Ex 23:31 - Kaqchiquel Bible

³¹ Yin kan ninya' yan k'a chiwe ri k'ulba't richin re ruwach'ulew re ninya' chiwe. Nuchop-el rik'in re Kaqa-Palou, nijote-el ronojel ri ruchi' ri palou, nitzale' k'a akuchi k'o-wi ri raqen-ya' Éufrates y k'ari' nitzale' pa rajxokon chupan ri tz'iran ruwach'ulew y nik'ulun k'a akuchi k'o-wi ri Kaqa-Palou. Konojel k'a winaqi' richin re ruwach'ulew re' xkenjech pan iq'a' y rix xke'iwelesaj k'a el chupan ri kiruwach'ulew.

Ex 23:31 ပူးပေါင်းရင်းမြစ်များ

Wuj Richin ri Rutikeribel 15:18

Chupan ri q'ij ri', ri Jehová xuben jun jikibel-tzij rik'in ri Abram y xubij chire: Chike ri awijatzul xtinya-wi kan re ruwach'ulew re', nitiker-el rik'in ri raqen-ya' richin Egipto y napon k'a rik'in ri nimalej raqen-ya' rubini'an Éufrates.

1 Rey 11:2

Y chikij k'a re' ch'owineq chik kan ri Jehová y rubin kan chike ri israelita chi man kek'ule' kik'in ri winaqi' ri', roma wi xtikiben keri' kan jujik chi xtikiben chike ri israelita chi xtikitzeqelibej ri ki-dios rije'. Jak'a ri Salomón xerajo' konojel re ixoqi' re',

1 Rey 20:13

Jari' toq jun q'alajirisey ruch'abel ri Dios xch'on rik'in ri Acab y xubij chire: Kere' rubin-pe ri Jehová: Stape' rat ye'atz'et e janila chi etzelanel awichin, jak'a yin xkenjech pan aq'a' re wakami. Xtinben kere' richin nawetamaj chi ja yin Jehová, nicha' ri Jehová, xcha' chire.

1 Rey 4:21

Ri ruwach'ulew ri k'o pa ruq'a' ri rey Salomón nitiker k'a pe pa relebel-q'ij chuchi' ri raqen-ya' Éufrates y napon k'a pa qajbel-q'ij rik'in ri kiruwach'ulew ri aj-Filistea, y ri pa xokon, k'a rik'in ri ruwach'ulew Egipto. Y konojel ri winaqi' richin re ruwach'ulew re' kan xkiya' kan ri k'o chi nikitoj chire ri Salomón, y chuqa' kan xkilij rija' chijun ruk'aslen.

1 Rey 4:24

Ri Salomón xq'aton-tzij pa ruwi' ri ruwach'ulew ri nitiker-pe pa qajbel-q'ij chire ri tinamit Tífsah ri k'o chuchi' ri raqen-ya' Éufrates, y napon k'a pa tinamit Gaza. Ja rija' xq'aton-tzij pa kiwi' konojel ri rey ri ek'o chiri', y kik'in k'a konojel re' xk'oje' uxlanibel-k'u'x.

1 Rey 8:65

Ri Salomón y ri winaqi' xenimaq'ijun k'a wuqu' q'ij, y chirij ri nimaq'ij ri', xenimaq'ijun chik wuqu' q'ij richin ri nimaq'ij richin ri taq jay banon rik'in ruq'a-che'. Y kan konojel k'a ri winaqi' ek'o-apo chiri'; ri winaqi' ri' e peteneq k'a pa ronojel tinamit, nitiker-pe pa xaman chiri' pa tinamit Hamat y napon-qa pa xokon k'a chuchi' ri raqen-ya' richin ri ruwach'ulew Egipto.

2 Crón 9:26

Y rija' xk'oje' pa kiwi' ri rey ri ek'o chupan ri ruwach'ulew ri nitiker-pe pa xaman rik'in ri raqen-ya' Éufrates, k'a pa qajbel-q'ij rik'in ri kiruwach'ulew ri aj-Filistea, y napon k'a pa xokon rik'in ruk'ulba't ri ruwach'ulew Egipto.

Wuj Richin Bix Chire ri Dios 72:8

Ri rajawaren xtitikir k'a el chuchi' ri palou y napon k'a ri juk'an chik ruchi', xtitiker-el chuchi' ri raqen-ya' Éufrates y xtapon k'a chuchi' chijun ri ruwach'ulew.

Wuj Richin ri Q'axanri'il 21:34

Xeri' ri Jehová xubij chire ri Moisés: Man taxibij-awi' chuwech rija', roma yin xkenjech pan aq'a', e rachibilan konojel ri ruwinaq y chuqa' xtinya' chiwe ri kulew. Xaxe tabana' rik'in achi'el xaben rik'in ri Sihón, rey kichin ri winaqi' amorreo ri xk'oje' kan pan Hesbón.

