Ex 25:10 - Kaqchiquel Bible

¹⁰ Xtabij chi tikibana' jun káxa rik'in che' acacia; ri raqen wo'o' q'a'aj rik'in nik'aj, ri ruwech oxi' q'a'aj y ri rujotolen oxi' q'a'aj.

Ex 25:10 ပူးပေါင်းရင်းမြစ်များ

Hebreos 9:4

Chiri' k'o-wi ri porobel-pom ri banon rik'in q'anapueq, ri káxa richin ri rujikibel-tzij ri Dios ri ya'on q'anapueq chirij y chupan. Chupan ri' k'o jun xára banon rik'in q'anapueq ri k'o juba' aj-chikajil-wey chupan, ri ruch'ame'y ri Aarón ri xjotayin chik pe. Y chuqa' ri tz'alem taq abej ri tz'ibatel-wi kan ri jikibel-tzij.

Apocalipsis 11:19

Y jari' k'a toq ri rachoch ri Dios ri k'o chila' chikaj, xjaqatej ri ruchi'. Y kan xtz'etetej ri káxa richin ri rujikibel-tzij ri Dios. Y kan xpe k'a koyopa', y xinwak'axaj koqolajay. Ri ruwach'ulew xsilon, y xeqaqa nimalej taq saqboch.

2 Crón 8:11

Ri Salomón kan xupaba' yan k'a q'anej jun jay richin ri rixjayil, rumi'al ri rey richin Egipto. Xrelesaj k'a el chiri' chupan ri tinamit richin kan ri rey David, roma xuch'ob chi ri rixjayil man ruk'amon ta nik'oje' chiri' pa rachoch kan ri David, roma kan chiri' xk'oje-wi ri káxa richin ri rujikibel-tzij ri Dios, y ri chiri' kan janila rejqalen. Ri Salomón xuq'axaj k'a q'anej ri rixjayil chupan ri k'ak'a' jay ri'.

Ex 35:12

ri káxa richin ri rujikibel-tzij ri Dios, ri baloj che' uk'uabel richin, ri tz'apebel ruwi' ri káxa y ri peraj tzieq ri nich'aron rupan ri jay,

Wuj Richin ri Q'axanri'il 3:31

Pa kiq'a' k'a rije' xtik'oje-wi ri káxa richin ri jikibel-tzij, ri mesa, ri taq candil, ri porobel richin kamelabel, ri porobel pom y ronojel ri samajibel ri yek'atzin, y chuqa' ri tzieq ri achoq ik'in ch'aron-wi rupan ri rachoch y ronojel ri samajibel ri nik'atzin chire ri tzieq ri'.

Wuj Richin ri Q'axanri'il 4:5

Jak'a toq nuchop chik el bey ri tinamit Israel xa ja ri Aarón y ri e ruk'ajol ri yeqasan-el ri tzieq ri achoq ik'in ch'aron-wi rupan ri wachoch y jari' ri nikiya-el chirij ri káxa ri richin ri nujikibel-tzij.

Ex 31:7

Y je achi'a' re' ri xkebanon ri wachoch richin molojri'il, ri káxa richin ri jikibel-tzij, ri tz'apebel ruwi' ri káxa y ri nik'atzin chupan ri wachoch yin.

Ex 39:32

Keri' xk'achoj ronojel ri samaj richin ri rachoch ri Dios, ri richin molojri'il. Ri winaqi' kan xkiben k'a achi'el ri xubij ri Jehová chire ri Moisés.

Wuj Richin ri Q'axanri'il 4:6

Y k'ari' nikiya' chik el jun sale'y chirij ri kan jebejoj ok rubanik y pa ruwi' chik ri' nikirik' chik el jun raxroj tzieq y k'ari' nikiju-el ri che' pa taq ruxikin richin chi utz nuk'uex.