Ex 23:32 - Kaqchiquel Bible

³² Man tiben chi nijunamatej-iwech kik'in ri winaqi', rik'in jikibel-tzij y man tik'en kiwech ri ki-dios.

Ex 23:32 ပူးပေါင်းရင်းမြစ်များ

Deut 7:2

Toq ri Jehová ri qa-Dios xerujech yan pan iq'a', man tijunamatej-iwech kik'in, ni man tijoyowaj kiwech, xa kan ke'ik'isa' k'a konojel.

Ex 34:12

Tichajij-iwi' richin chi man niben jikibel-tzij richin niya' itzij chike ri winaqi' ri ek'o chiri' ri akuchi xkixapon-wi, richin chi man ye'ok jun pikbel pan ik'aslen y nikiben chiwe richin yixtzaq.

Ex 34:15

Kan man titun-iwi' kik'in ri winaqi' ri ek'o chupan ri ruwach'ulew ri akuchi xkixapon-wi. Roma ri q'ij toq rije' xtikiya' ruq'ij ri ki-dios y xtikisuj kamelabel chuwech, jari' toq xkixkoyoj. Y rix kan xkixbe k'a, roma man xkixtikir ta xtibij chike chi man yixbe ta. Y keri', rix xtibetija' ri xa xkisuj yan chuwech ri ki-dios.

Wuj Richin Bix Chire ri Dios 106:35

Pa ruk'exel chi xekik'is, xa xkitun-ki' kik'in. Xa xekibanala' k'a ri kibanobal ri winaqi' ri',

Deut 7:16

Y rix kan xke'ik'is konojel ri e nima'q taq tinamit ri xkeruya' ri Jehová ri qa-Dios pan iq'a'; man tikuy kimak y man tiya' kiq'ij ri ki-dios, roma jari' ri xtok jun pikbel chiwe rix.

2 Corintios 6:15

¿Achi'el ta k'a toq ri Cristo nijunamatej ruwech rik'in ri Belial?*f3* ¿O kan man jun ta kami rukojol jun nimanel rik'in jun ri xa man nimanel ta?

Ex 23:13

Kan titaqej k'a ronojel re xinbij chiwe yin. Kan man jun bey k'a tik'utuj to'onik chike ch'aqa' chik dios, ni man tinataj ri kibi'.

Ex 23:24

Man k'a kixxuke' chikiwech ri ki-dios, ni man ke'isamajij, ni man titzeqelibej chuqa' achi'el ri nikiben ri winaqi' ri'. Xa kan ke'iq'umla' k'a el konojel ri wachibel ri e kibanon y ke'iwulaj jumul.

Wuj Richin ri Josúe 9:7

Y ri winaqi' aj-Israel xkibij chike ri achi'a' heveo: Rik'in k'a juba' rix xa ke taq re' naqaj ixk'o-wi, ¿achi'el ta k'a yojtikir nijunamatej-qawech iwik'in?, xecha'.

Wuj Kichin ri To'onela' 2:2

richin chi rix man ta nijunamatej-iwech kik'in ri winaqi' ri ek'o chupan re ruwach'ulew re', y ri kiporobal kan k'o chi xke'iwulaj-el, xicha' chike rije'. Jak'a rix xa man xinimaj ta nutzij. ¡Titz'eta' re ibanon wakami!

Deut 7:1

Toq ri Jehová Dios xkixrukusaj-apo chupan ri ruwach'ulew, jari' toq kan chiwech xkerelesaj-el wuqu' tinamit ri janila e nima'q y janila kuchuq'a' chiwech rix, jare' ri tinamit: Ri hitita, ri gergeseo, ri amorreo, ri cananeo, ri ferezeo, ri heveo y ri jebuseo.

Deut 20:18

richin man nikik'ut chiwech ri itzel taq banobel ri xekibanala' rije', richin nikiya' ruq'ij ri ki-dios; y keri' nikiben chiwe richin yixmakun chuwech ri Jehová ri qa-Dios.

Deut 31:5

Ri Jehová xkerujech pan iq'a' y rix kan ja k'a ri nubin yin chiwe jari' ri k'o chi niben kik'in.

Wuj Richin ri Josúe 10:40

Ri Josué y ri achi'a' xekich'ek k'a konojel tinamit ri ek'o pa xokon: Ri winaqi' ri ek'o chuwech ri ruwach'ulew ri ek'o chuwa taq juyu', ri ek'o pa xokon chire ri ruwach'ulew, ri ek'o pa taq'aj chuwech ri palou y ri ek'o pa xulan chire ri relebel-q'ij. Y xekikamisaj ri ki-rey y konojel winaqi' ri ek'o chiri', y kan man jun k'a xkiya' kan rik'in ruk'aslen. Kan konojel k'a xekikamisaj, achi'el rubin ri Jehová Dios richin Israel.