Ex 24:10 - Kaqchiquel Bible

¹⁰ Y rije' xkitz'et k'a ri Dios richin ri Israel ri chiri' y ri akuchi pa'el-wi rija' jun k'a nimalej ripirik abej rubini'an zafiro, niyok'olin y ch'ajch'oj-ch'ajch'oj nitzu'un ri ruwi', kan achi'el ri kaj toq ch'ajch'oj-ch'ajch'oj ri ruwech.

Ex 24:10 ပူးပေါင်းရင်းမြစ်များ

San Juan 1:18

Kan man jun k'a wineq ri tz'eteyon ta richin ri Dios, xa kan xaxe ri ruk'ajol ri tz'eteyon richin. Ri Dios xaxe ri juney ruk'ajol k'o y janila nrajo'. Jari' ri xoq'alajirisan-qa ri Dios chiqawech re wawe' chuwach'ulew.

Ez 10:1

Y xeri' yin xintz'et chik jun bey ri tz'uyubel ri k'o-q'anej pa ruwi' ri wokowik, ri k'o-q'anej pa kiwi' ri e kaji' querubín.

Apocalipsis 4:3

Y ri rubanik ri tz'uyul chupan ri tz'uyubel ri' kan niyok'olin nitzu'un, achi'el ri abej jaspe y ri cornalina. Ri tz'uyubel ri' sutin-rij roma jun kotoq'a' re' rex-rex nitzu'un, achi'el ri abej esmeralda.

1 Timoteo 6:16

Y kan xaxe rija' ri man kamel ta. Rija' kan pa saqil k'o-wi, ri kan man jun nitikir nijel-apo rik'in. Man jun achike ta wineq tz'eteyon, ni man jun chuqa' nitikir nitz'eton. Ri ruchuq'a' rija' xtik'oje' ta pa qawi' richin jantape', y kan xtuk'ul ta ruq'ij richin jantape'. Keri' ta k'a.

Ex 33:23

Y toq yin welesan chik el ri nuq'a', jari' toq rat xtatz'et k'a el xaxe chik ri wij; roma ri nuwech kan man jun k'a tz'eteyon, xcha' ri Jehová.

Ex 33:20

Jak'a chirij ri rurayibel ri Moisés, ri Dios xubij: Kan man xtinya' ta q'ij chawe chi rat xkinatz'et, roma kan man jun wineq ri nitz'eton wichin y nik'ase' ta kan.

Wuj Richin ri Rutikeribel 32:30

Y ri Jacob xubij Penuel*f28* chire ri tinamit ri', roma xinwetamaj ruwech ri Dios y k'a in k'es na kan, xcha'.

Apocalipsis 21:11

Y re tinamit re', kan niyik'lun roma ri rusaqil ri Dios; kan achi'el niyik'lun ri abej jaspe, kan rex y keq nitzu'un achi'el ri chay.

1 Juan 4:12

Roma wi niqajowala-qi' chiqawech, kan niq'alajin chi ri Dios k'o pa taq qánima, stape' rija' man jun tz'eteyon richin. Y chuqa' ri ajowabel richin rija' nik'iy y niwachin pa qak'aslen.

San Juan 14:9

Jak'a ri Jesús xubij chire: Felipe, ¿man jani awetaman nuwech? Yin, kan k'o yan k'a juna' kik'oje-pe iwik'in. Ri tz'eteyon wichin yin, rutz'eton k'a chuqa' ri nata'. ¿Achike k'a roma toq rat nabij chi nink'ut ri nata' chiwech?

San Mateo 17:2

Chiri' ri Jesús xjalatej k'a ruwech chikiwech ri e oxi' rutijoxela'. Xok k'a achi'el nitzu'un ri q'ij toq jebel niyik'lun. Y ri rutziaq kan xok achi'el ri saqil.

Apocalipsis 1:16

Ri pa rijkiq'a' e ruk'uan wuqu' ch'umila', ri pa ruchi' nik'ulun-pe jun espada ri k'o ka'i' rey, y ri nitzu'un, achi'el ri q'ij toq janila ruchuq'a'.

