquel Bible

¹⁷ Y xtaben k'a chi xtiban ri tz'apebel ruwi' ri káxa, ri niya'on kuyubel. Re tz'apebel re' xtiban rik'in jun jebelej q'anapueq. Ri raqen wo'o' k'a q'a'aj rik'in nik'aj xtiban chire y ri ruwech oxi' q'a'aj.

Ex 25:17 ပူးပေါင်းရင်းမြစ်များ

Hebreos 9:5

Pa ruwi' ri tz'apebel-ruwi' ri káxa k'o ri ka'i' kiwachibel querubín kirik'on kixik' pa ruwi' ri akuchi nikuyutej-wi ri mak. Jak'a wakami man nik'atzin ta niqanataj ronojel re'.

Ex 37:6

Chuqa' xuben ri tz'apebel ruwi' ri káxa, ri niya'on kuyubel-mak. Re' xuben rik'in q'anapueq ri jebel ch'ajch'oj, wo'o' q'a'aj rik'in nik'aj raqen y oxi' q'a'aj ruwech xuben chire.

Hebreos 4:16

Roma ri' kan kuqul k'a qak'u'x qojjel-apo rik'in ri Dios ri niya'on ronojel utzil. Richin chi xtujoyowaj qawech y xtuya-pe ri rutzil pa qawi'. Y toq k'o jun xtiqak'uluwachij, kan jari' k'o-pe qik'in richin yojruto'.

Romanos 3:25

Ri Dios xuteq-pe ri Cristo richin xken, y rija' xok jun kamelabel. Keri' ri Jesús xusuj ri rukik'el. Y xabachike ri kan nukuquba' ruk'u'x rik'in ri Cristo kan nikuyutej-wi rumak y niqa' chuwech ri Dios. Ri ojer kan rija' janila xkoch'on, y man xuya' ta ri rutojbalil ri kimak ri winaqi'. Jak'a re wakami niq'alajin chi kan choj. Y roma kan choj wi, roma ri' nuben chiqe chi man jun qamak yojk'ulun chuwech roma qakuquban qak'u'x rik'in.

1 Crón 28:11

K'ari' ri David xuya' k'a kan chire ri Salomón ri ruk'ajol, ri wuj ri achoq chuwech rubanon-wi kan ri achike rubanik niban chire ri rachoch ri Dios: Ri jay ri akuchi niban-wi oken, ri jay richin niyak ri samajibel, ri ruka'n wiq jay, y ri jay ri akuchi nik'oje-wi ri káxa.

Ex 40:20

Y ri Moisés xberuk'ama-pe ri tz'alem taq abej ri k'o ri pixa' richin ri rujikibel-tzij ri Dios chuwech y xuya-qa chupan ri káxa ri xban. K'ari' xeruju' ri baloj taq che' ri yek'atzin richin uk'uabel ri káxa y xuya' kan ri tz'apebel-ruwi' ri niya'on kuyubel-mak.

1 Juan 2:2

Ja rija' ri xken richin chi nikuyutej qamak roj y konojel ri ek'o chuwech re ruwach'ulew.

Ex 26:34

Y xtikiya' k'a ri tz'apebel ruwi' ri káxa ri q'alajirisabel richin ri tununri'il, ri k'o chiri' pa janila loq'olej chire ri wachoch.

Ex 25:18

Y pa ruwi' ri tz'apebel ri', ri pa taq rutza'n xkeban jujun kiwachibel querubín ri nikitzu-ki'. Rik'in k'a q'anapueq xkeban-wi y xtiban kutzil rik'in bajibel.

Ez 28:14

Rat atk'o k'a chupan ri juyu' richin ri a-dios.*f8* Y rat nachajij ri juyu' ri' achi'el nuben jun querubín, y yabiyajilan pa runik'ajal ri abej ri ek'o pa q'aq',*f9* achi'el nuben jun chike ri a-dios.

Ex 35:12

ri káxa richin ri rujikibel-tzij ri Dios, ri baloj che' uk'uabel richin, ri tz'apebel ruwi' ri káxa y ri peraj tzieq ri nich'aron rupan ri jay,