Ex 23:33 - Kaqchiquel Bible

³³ Kan man k'a tiya' q'ij chike re winaqi' re' chi yek'ase' chi'ikojol, roma rije' xa xtikiben chiwe chi yixmakun chinuwech. Y wi rix kan xke'isamajij ri ki-dios, jari' ri xtibanon chiwe chi xkixtzaq, xcha'.

Ex 23:33 ပူးပေါင်းရင်းမြစ်များ

Wuj Richin Bix Chire ri Dios 106:36

y xekisamajij ri ki-dios. Jare' xbanon chike chi xpe wululen chikij.

Deut 7:16

Y rix kan xke'ik'is konojel ri e nima'q taq tinamit ri xkeruya' ri Jehová ri qa-Dios pan iq'a'; man tikuy kimak y man tiya' kiq'ij ri ki-dios, roma jari' ri xtok jun pikbel chiwe rix.

Wuj Kichin ri To'onela' 2:3

Roma ri' yin ninbij chiwe chi roma man xe'iwoqotaj ta el re winaqi' re' chi'ikojol, ni man xe'iwelesaj ta el ri ki-dios chi'ikojol, xa xke'ok k'a pikbel chiwe rix, xcha'.

Wuj Richin ri Josúe 23:13

kan tiwetamaj k'a chi wi xtiben keri', ri Jehová man xkerelesaj ta el chiwech rix ri winaqi' richin ri ruwach'ulew ri'. Y xa xke'ok k'a jun pikbel chiwe rix, y xkixqaqa pa kiq'a', y xtina' k'a achi'el yixjich' chi xik'a'y y achi'el chuqa' jun k'ix k'o pa runaq'-iwech, y kan xkixruk'is-el chuwech re jebelej ruwach'ulew ri xuya' ri Jehová ri qa-Dios chiqe.

Ex 34:12

Tichajij-iwi' richin chi man niben jikibel-tzij richin niya' itzij chike ri winaqi' ri ek'o chiri' ri akuchi xkixapon-wi, richin chi man ye'ok jun pikbel pan ik'aslen y nikiben chiwe richin yixtzaq.

Deut 12:30

kan tichajij-iwi' richin man nitzeqelibej ri ki-dios ri winaqi' ri', roma wi keri' xtiben, kan xkixk'is. Chuqa' man tik'utuj achike rubanik ri ki-dios, ni man ye'itzeqelibej richin niya' kiq'ij.

2 Timoteo 2:26

Y rik'in ri' xkech'obon chik utz y xkekolotej pa ruq'a' ri Itzel-Wineq, ri eruchapon richin nuben kik'in xabachike ri nrajo'.

2 Crón 33:9

Jak'a ri Manasés xa xeruyuqej ri ruwinaq chubanik ri etzelal. Y kan xik'o chik k'a ruwi' ri etzelal ri xkiben rije' chikiwech ri ch'aqa' chik winaqi' ri xek'oje' chiri' ojer kan, ri xeruk'is kan ri Jehová chikiwech ri israelita.

1 Rey 14:16

Roma ri' ri Jehová xtumalij kan ri Israel roma ri rumak ri xuben ri Jeroboam, y roma chuqa' kan xuben chi xemakun konojel winaqi' richin Israel, xcha' ri Ahías.

1 Sam 18:21

Y xubij-qa: Xtinya' ri Mical chire ri David, y re' xtik'atzin richin jun pikbel chire richin xtitzaq pa kiq'a' ri aj-Filistea, xcha-qa. K'ari' ri Saúl xubij chik chire ri David: Wakami kan xkatok-wi nuji', xcha'.

Ex 10:7

Xeri' ri aj-raqen ri ek'o rik'in ri rey xkibij chire: ¿K'a jampe' k'a xtitane' chuya'ik ruk'ayewal pa qawi' re achin re'? Xa kan más utz taya' q'ij chike richin yebe y nibekisamajij ri ki-Dios. ¿Kan man natzu' ta k'a chi re qaruwach'ulew xa kan nik'is yan roma ronojel ruk'ayewal ri qajineq pa ruwi'?, xecha'.

Ex 23:24

Man k'a kixxuke' chikiwech ri ki-dios, ni man ke'isamajij, ni man titzeqelibej chuqa' achi'el ri nikiben ri winaqi' ri'. Xa kan ke'iq'umla' k'a el konojel ri wachibel ri e kibanon y ke'iwulaj jumul.

Deut 7:1

Toq ri Jehová Dios xkixrukusaj-apo chupan ri ruwach'ulew, jari' toq kan chiwech xkerelesaj-el wuqu' tinamit ri janila e nima'q y janila kuchuq'a' chiwech rix, jare' ri tinamit: Ri hitita, ri gergeseo, ri amorreo, ri cananeo, ri ferezeo, ri heveo y ri jebuseo.

Deut 20:18

richin man nikik'ut chiwech ri itzel taq banobel ri xekibanala' rije', richin nikiya' ruq'ij ri ki-dios; y keri' nikiben chiwe richin yixmakun chuwech ri Jehová ri qa-Dios.

Wuj Richin ri Josúe 10:40

Ri Josué y ri achi'a' xekich'ek k'a konojel tinamit ri ek'o pa xokon: Ri winaqi' ri ek'o chuwech ri ruwach'ulew ri ek'o chuwa taq juyu', ri ek'o pa xokon chire ri ruwach'ulew, ri ek'o pa taq'aj chuwech ri palou y ri ek'o pa xulan chire ri relebel-q'ij. Y xekikamisaj ri ki-rey y konojel winaqi' ri ek'o chiri', y kan man jun k'a xkiya' kan rik'in ruk'aslen. Kan konojel k'a xekikamisaj, achi'el rubin ri Jehová Dios richin Israel.

Wuj Kichin ri To'onela' 2:2

richin chi rix man ta nijunamatej-iwech kik'in ri winaqi' ri ek'o chupan re ruwach'ulew re', y ri kiporobal kan k'o chi xke'iwulaj-el, xicha' chike rije'. Jak'a rix xa man xinimaj ta nutzij. ¡Titz'eta' re ibanon wakami!