San Juan 6:46

Jak'a yin man ninbij ta k'a chi k'o ta jun wineq ri tz'eteyon richin ri Dios. Xaxe yin ri in peteneq chila' chikaj rik'in rija' ri in tz'eteyon ruwech ri Dios.

Wuj Richin ri Nimalej Bix 6:10

Rat kan at jebel ok achi'el ri kaj toq niseqer-pe. Kan janila at jebel ok achi'el ri ik', y yayik'lun achi'el ri q'ij. Rat kan at jebejoj ok achi'el ri ch'umila'.

1 Rey 22:19

Y ri Micaías xch'on chik y xubij: Wakami k'a, tawak'axaj k'a ri nubij ri Jehová. Yin kan xintz'et ri Jehová tz'uyul pa rutz'uyubal richin q'atbel-tzij, y ek'o-apo ri ángel rik'in y kan man e ajlatel ta; ek'o pa rijkiq'a' y pa rajxokon.

Ex 3:6

Y chuqa' xubij chire: Ja yin ri ru-Dios ri atata', ri ru-Dios ri Abraham, ri ru-Dios ri Isaac, y ri ru-Dios ri Jacob, xcha' chire. Toq xrak'axaj keri', ri Moisés xrewaj rupalej, roma xuxibij-ri' richin nutzu' ruwech ri Dios.

Ex 24:11

Y ri Jehová kan man jun k'a achike ta xuben chike rije'. Y kan ja ri chiri' chuwech rija' xewa-xe'uk'ya-wi.

Wuj Richin ri Q'axanri'il 12:8

Roma ri', rik'in rija' kan yojtzijon-wi chiqawech y niqatzu-qi'; y richin chi niq'ax chuwech ri ninbij chire, yin ninkusaj ri ch'abel ri niq'ax chuwech rija'. Y wi ri nusamajel Moisés kan in rutz'eton toq in tzijowineq rik'in, ¿achike k'a roma man jun rukiy chiwech y janila itzel yixch'on chirij rija'?, xcha'.

Wuj Richin ri Nimalej Bix 5:14

Ri ruq'a' kan e achi'el ch'ich', y q'enq'oj yetzu'un roma e wiqon rik'in q'anapueq y jebelej taq abej. Ri ruch'akul kan seq-seq achi'el ri marfíl, ri e wiqon rik'in jalajoj ruwech abej.

Wuj Richin ri K'uxla'anik 4:7

Ri e tata'al ri xek'oje' pa Jerusalem kan janila k'a e ch'ajch'oj. Kan más k'a kiloxil chuwech ri leche. Jebel k'a xtzu'un ri kibanikil. Rije' kan xeyok'olin achi'el yeyok'olin ri jebelej taq abej.

Ez 1:1

Xk'uluwachitej k'a chi chupan ri juna' juwineq lajuj*f1* chupan ri ro' q'ij chire ri rukaj ik' chupan ri ro' juna', toq xk'amer-pe ri rey Joaquín pa ximonri'il; yin Ezequiel ri in sacerdote ruk'ajol kan ri Buzí. Ink'o k'a chunaqaj ri raqen-ya' Quebar chiri' pa ruwach'ulew Babilonia chikikojol ri nuwinaq ri e k'amon-pe pa ximonri'il. Jari' toq ri Jehová xch'on wik'in y kan jari' xoqaqa ri ruchuq'a' pa nuwi' y k'o k'a xuk'ut chinuwech.

Dn 10:17

¿Achi'el ta k'a toq xkitikir xkich'on awik'in, yin ri in asamajel, roma xa kan xk'is ri wuchuq'a' jumul, y man yitikir ta chik ninjiq'aj wuxla'?, xicha' chire.

Wuj Richin ri Rutikeribel 32:31

Y toq rija' xuq'axaj-apo ri tinamit Penuel, jari' toq xel-pe ri q'ij pa ruwi'; y rija' nijekma'y k'a nibiyin.

2 Crón 6:17

Wakami k'a Jehová ri at qa-Dios richin Israel, kan tabana' k'a ri ach'abel ri asujun kan chire ri asamajel David ri nata', xcha' ri Salomón.