Ex 24:17 - Kaqchiquel Bible

¹⁷ Chikiwech ri winaqi' israelita, xq'alajin chi ri rubanik ri ruk'ojlen ri Jehová, achi'el jun nimalej q'aq' ri nitikir nuk'is ronojel. Keri' ri rubanik ri xq'alajin ri pa rutza'n-q'anej ri juyu'.

Ex 24:17 ပူးပေါင်းရင်းမြစ်များ

Hebreos 12:29

Roma ri qa-Dios kan achi'el q'aq' ri kan nuk'is ronojel.

Hebreos 12:18

Roj ri qaniman chik ri Jesucristo, man chuxe' ta k'a ri juyu' Sinaí oj apowineq-apo, ni man niqachop ta, achi'el xkiben ri qati't-qamama' ojer kan. Rije' xek'oje' chuxe' ri juyu' ri' nijino pa q'aq', kan q'equmatajineq y k'o jun nimalej kaq'iq' rachibilan koqolajay.

Deut 4:36

Ri Dios xch'on-pe qik'in chila' chikaj richin xojrupixabaj, y re wawe' chuwech re ruwach'ulew xuk'ut jun nimalej q'aq' y chupan ri' xch'on-pe qik'in.

Ex 3:2

Y ri chiri' ri ángel richin ri Jehová xuk'ut k'a ri' chuwech ri Moisés, chupan jun ruxaq q'aq' ri nel-pe chupan jun q'ayis k'o ruk'ixal. Toq ri Moisés xutz'et ri' xuch'ob rij chi achike roma toq ri jun k'ix ri' man nik'is ta qa pa ruq'a' ri q'aq'.

Deut 4:24

Ri Jehová ri qa-Dios kan man niqa' ta chuwech chi k'o ta jun chik niya' ruq'ij, roma ri royowal rija' achi'el q'aq' ri nuk'is ronojel.

Ex 19:18

Kan chijun k'a ri juyu' Sinaí nibuqun pa sib, roma ri Jehová xqaqa-pe pa ruwi' ri juyu' ri' rik'in q'aq'. Y ri sib ri' kan achi'el k'a ri rusibil jun horno nuben, y chijun ri juyu' nisilon janila.

Ez 1:27

Y kere' ri rubanik: Nitiker-el xerupan k'a pa jotol kan nirepelun achi'el xa ta jun ch'ich' ri nibiron pa q'aq'. Y ri xerupan pa xulan xintz'et chi achi'el xa ta q'aq' y kan rusaqirisan chijun rij,

Wuj Richin ri Nahum 1:6

¿Achike kami nitikir nikoch'on ri royowal rija'? ¿Achike ta k'a nitikir nikoch'on ri ruq'aq'al ri royowal? Roma ri royowal rija' kan nitix achi'el ri ch'ich' ri ya'erisan pa q'aq', y chuwech k'a rija' yepax ri nima'q taq abej.

Deut 9:3

Roma ri' tiwetamaj chi ri Jehová ri qa-Dios ja rija' ri ik'owineq chiwech rix, achi'el jun q'aq' ri nuk'is ronojel. Rija' xkeruk'is y xtuqasaj kiq'ij; y rix kan xke'iwelesaj-el y kan xke'ik'is chi'anin, achi'el xubij ri Jehová.

Ez 1:28

kan achi'el k'a ri kotoq'a' ri niq'alajin chupan ri sutz' pa ruq'ijul job. Keri' toq ri Jehová xuk'ut ri ruk'ojlemal chinuwech y xaxe k'a toq xintz'et ronojel re' kixukuk xiqaqa k'a pan ulew. Y k'ari' xinwak'axaj toq rija' xch'on-pe wik'in.

Ex 19:11

Roma chupan-apo ri rox q'ij, konojel ta winaqi' kichojmirisan ta chik ki', roma jari' toq ri Jehová xtiqaqa-pe pa ruwi' re juyu' re' y konojel ri awinaq kan kitzuliben k'a toq xtiqaqa-pe.

2 Sam 22:9

Roma ri royowal, ri pa rutza'n kan xel k'a pe sib; ri pa ruchi' kan xel-pe q'aq' ri kan nuk'is ronojel; y kan xk'a'on k'a ri racheq-q'aq'.

2 Sam 22:13

Chupan k'a ri sutz' ri' xel-pe rusaqil ri Jehová. Jari' k'a toq xqaqa-pe saqboch, koyopa' y q'aq'.