Deut 1:7

Kixk'olon k'a el y tichapa' chik k'a el bey y kixbiyin pa li'an ruwi' taq juyu' pa kiruwach'ulew ri winaqi' amorreo y ri winaqi' ri ek'o chikinaqaj. Chuqa' pa ruwach'ulew Arabá y ri ruwa taq juyu' y chupan ri taq'aj ri k'o kojol juyu', pa Négueb, y ri ruwach'ulew ri ek'o chuchi' ri palou y k'a rik'in ri kiruwach'ulew ri cananeo, ri Líbano y k'a rik'in ri raqen-ya' Éufrates.

Deut 1:8

Tiwetamaj k'a chi kan ja yin yiya'on chiwe ri ruwach'ulew, kixok chupan y tichapa' k'a y kan tibana' iwichin chire ri ruwach'ulew ri nuya'on nutzij chire. Yin in Jehová, chi kan chike ri iwati't-imama', Abraham, Isaac y ri Jacob y chiwe rix ri ix kijatzul kan rije' ninya-wi, xcha' ri Jehová, xcha' ri Moisés.

Deut 11:24

Ronojel ri ruwach'ulew ri akuchi xkixq'ax-wi jari' xtok iwichin, nitiker-pe pa xokon chire ri tz'iran ruwach'ulew y napon k'a pa Líbano, y nitiker-pe pa relebel-q'ij chire ri raqen-ya' Éufrates y napon k'a chuchi' ri palou.

Deut 2:33

jari' toq ri Jehová ri qa-Dios xujech pa qaq'a' y kan xqach'ek rija' y chuqa' ri e ruk'ajol y keri' chuqa' chijun ri rutinamit.

Deut 2:36

Roj kan xeqach'ek k'a ronojel ri tinamit, nitiker-pe rik'in ri Aroer k'a pa Galaad, y ronojel ri tinamit ek'o-qa chuchi' ri raqen-ya' Arnón, kan man jun k'a ri xch'akon ta chiqij roj, roma ri Jehová ri qa-Dios xerujech pa qaq'a'.

Deut 20:16

Jak'a ri winaqi' richin ri tinamit ri ek'o chupan ri ruwach'ulew ri xtuya' ri Jehová ri qa-Dios chiwe richin niwichinaj, kan ye'ikamisaj konojel y man jun nik'asba' kan.

Deut 3:2

K'ari' ri Jehová xubij chuwe: Man tixibij-iwi' chikiwech, roma xa xinjech yan pan iq'a' ri rey, ri e aj-labal, y chijun ri ruwach'ulew. Tibana' k'a achi'el xiben chire ri Sihón rey kichin ri amorreo, ri xek'oje' pan Hesbón, xcha' chuwe.

Deut 6:19

Y keri' xkerelesaj-el chiwech ri e etzelanel iwichin achi'el ri rubin kan.

Deut 9:3

Roma ri' tiwetamaj chi ri Jehová ri qa-Dios ja rija' ri ik'owineq chiwech rix, achi'el jun q'aq' ri nuk'is ronojel. Rija' xkeruk'is y xtuqasaj kiq'ij; y rix kan xke'iwelesaj-el y kan xke'ik'is chi'anin, achi'el xubij ri Jehová.

Wuj Richin ri Josúe 1:4

Ri iruwach'ulew nitiker-pe chuchi' ri tz'iran ruwach'ulew ri k'o pa xokon y napon k'a chuchi' ri juyu' Líbano ri k'o pa xaman, y nuchop chik pe chuchi' ri nimalej raqen-ya' Éufrates ri k'o pa relebel-q'ij y chijun kiruwach'ulew ri e rijatzul kan ri Het y napon k'a chuchi' ri palou akuchi niqaqa-wi ri q'ij; ja ronojel re' ri ruchi' ri ruwach'ulew ri xtok iwichin.

Wuj Richin ri Josúe 10:19

Y jak'a rix man k'a kixpa'e-qa, xa kan ke'itzeqelibej ri e etzelanel qichin y ke'ikamisaj. Man tiya' q'ij richin ye'ok pa taq kitinamit, roma ri Jehová ri qa-Dios xerujech yan pa qaq'a', xcha'.

Wuj Richin ri Josúe 10:8

Y ri Jehová xubij chire ri Josué: Man tik'en kikiy rije', roma yin xenjech yan pan iq'a'. Man jun chike rije' ri xtitikir ta xtupaba' ri' chiwech, xcha'.

Wuj Richin ri Josúe 13:6

Yin kan xkenk'is k'a chiwech rix, konojel ri aj-Sidón y ri ek'o chuwi' taq juyu' ri nitiker k'a pa Líbano y napon k'a pa Misrefot-maim. Wakami k'a xtajech chike ri awinaq richin keri' xtikichinaj kan jumul, achi'el ri nubin chawe.

