Ex 23:29 - Kaqchiquel Bible

²⁹ Jak'a xa chi jutaqba' xkek'is ri winaqi' ri' richin chi man nitole' ta kan ri ruwach'ulew jumul y keri' man xkek'iyer ta k'a pe ri k'uxunela' taq chikopi' chiwij.

Ex 23:29 ပူးပေါင်းရင်းမြစ်များ

Deut 7:22

Ri Jehová ri qa-Dios chi jutaqba' chi jutaqba' xkerelesaj-el ri winaqi' chiwech; roma rix xa man xkixtikir ta xke'ik'is-el pa jun bey, richin chi man yebeyakatajilan-pe chiwij ri k'uxunela' taq chikopi' ri richin pa taq juyu'.

Wuj Richin ri Josúe 16:10

Jak'a ri e rijatzul ri Efraín man xekelesaj ta el ri aj-Canaán ri ek'o chiri' pa tinamit Guézer, ri xa xek'oje-qa chikikojol rije'. Y xban chike ri aj-Canaán richin xeyuqe' pa samaj kik'in.

Wuj Richin ri Josúe 15:63

Ri rijatzul kan ri Judá man xetikir ta xekelesaj-pe ri jebuseo ri ek'o chiri' pa Jerusalem, xa xek'oje-qa chikikojol rije' k'a re wakami.

Ex 23:30

Chi jutaqba' k'a xkenwelesaj-el rije' chiwech rix, k'a toq xtik'iyer na ri iwijatzul y kan xtok iwichin ri ruwach'ulew.

Ex 34:24

Roma yin kan xkenwelesaj k'a el ri e etzelanel iwichin y kan xtinnimirisaj k'a ri iruwach'ulew, roma ri' kan maneq chik k'a winaqi' ri xkerayin ri iruwach'ulew. Y rik'in ri keri', rix kan yixtikir yixapon-q'anej chinuwech yin Jehová, chupan chi oxi' nimaq'ij ri niban pa jun juna'.