Ex 23:7 - Kaqchiquel Bible

⁷ Man tiju-iwi' chupan tz'ukuj taq tzij, ni man tiben chi nikamisex jun wineq ri xa man jun rumak o choj ruk'aslen. Roma ri wineq ri nibanon keri' chirij jun chik, xa kan aj-mak-wi.

Ex 23:7 ပူးပေါင်းရင်းမြစ်များ

Efesios 4:25

Roma ri' tiya' kan ri tz'ukuj taq tzij; xa kan xaxe k'a ri qitzij ri tikusaj kik'in ri qach'alal, roma roj xa jun ch'akulaj qabanon rik'in ri Cristo.

Ex 34:7

Ri nujoyowanik yin kan xtik'oje' k'a kik'in ri winaqi' ri yepe chi wiq chi tanaj, richin jantape'. Yin kan ninkuy k'a ri itzel taq kibanobal, ri kiyakatajinenri'il y ri kimak. Chinuwech yin, ri yebanon etzelal kan k'o chi nikik'ul ri rutojbalil roma ri kimak. Ri rutojbalil ri kimak ri tata'aj, kan xkerumej ri kalk'ual, ri kimam, ri xikin-kimam y ri kalk'ual ri kixikin-kimam, xcha' ri Jehová.

Ex 23:1

Kan man jun bey k'a titz'uk-tzij. Man tito' jun wineq ri xa makuwineq y rix kan nibij chi man jun rumak.

1 Tesalonicenses 5:22

Jak'a chire ronojel ruwech etzelal, kan tijech'ej-iwi' rik'in.

Wuj Richin ri Chojmirisabelri'il 19:11

Man k'a kixeleq'; man tiq'ol jun chik; y man titz'uk-tzij chiwech rix.

Romanos 1:18

Ri Dios yakatajineq royowal chikij ri winaqi' ri itzel taq kibanobal. Roma rik'in ri itzel kibanobal kiq'aton ri qitzij tijonik.

San Lucas 3:14

Chuqa' ek'o ka'i-oxi' aj-labal, xkik'utuj-apo chire: Roj, ¿achike ruk'amon chi niqaben?, xecha'. Ri Juan xubij chike: Man jun tiwelesaj chuwi kiq'a' ri winaqi', xaxe roma k'o q'atbel-tzij pan iq'a'. Ni man jun achike ke'iq'abala' chikij winaqi'; xa kan kixkikot rik'in ri nich'ek, xcha' chike.

Wuj Richin ri Nahum 1:3

Ri Jehová kan k'o chupan ri kaq'iq' rachibilan ri job y ri surkum, y ri nimalej taq sutz' chuwech rija' achi'el ri poqolaj ri nuyek ri raqen toq nibiyin. Ri Jehová kan janila ruchuq'a' y man chi'anin ta noyower, jak'a kan man xtuya' ta kan ri aj-mak choj keri'.

Wuj Richin ri Isaías 33:15

¿Achike kami wineq ri nibiyin pa ruchojmilal? Ri nibin ri qitzij; ri man nibeyomer ta rik'in ri man ruch'akon ta; ri man nuya' ta q'ij chi nipuaqix; ri man nrajo' ta nrak'axaj toq niban ch'owen chirij jun kamik; y ri man nuch'ob ta nuben ri itzel taq banobel.

Wuj Richin Etamabel-Tzij 17:15

Ek'o yebanon chi ri aj-mak choj rubanobal nikiben chire y ri maneq rumak nikiben aj-mak chire; chi ka'i' banobel re' kan itzel k'a nitz'et roma ri Jehová.

Wuj Richin ri Achin Job 22:23

Y wi rat kan nitzolin-pe ak'u'x rik'in ri Dios, ri k'o ronojel uchuq'a' pa ruq'a', xkayakatej k'a, y keri' kan xtipa'e' rubanik ronojel ri man utz ta pan awachoch.

Ex 20:13

Man tiben k'a kamik.

Wuj Richin ri Rutikeribel 18:23

K'ari' xjel-apo ri Abraham rik'in ri Jehová y xubij chire: ¿Kan xke'ak'is kami el konojel ri winaqi' ri utz kibanobal junan kik'in ri itzel taq kibanobal?

Ex 20:16

Man tiyek tzij chirij jun chik iwinaq.

Wuj Richin ri Chojmirisabelri'il 19:16

Man k'a tikamuluj-tzij chi'ikojol rix: man k'a tiyoj-iwi' kik'in ri yekamisan kichin ri iwinaq. Yin Jehová ri yibin.

Deut 25:1

Toq k'o jun oyowal chikikojol e ka'i' achi'a', k'o chi ye'uk'uex chuwech ri q'atbel-tzij, richin niq'at-tzij pa kiwi'. Y ri to'onela' nikiq'alajirisaj ri achike ri aj-mak y nikiya' ri rutojbalil pa ruwi'.

Wuj Richin Bix Chire ri Dios 94:21

Ri winaqi' ri' xa kan nikimol k'a ki' richin nikelesaj ri ruk'aslen ri utzilej wineq. Nikiben k'a chire ri maneq rumak, chi nutoj rumak.

Wuj Richin Bix Chire ri Dios 119:29

Kinajech'ej k'a chuwech ri tz'ukun-tzij; taya' ri awutzil pa nuwi' richin jantape' ta xtintzeqelibej ri apixa'.

Wuj Richin Etamabel-Tzij 11:21

Kan q'alaj wi k'a chi ri wineq itzel, kan man xtril ta rukolotajik, jak'a ri wineq ri kan choj ruk'aslen, kan jajun chuqa' ri e riy-rumam xkekolotej.

Wuj Richin ri Isaías 5:20

¡Kan toq'ex k'a iwech ri nibij utz chire ri itzel, y nibij itzel chire ri utz! Kan niben chire ri saqil, q'equ'm y chire ri q'equ'm, saqil. Kan niben k'ey chire ri ki', y chire ri ki' niben k'ey.