Ex 24:12 - Kaqchiquel Bible

¹² Chirij ri' ri Jehová xch'on chik rik'in ri Moisés y xubij: Kajote-pe wawe' wik'in pa ruwi' re juyu' y xkak'oje' wik'in. Y yin xtinya' k'a ri tz'alem taq abej chawe, ri uk'uayon ri pixa' ri ninwajo' chi niben. Ri xintz'ibaj kan richin chi rat nak'ut chikiwech ri winaqi'.

Ex 24:12 ပူးပေါင်းရင်းမြစ်များ

1 Rey 19:11

Ri Jehová xubij chire chi rija' xtiq'ax-el chiri' y chi ri Elías tel-pe chupan ri jul y tipa'e' chuchi'. Y ri Jehová xuchop niq'ax chiri' y xuteq-pe jun nimalej kaq'iq' y ri kaq'iq' ri' xerusiloj ri juyu' y kan xepax ri abej chuwech ri Jehová, jak'a ri Jehová man beneq ta chupan ri kaq'iq' ri'. Y chirij ri kaq'iq' xpe jun nimalej silonel, jak'a ri Jehová maneq chupan ri silonel ri'.

Wuj Richin ri Esdras 7:10

roma ri Esdras kan xucha' ruk'u'x richin xunik'oj ri pixa' ri xuya' ri Jehová chike, chuqa' xuben ri nubij y xucha' chuqa' ruk'u'x richin yerutijoj ri ruwinaq.

Wuj Richin ri Nehemías 9:13

Y k'ari' rat xaqaqa-pe pa ruwi' ri juyu' Sinaí richin xach'on kik'in rije' richin xaya' ronojel pixa' y ruchojmilal ri kan e choj.

Wuj Richin ri Nehemías 9:14

Keri' xak'ut chikiwech ri q'ij richin uxlanenri'il, y ronojel xajech pa ruq'a' ri Moisés ri asamajel.

Wuj Richin Bix Chire ri Dios 19:12

¿Achike ta k'a wineq ri nitikir nutz'et-qa-ri' chire ri man ja ta ri yeruben? Roma ri' tabana' utzil Jehová, takuyu' ri numak ri kan man yitikir ta nintz'et-qa yin.

Ex 19:3

Y ri Moisés xjote' k'a el pa ruwi' ri juyu'. Y ri chiri' pa ruwi' ri juyu', ri Dios xch'on-pe rik'in y xubij-pe chire: Kere' k'a tabij chike konojel ri e rijatzul ri Jacob, taya' rutzijol chike ri winaqi' israelita y tabij:

Ex 24:15

Y jari' toq ri Moisés xjote' k'a q'anej pa ruwi' ri juyu' y ri sutz' kan xutz'apej rij ri juyu' ri'.

Ex 24:18

K'ari' ri Moisés xok-apo pa runik'ajal ri sutz' y xjote-el k'a pa rutza'n-q'anej ri juyu' y chiri' k'a xk'oje-wi kawineq q'ij y kawineq aq'a'.

Ex 24:2

Y xaxe k'a rat Moisés ri xkajel-pe k'a wik'in. Ri ch'aqa' chik man kejel-pe, ni ta ri winaqi' richin ri tinamit man kejote-pe, xcha' chire.

Ex 31:18

Toq ri Jehová xtane' chi ch'owen rik'in ri Moisés chiri' pa ruwi' ri juyu' Sinaí, xujech-pe ri ka'i' tz'alem taq abej chire, ri akuchi nuq'alajirisaj-wi ri rurayibel rija'. Re tz'alem taq abej re' kan ja ri Dios ri xtz'iban-pe kiwech.

Ex 32:1

Y jak'a toq ri winaqi' xkitz'et chi ri Moisés xa xyaloj yan y xa man qajineq ta pe pa ruwi' ri juyu', ri winaqi' jari' toq xkimol-apo-ki' chirij ri Aarón y xkibij chire: Wakami ja rat k'a ri kayakatej y tabana' jun qa-dios richin jari' ri niyuqen qichin, roma ri Moisés ri xojelesan-pe pan Egipto, man jun qetaman ri achike xuk'uluwachij, xecha'.

