Ex 25:11 - Kaqchiquel Bible

¹¹ Y xtikiq'olij rik'in q'anapueq, ri chirij y ri chupan y pa ruwi' xtikiben-q'anej jun chik retz'aba'l ruchi', rik'in chuqa' q'anapueq.

Ex 25:11 ပူးပေါင်းရင်းမြစ်များ

Ex 25:24

Y chijun re mesa re' xtikiq'olij rij rik'in q'anapueq ri jebel ch'ajch'oj y chuqa' xtikiben jun retz'aba'l-ruchi' rik'in q'anapueq.

2 Crón 3:4

Ri corredor ri k'o pan okibel chire ri rachoch ri Dios k'o k'a wo'o' jaj rik'in nik'aj ri ruwech, junan rik'in ri ruwech ri jay, y ri rujotolen chuqa' k'o wo'o' jaj rik'in nik'aj. Y rija' kan xutz'apej k'a rij rik'in q'anapueq ri jebel ch'ajch'oj ronojel ruwech ri jay ri',

1 Rey 6:20

Y ri jay ri' ri akuchi kan man jun wineq nok-apo xuben chire chi kaji' jaj rik'in nik'aj raqen, ri ruwech y ri rujotolen. Xutz'apej rik'in q'anapueq ri jebel ch'ajch'oj, ronojel ri ruwech ri jay ri' y xuben chuqa' ri porobel-pom rik'in tiox-che', y k'ari' xutz'apej-rij rik'in q'anapueq.

Ex 30:3

K'ari' xtiq'olij-rij rik'in q'anapueq, ri jebel ch'ajch'oj. Xtiq'olij ri ruwi', ri pa taq ruxikin y ri taq uk'a'. Chuqa' xtiben chik q'anej jun ti ruchi' rik'in q'anapueq, ri jebel ch'ajch'oj.

Hebreos 9:4

Chiri' k'o-wi ri porobel-pom ri banon rik'in q'anapueq, ri káxa richin ri rujikibel-tzij ri Dios ri ya'on q'anapueq chirij y chupan. Chupan ri' k'o jun xára banon rik'in q'anapueq ri k'o juba' aj-chikajil-wey chupan, ri ruch'ame'y ri Aarón ri xjotayin chik pe. Y chuqa' ri tz'alem taq abej ri tz'ibatel-wi kan ri jikibel-tzij.

Ex 25:12

Xtikiben chuqa' kaji' argolla rik'in q'anapueq ri ya'erisan pa q'aq' y xkekiyala' ri pa taq rutza'n ri chiri' pa taq ruxikin ri káxa, ka'i' k'a argolla ri xtibe juk'an y ka'i' ri juk'an chik.

Ex 28:23

Chuqa' xke'iben ka'i' taq argolla y k'ari' xke'iya' ri pa taq rutza'n-q'anej chire ri ti peqes.