Ex 24:18 - Kaqchiquel Bible

¹⁸ K'ari' ri Moisés xok-apo pa runik'ajal ri sutz' y xjote-el k'a pa rutza'n-q'anej ri juyu' y chiri' k'a xk'oje-wi kawineq q'ij y kawineq aq'a'.

Ex 24:18 ပူးပေါင်းရင်းမြစ်များ

1 Rey 19:11

Ri Jehová xubij chire chi rija' xtiq'ax-el chiri' y chi ri Elías tel-pe chupan ri jul y tipa'e' chuchi'. Y ri Jehová xuchop niq'ax chiri' y xuteq-pe jun nimalej kaq'iq' y ri kaq'iq' ri' xerusiloj ri juyu' y kan xepax ri abej chuwech ri Jehová, jak'a ri Jehová man beneq ta chupan ri kaq'iq' ri'. Y chirij ri kaq'iq' xpe jun nimalej silonel, jak'a ri Jehová maneq chupan ri silonel ri'.

1 Rey 19:8

Y keri' rija' xyakatej y xwa-xuk'ya'; y kan xk'oje' chik el ruchuq'a' roma ri wa'in ri'. Ri rubinen xuk'uaj k'a kawineq q'ij y kawineq aq'a', y keri' xapon k'a pa juyu' Horeb, ri juyu' richin ri Dios.

Ex 19:20

Ri Jehová xqaqa k'a pe pa rutum ri juyu' Sinaí, y k'a chiri' xroyoj-wi-pe ri Moisés, y ri Moisés xjote-q'anej k'a rik'in.

Ex 24:17

Chikiwech ri winaqi' israelita, xq'alajin chi ri rubanik ri ruk'ojlen ri Jehová, achi'el jun nimalej q'aq' ri nitikir nuk'is ronojel. Keri' ri rubanik ri xq'alajin ri pa rutza'n-q'anej ri juyu'.

Ex 25:1

Ri Jehová xch'on chik k'a rik'in ri Moisés y xubij chire:

Ex 32:1

Y jak'a toq ri winaqi' xkitz'et chi ri Moisés xa xyaloj yan y xa man qajineq ta pe pa ruwi' ri juyu', ri winaqi' jari' toq xkimol-apo-ki' chirij ri Aarón y xkibij chire: Wakami ja rat k'a ri kayakatej y tabana' jun qa-dios richin jari' ri niyuqen qichin, roma ri Moisés ri xojelesan-pe pan Egipto, man jun qetaman ri achike xuk'uluwachij, xecha'.

Ex 34:28

Ri Moisés xk'oje' k'a chiri' rik'in ri Jehová pa ruwi' ri juyu' kawineq q'ij y kawineq aq'a', y kan man jun k'a wey xutej, ni man jun ya' xuqum. Y rija' xutz'ibaj k'a chuwech ri tz'alem taq abej, ri lajuj pixa'.

Ex 9:29

Y ri Moisés xubij: Kan xaxe k'a xkinel-el chuchi' re nima-tinamit re', xtinyek ri nuq'a' chikaj, y xtink'utuj k'a chire ri Jehová, y kan xtitane' k'a ri koqolajay y ri saqboch, richin keri' nawetamaj chi ja ri Jehová rajaw re ruwach'ulew.

Ex 9:33

Y toq ri Moisés xel-el chupan ri tinamit toq k'a juba' tich'on kan rik'in ri rey, jari' toq xuyek ri ruq'a' chikaj y xch'on rik'in ri Jehová y jari' toq xtane-qa ri koqolajay, ri saqboch y xtane' chuqa' ri job ri najin pa ruwi' ri ruwach'ulew.

Wuj Richin Etamabel-Tzij 28:1

Ri wineq itzel xa nixibiyaj y jantape' tzeqeliben nuna', jak'a ri chojmilej wineq, kan achi'el jun koj ri xa man jun xibinri'il chuwech.

San Mateo 4:2

Xmewayin k'a kawineq q'ij y kawineq aq'a', y toq q'axineq chik ri q'ij ri' k'ari' xpe ruwayjal.

Marcos 1:13

Y xk'oje' k'a chiri' kawineq q'ij chikikojol k'uxunela' taq chikopi'. Jak'a ri ángel kan xkisamajij ri Jesús. Jari' k'a toq ri Itzel-Wineq xutejtobej ri Jesús.

San Lucas 4:2

Chiri' xk'oje-wi kawineq q'ij, y ri Itzel-Wineq nutejtobela' k'a. Y chupan ri janipe' q'ij xk'oje' ri Jesús chiri', man jun wey xutej. Roma ri' ninum nuna' rija'.

Deut 10:10

Y ri Moisés xubij chike ri ruwinaq: Chupan ri q'ij ri' yin xik'oje' pa ruwi' ri juyu', kawineq q'ij y kawineq aq'a' achi'el xinben ri nabey mul. Y ri Jehová kan xirak'axaj k'a jun bey chik y roma ri' man xeruk'is ta.

Deut 5:31

Jak'a rat yak'oje' kan wawe' wik'in, richin ninbij chawe ronojel ri nupixa' richin xkentijoj. Y wi rije' kan xtikitaqej ri pixa', chuqa' xkek'oje' chupan ri ruwach'ulew ri xtinbenya' chike, xcha' chuwe.

Deut 9:18

K'ari' yin xixuke' chik k'a chuwech ri Jehová kawineq q'ij y kawineq aq'a' y man xiwa-xinuk'ya' ta, roma ri mak ri xkiben chuwech rija', xkiya' q'axo'n pa ránima y xkiyek janila royowal.

Deut 9:25

Roma ri' rija' xubij chi yeruk'is jumul, y jari' toq yin xixuke' kawineq q'ij y kawineq aq'a' chuwech ri Jehová koma rije'.

Deut 9:9

Toq yin xijote-el pa ruwi' ri juyu' ri' richin xebenk'ulu' kan ri ka'i' tz'alem taq abej richin ri rujikibel-tzij ri Jehová ri xuben qik'in, xik'oje' k'a chiri' kawineq q'ij y kawineq aq'a' man xiwa' ta y man xinuk'ya' ta.