Ex 34:1

Ri Jehová xubij chik k'a chire ri Moisés: Ke'achoyo' ka'i' tz'alem taq abej junan kik'in ri xenjech chawe ri pa nabey y xtintz'ibaj chik k'a chikiwech ri abej ri', ri ch'abel ri xintz'ibaj chikiwech ri abej ri xe'apaxij.

Wuj Richin ri Jeremías 31:33

Roma kan jare' k'a ri k'ak'a' jikibel-tzij ri xtinben yin Jehová kik'in rije' chupan ri q'ij ri' y kan xtinben richin xtibek'oje' ri nupixa' pa taq kánima. Chupan ri q'ij ri' yin xkinok ki-Dios y rije' xke'ok nutinamit.

San Mateo 5:19

Xabachike wineq ri nuq'ej ruwi' jun chike ri nubij chupan ri pixa', stape' ta jun tzij ri achi'el xa ta man jun rejqalen niq'alajin; y kan keri' chuqa' yerutijoj-wi ri ch'aqa' chik winaqi'; ri nibanon keri', xa man jun k'a ok ruq'ij xtik'oje' chikikojol ri ek'o chupan ri aj-chikajil ajawaren. Jak'a ri wineq ri nibanon ronojel ri tz'ibatel chupan ri pixa' y kan keri' chuqa' yerutijoj-wi ri ch'aqa' chik winaqi', ri nibanon keri' kan xtik'oje' k'a ruq'ij chikikojol ri ek'o chupan ri ajawaren ri'.

2 Corintios 3:3

Ri qawuj roj ri nibin chi kan qojk'ul, kan ja wi rix, y ja ri Cristo ri banayon-pe rik'in ri Loq'olej Espíritu richin ri k'aslik Dios. Jak'a man rik'in ta tz'ibabel banon-wi, ni man chuwech ta chuqa' tz'alem taq abej; xa kan chuwech k'a ri iwánima.

2 Corintios 3:7

Toq xban ri nabey jikibel-tzij, xtz'ibex chuwech tz'alem taq abej y kan xq'alajin ri ruq'ij-ruk'ojlen ri Dios, y ri ruwech ri Moisés kan xch'ich'an. Y stape' ri saqil ri' xa beneq-qa ruk'isinen, ri winaqi' judío kan man xetikir ta xkitzu' ruwech ri Moisés. Y ri nabey jikibel-tzij ri' xa xuk'en-pe ri kamik.

Deut 4:14

Y ri Jehová kan xubij k'a chuwe yin chupan ri q'ij ri' chi kan nink'ut chiwech ri pixa' y ri ruchojmilal ri kan k'o chi niben chupan ri ruwach'ulew ri akuchi xkixapon-wi, ri xtiwichinaj kan.

Deut 5:22

Jare' k'a ri ruch'abel ri Jehová toq xch'on qik'in qonojel, pa ruwi' ri juyu' y pa runik'ajal ri q'aq', ri sutz' y ri nimalej q'equ'm y xak'axatej k'a ri ruch'abel y man jun ch'abel ri xuya' ta ruwi'. Y ja ch'abel re' ri xutz'ibaj-pe chuwech ka'i' tz'alem taq abej y xuya-pe chuwe yin.

Deut 5:31

Jak'a rat yak'oje' kan wawe' wik'in, richin ninbij chawe ronojel ri nupixa' richin xkentijoj. Y wi rije' kan xtikitaqej ri pixa', chuqa' xkek'oje' chupan ri ruwach'ulew ri xtinbenya' chike, xcha' chuwe.

Hebreos 9:4

Chiri' k'o-wi ri porobel-pom ri banon rik'in q'anapueq, ri káxa richin ri rujikibel-tzij ri Dios ri ya'on q'anapueq chirij y chupan. Chupan ri' k'o jun xára banon rik'in q'anapueq ri k'o juba' aj-chikajil-wey chupan, ri ruch'ame'y ri Aarón ri xjotayin chik pe. Y chuqa' ri tz'alem taq abej ri tz'ibatel-wi kan ri jikibel-tzij.