Wuj Richin ri Josúe 2:24

Y rije' xkibij chire ri Josué: Kan qitzij na wi chi ri Jehová xujech yan chijun ri ruwach'ulew Canaán pa qaq'a' y ri winaqi' ri ek'o chupan ri ruwach'ulew ri' kan xpe k'a jun nimalej xibinri'il chike. Y xmayamo' yan qa ri kánima qoma roj, xecha' rije'.

Wuj Richin ri Josúe 21:44

Y man jun k'a chike ri etzelanel kichin ri xupaba' ta ri' chikiwech rije', roma ri Jehová kan xerujech pa kiq'a'. Y keri' kan xuya' k'a uxlanenri'il ri chiri' pa kiruwach'ulew, achi'el ri ya'on-tzij ri rubanon kik'in ri kite-kitata'.

Wuj Richin ri Josúe 23:14

Roma yin xa yiken yan, wakami k'a tiwetamaj kan jebel y tik'oje' kan pan iwánima, y tik'oje' kan chi'ik'u'x, chi ronojel ri rusujun ri Jehová ri qa-Dios chiqe, ronojel xbanatej y man jun xk'oje' ta kan chaq keri'.

Wuj Richin ri Josúe 24:11

Xiq'axaj k'a pe ri raqen-ya' Jordán y xixoqaqa pa tinamit Jericó. Y ri winaqi' aj chiri' xebeyakatej-pe chiwij richin xkiben oyowal iwik'in y chuqa' ri winaqi' amorreo, ri ferezeo, ri cananeo, ri hitita, ri gergeseo, ri heveo y ri jebuseo. Jak'a yin kan xinjech pan iq'a' konojel re winaqi' re'.

Wuj Richin ri Josúe 24:12

Nabey chire ronojel ri', xinben chike ri e ka'i' rey kichin ri amorreo chi xe'animej-el chiwech. Man ja ta k'a ri i-espada y ni ta ri rute-ich'ab ri xbanon, xinben chi chaq k'ate' xkik'en jun nimalej rukiy richin xe'animej-el.

Wuj Richin ri Josúe 24:18

Y chuqa' ri Jehová xerelesaj-el chiqawech roj konojel ri winaqi' amorreo ri xek'oje' re akuchi ojk'o-wi re wakami. Kan xtiqasamajij k'a ri Jehová, roma kan ja rija' ri qa-Dios, xecha'.

Wuj Richin ri Josúe 24:8

Xixink'en k'a pe chupan ri kiruwach'ulew ri winaqi' amorreo, ri ek'o juk'an chire ri raqen-ya' Jordán. Y rije' xkiben oyowal iwik'in rix, jak'a yin kan xenjech pan iq'a'. Xenk'is k'a el chiwech y ja rix xixok kan chuwech ri kiruwach'ulew.

Wuj Richin ri Josúe 8:18

K'ari' ri Jehová xubij chire ri Josué: Tayaka-q'anej ri akamisabal ri k'o pan aq'a' pa ruchojmilal ri Ai, roma yin xtinjech chawe, xcha'. Y ri Josué kan xuyek-q'anej ri rukamisabal pa ruchojmilal ri tinamit ri'.

Wuj Richin ri Josúe 8:7

Y jari' toq rix xkixyakatej-pe chire ri pikbel, y xkixok k'a chupan ri tinamit, roma ri Jehová ri qa-Dios xtujech chiqe.

Wuj Richin ri Josúe 9:7

Y ri winaqi' aj-Israel xkibij chike ri achi'a' heveo: Rik'in k'a juba' rix xa ke taq re' naqaj ixk'o-wi, ¿achi'el ta k'a yojtikir nijunamatej-qawech iwik'in?, xecha'.

Wuj Kichin ri To'onela' 1:4

Ri tzobaj ri' xkichop k'a oyowal, y ri Jehová xerujech pa kiq'a' rije' ri winaqi' aj-Canaán y ri winaqi' ferezeo; y xekich'ek k'a e 10,000 achi'a' chiri' pa tinamit Bézec.

Wuj Kichin ri To'onela' 11:21

Y ri Jehová ri qa-Dios xujech ri Sihón y konojel ri ruwinaq pa kiq'a' rije', y roma ri' xekich'ek. Keri' toq xok qichin ri ruwach'ulew kichin ri amorreo chupan ri q'ij ri'.

1 Sam 23:4

Y k'ari' ri David xuk'ulubej chik jun bey ri Jehová ri achike k'atzinel chi nuben, y ri Jehová xubij chire: Kixyakatej y kixbiyin-qa pa tinamit Queilá, roma yin kan xkenjech pan iq'a' ri aj-Filistea, xcha' ri Jehová.